БИШКЕК, 25-янв. — Sputnik. Кыргызстанда жакынкы күндөрү суук түшө турганын Sputnik Кыргызстан агенттигине Гидрометеорология боюнча мекеме билдирди.
Узак убакытка созулган жылуу аба ырайы кескин өзгөрүүлөргө дуушар болот.
"27-30-январь күндөрү кар жаайт. 27-28-январда Чүй, Талас, Ош, Жалал-Абад облустарынын айрым аймактарында кар калың жаап, жолдор тоңголок болот", — деп айтылат билдирүүдө.
Таласта түнкүсүн —10…-15 градус суук болсо, күндүз күн алты градуска чейин төмөндөйт. Ысык-Көлдө түнкүсүн 12 градуска чейин суук болсо, күндүз температура жети градуска чейин төмөндөй турганы айтылууда. Нарында түнкүсүн 25, ал эми бийик тоолуу аймактарда 30 градуска чейин суук түшсө, күндүз —15…-18 градуска чейин суук болот.
Мындай аба ырайы жолдордун абалын начарлатып, мал кармоону кыйындатат. Унаа, байланыш, энергетика жана коммуналдык кызматтардын иши бир топ кыйынчылыктарга туш болот.
