https://sputnik.kg/20230907/kyrgyzstan-sujmonkul-chokmorov-surotchu-sagynbek-ishenov-taberik-1078410505.html
"Кыргыз кереметинин" бир бучкагын тарткан сүрөтчүлөр. Душанбедеги таберик сүрөт
"Кыргыз кереметинин" бир бучкагын тарткан сүрөтчүлөр. Душанбедеги таберик сүрөт
Sputnik Кыргызстан
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт. 07.09.2023, Sputnik Кыргызстан
2023-09-07T20:03+0600
2023-09-07T20:03+0600
2023-09-08T11:50+0600
кыргызстан
маданият
кинематография
сүймөнкул чокморов
сагынбек ишенов
таберик сүрөт
сүрөт
https://sputnik.kg/img/07e7/09/07/1078410882_0:0:2048:1153_1920x0_80_0_0_b45e7db9621a505fd3e2ea4fe31c0fc9.jpg
© Sputnik / Александр ФедоровСССРдин эл артисти, Кыргыз ССРинин эл сүрөтчүсү, залкар актёр Сүймөнкул Чокморов менен КРдин эл артисти, алгачкы кыргыз мультипликатору Сагынбек Ишеновдун сүрөтү 1980-жылы Душанбе шаарында тартылган.Ал жылы Тажикстандын борборунда XIII бүткүл союздук кинофестивалы өтүп, белгилүү кинорежиссёр Болот Шамшиевдин "Эрте келген турналар" тасмасы баш байгеге татыган. Кинофильмде Чокморов башкы каарман Султанмураттын атасынын ролун аткарган.Залкар жазуучу Чыңгыз Айтматов көзү тирүү кезинде талантуу актёр Чокморов жөнүндө буларды айткан.Кыргыз Республикасынын маданиятына эмгек сиңирген ишмер Каридин Акматалиев сүрөттөгү инсандар тууралуу буларды кошумчалады."Мен Сүймөнкул Чокморов менен Төлөмүш Океевдин "Кызыл алма" тасмасында гана бирге иштешип калдым. Ал эми Сагынбек Ишенов жөнүндө сөз кылсам, ал киши "Бакайдын жайытынан" баштап бир топ кинофильмдерде сүрөтчү болуп көп режиссёрлор менен иштешти. Кийин мультипликаторлук студияны ишке киргизип, алгачкы кыргыз мультфильмдерин жаратып элге тартуулады. Негизи союз маалында кинорежиссёрлор тасма тартуу алдында чыгармачыл топко сөзсүз сүрөтчүлөрдү кошуп алар менен тыгыз иштешчү. Алар киночуларга тасмага ылайыктуу түс, композиция тандаганга жардам берип, режиссёрлук сценарийди жазышчу, өзүнүн устаканасында иштеп кинокартинанын эскиздерин даярдачу. Ошол материалдардын негизинде көркөм кеңеш бизге уруксат берчү", — деди Акматалиев.Режиссёр-мультипликатор Сагынбек Ишенов көп жыл "Кыргызфильм" киностудиясында эмгектенип, ондогон тасманын сүрөтчүсү болгон. Режиссёр катары "Сандардын чатагы", "Олокон", "Меке чал жана кара дөө", "Эки коён", "Портрет" тасмаларын жаратып, Москвадагы Станиславский атындагы театрда "Саманчынын жолу" спектаклинин декорациясын оригиналдуу кылып жасаган. Азыр ардагер киночу 89 жашта.Тема боюнча:
Sputnik Кыргызстан
media@sputniknews.com
+74956456601
MIA „Rosiya Segodnya“
2023
Мирбек Сакенов
https://sputnik.kg/img/104343/42/1043434299_1177:149:2036:1008_100x100_80_0_0_414606a0d40d8ce720ce1aa4c6ce2676.jpg
Мирбек Сакенов
https://sputnik.kg/img/104343/42/1043434299_1177:149:2036:1008_100x100_80_0_0_414606a0d40d8ce720ce1aa4c6ce2676.jpg
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
Мирбек Сакенов
https://sputnik.kg/img/104343/42/1043434299_1177:149:2036:1008_100x100_80_0_0_414606a0d40d8ce720ce1aa4c6ce2676.jpg
кыргызстан, маданият, кинематография, сүймөнкул чокморов, сагынбек ишенов, таберик сүрөт, сүрөт, инфографика
кыргызстан, маданият, кинематография, сүймөнкул чокморов, сагынбек ишенов, таберик сүрөт, сүрөт, инфографика
"Кыргыз кереметинин" бир бучкагын тарткан сүрөтчүлөр. Душанбедеги таберик сүрөт
20:03 07.09.2023 (Жаңыртылды: 11:50 08.09.2023) Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.
© Sputnik / Александр Федоров
СССРдин эл артисти, Кыргыз ССРинин эл сүрөтчүсү, залкар актёр Сүймөнкул Чокморов менен КРдин эл артисти, алгачкы кыргыз мультипликатору Сагынбек Ишеновдун сүрөтү 1980-жылы Душанбе шаарында тартылган.
Ал жылы Тажикстандын борборунда XIII бүткүл союздук кинофестивалы өтүп, белгилүү кинорежиссёр Болот Шамшиевдин "Эрте келген турналар" тасмасы баш байгеге татыган. Кинофильмде Чокморов башкы каарман Султанмураттын атасынын ролун аткарган.
Залкар жазуучу Чыңгыз Айтматов көзү тирүү кезинде талантуу актёр Чокморов жөнүндө буларды айткан.
"Сүймөнкулда сүрөтчүлүк талант менен адамдык сапаттар айкалышып турган. Чыгармачылыгында жогорку деңгээлдеги чеберчиликти, ички гармонияны көргөзүп кыргыз киноискусствосунда эталонго айланган. Ал кандай болсо дагы биринчиден айлана-чөйрөгө ишеничтүү караган живописчи эле. Менин оюмча, адам туулуп-өскөн жериндеги кооздуктун маанисин көрө билген, сезе билген жан болуш керек. Сүрөтчү катары ал кубулуштарды башкаларга көрсөтүп калтырышы керек", — деген Айтматов.
Кыргыз Республикасынын маданиятына эмгек сиңирген ишмер Каридин Акматалиев сүрөттөгү инсандар тууралуу буларды кошумчалады.
"Мен Сүймөнкул Чокморов менен Төлөмүш Океевдин "Кызыл алма" тасмасында гана бирге иштешип калдым. Ал эми Сагынбек Ишенов жөнүндө сөз кылсам, ал киши "Бакайдын жайытынан" баштап бир топ кинофильмдерде сүрөтчү болуп көп режиссёрлор менен иштешти. Кийин мультипликаторлук студияны ишке киргизип, алгачкы кыргыз мультфильмдерин жаратып элге тартуулады. Негизи союз маалында кинорежиссёрлор тасма тартуу алдында чыгармачыл топко сөзсүз сүрөтчүлөрдү кошуп алар менен тыгыз иштешчү. Алар киночуларга тасмага ылайыктуу түс, композиция тандаганга жардам берип, режиссёрлук сценарийди жазышчу, өзүнүн устаканасында иштеп кинокартинанын эскиздерин даярдачу. Ошол материалдардын негизинде көркөм кеңеш бизге уруксат берчү", — деди Акматалиев.
Режиссёр-мультипликатор Сагынбек Ишенов көп жыл "Кыргызфильм" киностудиясында эмгектенип, ондогон тасманын сүрөтчүсү болгон. Режиссёр катары "Сандардын чатагы", "Олокон", "Меке чал жана кара дөө", "Эки коён", "Портрет" тасмаларын жаратып, Москвадагы Станиславский атындагы театрда "Саманчынын жолу" спектаклинин декорациясын оригиналдуу кылып жасаган. Азыр ардагер киночу 89 жашта.
