Ысык-көлдүк Элчибек Кадырбеков Sputnik Кыргызстан агенттигинде

Дүйнөлүк хиттерди сыбызгыга салган Элчибек: аспабым бир топ жыл сандыкта жатты

527
(жаңыланган 14:01 12.01.2017)
Таалайгүл Усенбаева
Жигитке жетимиш өнөр аздык кылат демекчи, ысык-көлдүк Элчибек Кадырбеков кесиби боюнча машина куруу инженери болгону менен учурда туризм тармагында эмгектенет. Мындан тышкары, жаш инженер улуттук музыкалык аспаптарда кол ойнотуп, чыгармачылык менен да алектенип калган жайы бар.

Элчибек Sputnik Кыргызстан агенттигинде сыбызгыда дүйнөлүк жана ата мекендик хит ырларды аткарып, өзү тууралуу кыскача айтып берди. 

(NaN:NaN / NaNMb / )
© Sputnik / Эмиль Садыров
Элчибек Кадырбеков дүйнөлүк жана ата мекендик хит ырларды сыбызгыда аткарып берди

— Сыбызгыда мурда эле ойночу белеңиз?

— Кичинемде мектепке барганга чейин эле ойночумун. Кандайча үйрөнүп калганымды деле билбейм. Кыргыз тилин билген сыяктуу эле ойноп калгам. Атам комуз чертип, ооз комуз, сыбызгыда ойнойт. Бирок өзү физика сабагынан мугалим. Апам да мугалим, бирок жакшы ырдайт.

— Чыгармачылыкка тиешеси жок кесиптин ээси экенсиз…

— Ооба, туризм тармагына университетте окуп жүргөндө кызыгып калып, ушул тармак менен кетип калдым. Азыр Кыргызстандын ичинде атайын туризм агенттигин ачып алганбыз. Анда өлкөдөн эле саякат кылып, эс алам деген адамдарды чогултуп Кыргызстандын кооз жерлерин көрсөтүп келебиз. Мисалы, кышында тоо лыжа базаларына алып барып дегендей. Жайында Ысык-Көлдө ачык асман алдындагы эс алууну уюштурабыз. 

  • Жигитке жетимиш өнөр аздык кылат демекчи, ысык-көлдүк Элчибек Кадырбеков кесиби боюнча машина куруу инженери болгону менен учурда туризм тармагында эмгектенет.
    Жигитке жетимиш өнөр аздык кылат демекчи, ысык-көлдүк Элчибек Кадырбеков кесиби боюнча машина куруу инженери болгону менен учурда туризм тармагында эмгектенет.
    © Sputnik / Жоомарт Ураимов
  • Мындан тышкары, жаш инженер улуттук музыкалык аспаптарда кол ойнотуп, чыгармачылык менен да алектенип калган жайы бар.
    Мындан тышкары, жаш инженер улуттук музыкалык аспаптарда кол ойнотуп, чыгармачылык менен да алектенип калган жайы бар.
    © Sputnik / Жоомарт Ураимов
  • Элчибек Sputnik Кыргызстан агенттигинде сыбызгыда дүйнөлүк жана ата мекендик хит ырларды аткарды
    Элчибек Sputnik Кыргызстан агенттигинде сыбызгыда дүйнөлүк жана ата мекендик хит ырларды аткарды
    © Sputnik / Жоомарт Ураимов
1 / 3
© Sputnik / Жоомарт Ураимов
Жигитке жетимиш өнөр аздык кылат демекчи, ысык-көлдүк Элчибек Кадырбеков кесиби боюнча машина куруу инженери болгону менен учурда туризм тармагында эмгектенет.

— Чыгармачылык, туризм, машина куруу… Кайсы тармак жүрөгүңүңзө жакыныраак?

— Сыбызгыда бош убакыт болгондо гана ойноп коем, хоббим деп айтсам болот. Келечекте үн жаздыруу студиясын ачып, композитор болсом деген кыялдарым бар. 

— Сыбызгы менен чоң сахнага чыгуу боюнча ойлор жокпу?

— Мурда университетте окуп жүргөндө атайын фольклордук топторго кошулуп иш-чараларга чыгып калчумун. Азыр жумуштан кол деле тийбейт. Бул сыбызгым жасалгандан бери сандыкта бир топ жыл жаткан, сагынганда ушинтип ойноп коем. 

— Мурунку ойноп жүргөн сыбызгыңызбы?

— Жок, бул сыбызгыны атайын таланттуу музыкант, аспапчы Асылбек Насирдиновго жасаткам. Ал эми алгачкы сыбызгымды атам желим шлангдан жасап берген. Профессионалдык сыбызгыга караганда анын тешиктери азыраак болот. 

— Сыбызгыны үйрөнүш кыйынбы?

— Жок, оңой эле, комузга караганда сыбызгы үйрөнүү жеңилирээк. Каалоо күчтүү болсо эле үйрөнүп кетиш оңой. 

Sputnik Кыргызстан агенттигинин интерактивдүү инфографикасынан кыргыздын 11 музыкалык аспабы кандай жаңырарын угуп көрүңүз>>

527
Белгилер:
инженер, сыбызгы, улуттук музыкалык аспаптар, өнөр
Тема боюнча
Эл оозуна алынган кичинекейлер. КВНчиден тарта ди-джейге чейин
Тургунаалы Жусуп Мамай теги: Кытай Жусуп атамды караган келиндерге да айлык төлөчү