БИШКЕК, 19-дек. — Sputnik. Шаршемби күнү айрым жерлерде бир аз кар жаашы күтүлөт. Тоолуу аймактарда жолдор тоңголок жана тайгак болот. Бул тууралуу Кыргызгидромет билдирди.
Ага ылайык, батыштан соккон шамалдын ылдамдыгы секундасына 4-9 метрге жетет.
Чүй, Талас жана Ысык-Көлдө 1…6, Ош, Жалал-Абад жана Баткенде 4…9 градус жылуу болсо, Нарын облусунда 1…6 градус суук болот.
Борбор калаа менен Ош шаарында күн ачык болуп 5…7 градус жылуу болушу күтүлөт.
