БИШКЕК, 12-дек. — Sputnik. Бүгүн Чыңгыз Айтматов атындагы Кыргыз мамлекеттик орус драма театры 80 жылдык мааракесин белгилеп жатканын Маданият, маалымат жана туризм министрлиги билдирди.
Маалыматка ылайык, иш-чара улуу жазуучуну туулган күнүнө карата өткөрүлүүдө. Келген көрөрмандар театрдын фойесинде уюштурулган көргөзмөгө күбө болушууда. Анда маданият мекемесинин 80 жылдык тарыхы, ийгиликтери сүрөттөрдө чагылдырылган.
Мындан тышкары, аталган театр уюшкандан бери өзү сахналаштырып келген чыгармалардан үзүндү коюп, театрлаштырылган оюн-зоок тартуулайт.
Иш-чарага өкмөт мүчөлөрү, чыгармачыл интеллигенция, театр ишмерлери катышууда.
