БИШКЕК, 15-авг. — Sputnik. Дүйшөмбүдө тоолуу райондордо өткүн өтүп, күн күркүрөйт. Талас, Баткен облусунда жаан-чачын болбойт. Бул тууралуу Кыргызгидромет билдирди.
Маалыматка ылайык, батыштан соккон шамалдын ылдамдыгы секундасына 4-9 метрге жетет.
Абанын температурасы Чүй өрөөнүндө +22...+27, Ош, Жалал-Абад, Баткен облустарында +28...+33, Талас жергесинде +21...+26, Ысык-Көлдө +15...+22, Нарын аймагында +20...+25 градус болору айтылды.
Термометрдин көрсөткүчү Бишкекте +25...+27, Ош шаарында +30...+32, ал эми Чолпон-Ата калаасында +17…+19 градуска чейин жетет.
