https://sputnik.kg/20230406/merdi-tuz-shayloo-miyzam-otpoy-kaldy-1074208864.html
Депутаттар Бишкек мэрин эл шайлашын шарттаган мыйзам долбоорун өткөрбөй койду
Депутаттар Бишкек мэрин эл шайлашын шарттаган мыйзам долбоорун өткөрбөй койду
Sputnik Кыргызстан
Демилгенин максаты мэрлердин жоопкерчилигин күчөтүү, шаарды өнүктүрүүгө дарамети жеткен менеджерлерди тандоо болгон. 06.04.2023, Sputnik Кыргызстан
2023-04-06T14:58+0600
2023-04-06T14:58+0600
2023-04-06T14:59+0600
кыргызстан
саясат
бишкек
мэр
шайлоо
мыйзам долбоору
четке кагуу
https://sputnik.kg/img/07e6/05/19/1064668288_0:138:3072:1866_1920x0_80_0_0_8861028490792e40349f84dceebd23a9.jpg
БИШКЕК, 6-апр. — Sputnik. Бишкек мэрин эл шайласын деген мыйзам долбоору өтпөй калды. Аталган демилге бүгүн парламенттин жыйынында биринчи окууда каралган.Долбоордун автору Жанар Акаев мэрди түз шайлоо менен жоопкерчиликти күчөтүү, шаарды өнүктүрүүгө дарамети жеткен менеджерлерди тандоону максат кылганын билдирди.Талкуу учурунда депутат Кундузбек Сулайманов эки жылда сегиз эмес, 20 мэр алмаштырса да эч нерсе болбостугун айтты. Иштей албагандарды дароо кетириш керек деп эсептейт.Ал эми Таалайбек Сарыбашов эл шайласа эле баары жакшы болуп кетет деген ойдон алыс болууга чакырып, Кыргызстанда президенттик башкаруу экенин белгиледи. Экспериментти Бишкек шаарынан эмес, облустук маанидеги чакан шаарлардан баштоого үндөдү.Ал эми Айбек Алтынбеков мыйзам долбооруна каршы экенин, эгер Ош шаарынын мэрин дагы түз шайлоону киргизсе колдомоктугун айтты.Жанар Акаев сунушту кабыл алып, экинчи окууда карап көрүүнү убадалаган.Натыйжада мыйзам долбоору добушка коюлуп 38 эл өкүлү макул болсо, 13ү каршы чыкты. Мындан улам демилге өтпөй калды. Колдоо табышы үчүн кеминде 46 депутат макул болушу керек эле.
https://sputnik.kg/20230405/pensiyalyk-kurakty-zhogorulatuu-chetke-kagyldy-1074181879.html
бишкек
Sputnik Кыргызстан
media@sputniknews.com
+74956456601
MIA „Rosiya Segodnya“
2023
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, саясат, бишкек, мэр, шайлоо, мыйзам долбоору, четке кагуу
кыргызстан, саясат, бишкек, мэр, шайлоо, мыйзам долбоору, четке кагуу
Депутаттар Бишкек мэрин эл шайлашын шарттаган мыйзам долбоорун өткөрбөй койду
14:58 06.04.2023 (Жаңыртылды: 14:59 06.04.2023) Демилгенин максаты мэрлердин жоопкерчилигин күчөтүү, шаарды өнүктүрүүгө дарамети жеткен менеджерлерди тандоо болгон.
БИШКЕК, 6-апр. — Sputnik. Бишкек мэрин эл шайласын деген мыйзам долбоору өтпөй калды. Аталган демилге бүгүн парламенттин жыйынында биринчи окууда каралган.
Долбоордун автору Жанар Акаев мэрди түз шайлоо менен жоопкерчиликти күчөтүү, шаарды өнүктүрүүгө дарамети жеткен менеджерлерди тандоону максат кылганын билдирди.
"Азыр туруктуулук болбой жатпайбы. Эки жылда сегиз мэр алмашыптыр. Мэрди шайлоо менен шаардык кеңештин депутаттарын шайлоо бир күндө өтөт. Москва, Стамбул, Анкаранын мэрлери түз шайланат. Суперпрезиденттик өлкөлөрдө деле мындай шайлоолор өтөт. Азыркы Конституцияга каршы келбейт. Биздин шаарга да көрүнүктүү, күчтүү мэр керек", — деди Акаев.
Талкуу учурунда депутат Кундузбек Сулайманов эки жылда сегиз эмес, 20 мэр алмаштырса да эч нерсе болбостугун айтты. Иштей албагандарды дароо кетириш керек деп эсептейт.
Ал эми Таалайбек Сарыбашов эл шайласа эле баары жакшы болуп кетет деген ойдон алыс болууга чакырып, Кыргызстанда президенттик башкаруу экенин белгиледи. Экспериментти Бишкек шаарынан эмес, облустук маанидеги чакан шаарлардан баштоого үндөдү.
Ал эми Айбек Алтынбеков мыйзам долбооруна каршы экенин, эгер Ош шаарынын мэрин дагы түз шайлоону киргизсе колдомоктугун айтты.
Жанар Акаев сунушту кабыл алып, экинчи окууда карап көрүүнү убадалаган.
Натыйжада мыйзам долбоору добушка коюлуп 38 эл өкүлү макул болсо, 13ү каршы чыкты. Мындан улам демилге өтпөй калды. Колдоо табышы үчүн кеминде 46 депутат макул болушу керек эле.
