БИШКЕК, 21-янв. — Sputnik. Бишкектин музыка мугалимдери үчүн сабакта интерактивдүү такта пайдалануу боюнча семинар өткөнүн мэриянын маалымат кызматы билдирди.
Маалыматка ылайык, иш-чара №61 орто мектепте өтүп, ага музыка сабагынан берген 68 мугалим катышкан.
"Семинарда доклад окулду. Ачык сабак өтүлүп, интерактивдүү тактанын пайдаланылышы көрсөтүлдү", — деп айтылат билдирүүдө.
Иш-чарада мугалимдер өз билимин текшерүүгө да мүмкүнчүлүк алышты.
