https://sputnik.kg/20231025/samiykozho-tuunu-ozgortuugo-karshy-boldu-1079835016.html
Өздөрү күн карама. Самыйкожо тууну өзгөртүүгө каршы болуп, Шакиев менен талашты
Өздөрү күн карама. Самыйкожо тууну өзгөртүүгө каршы болуп, Шакиев менен талашты
Sputnik Кыргызстан
Эл өкүлү желекти арбайтып-тарбайтып салса "лопух", кыргызча айтканда, уйгакка окшоп каларын белгиледи. 25.10.2023, Sputnik Кыргызстан
2023-10-25T11:55+0600
2023-10-25T11:55+0600
2023-11-28T13:24+0600
кыргызстан
саясат
желек
нурланбек шакиев
мирлан самыйкожо
өзгөртүү
кыргызстандын желегин өзгөртүү
https://sputnik.kg/img/07e7/04/06/1074200855_106:439:2966:2048_1920x0_80_0_0_e79c4f39102e73e336215781cd0d2b96.jpg
БИШКЕК, 23-окт. — Sputnik. Тууну өзгөртөбүз дегендердин өзү күн карама. Жогорку Кеңештин депутаты Мирлан Самыйкожо спикердин желекти оңдоп-түзөө демилгесине каршы чыкты.Депутат көпчүлүк эл мындай сунушту колдобой жатканын белгиледи. Анын айтымында, түндүктүн чекесиндеги күндүн нуру коломтодогу оттун, жалындын да белгиси.Анда Нурланбек Шакиев эч кандай өзгөрүү, жаңы элементтер кирбей турганын, болгону баштапкы формасына кайтарып келүү максатталып жатканын айтты. Туунун авторлору да түп нускасы өзгөрүп кеткени боюнча айтып жатканын билдирди.Депутат "эгемендүүлүк алган жылдан бери туура эмес жасалган туунун алдында турабызбы?" десе, төрага "ошондой" деп жооп берди. Бирок Самыйкожо ага макул болгон жок."Желекти ким күн карама десе, авторлордун өздөрү күн карама, күн тийген жердин күкүгүндөй, жетим көпөлөктөй ар кайсы жерди айланып жүрүшөт. Ким эмне десе ошонун айдагына айдалып, байрагына байланып келгендер ошентип айта берет", — деп нааразы болду эл өкүлү.Буга Шакиев арабанын алдына түшүп чуркабай, талкууга коюлганда маселени добуш менен чечүү керектигин айтты.Анда Самыйкожо эртең уруксат беришсе желек кантип кабыл алынганын, түсү, белгилери кандай маани берери тууралуу кенен айтып берүүгө даяр экенин белгиледи.Депутаттын пикирин кесиптеши Эрулан Көкүлов дагы колдоп, эс тарткандан бери азыркы желекти көрүп келгенин билдирди.
https://sputnik.kg/20231004/mamlekettik-simvol-jelek-tuu-taryhy-abaly-1079122760.html
Sputnik Кыргызстан
media@sputniknews.com
+74956456601
MIA „Rosiya Segodnya“
2023
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, саясат, желек, нурланбек шакиев, мирлан самыйкожо, өзгөртүү
кыргызстан, саясат, желек, нурланбек шакиев, мирлан самыйкожо, өзгөртүү
Өздөрү күн карама. Самыйкожо тууну өзгөртүүгө каршы болуп, Шакиев менен талашты
11:55 25.10.2023 (Жаңыртылды: 13:24 28.11.2023) Эл өкүлү желекти арбайтып-тарбайтып салса "лопух", кыргызча айтканда, уйгакка окшоп каларын белгиледи.
БИШКЕК, 23-окт. — Sputnik. Тууну өзгөртөбүз дегендердин өзү күн карама. Жогорку Кеңештин депутаты Мирлан Самыйкожо спикердин желекти оңдоп-түзөө демилгесине каршы чыкты.
Депутат көпчүлүк эл мындай сунушту колдобой жатканын белгиледи. Анын айтымында, түндүктүн чекесиндеги күндүн нуру коломтодогу оттун, жалындын да белгиси.
"Башка нерселерди эле жасап, мамлекетибиздин ыйыгына тийбей эле коёлучу. 30 жылдан бери эн тамгабыз болуп келген жакшынакай желегибиз турат. Аны арбайтып-тарбайтып салсак "лопух" болуп калат, анын кыргызчасы уйгак. Башка иштерибиз кокодон болуп турганда тууну өзгөртүүгө киришсек, эртең эшиктеги эл бизди кечирбейт", — деди Самыйкожо.
Анда Нурланбек Шакиев эч кандай өзгөрүү, жаңы элементтер кирбей турганын, болгону баштапкы формасына кайтарып келүү максатталып жатканын айтты. Туунун авторлору да түп нускасы өзгөрүп кеткени боюнча айтып жатканын билдирди.
"Азыр сиз түндүктүн турганын, күндүн нурларын караңызчы? Ошол түндүккө окшойбу? Ошонун баарын авторлор өздөрү айтып жатат", — деди спикер.
Депутат "эгемендүүлүк алган жылдан бери туура эмес жасалган туунун алдында турабызбы?" десе, төрага "ошондой" деп жооп берди. Бирок Самыйкожо ага макул болгон жок.
"Желекти ким күн карама десе, авторлордун өздөрү күн карама, күн тийген жердин күкүгүндөй, жетим көпөлөктөй ар кайсы жерди айланып жүрүшөт. Ким эмне десе ошонун айдагына айдалып, байрагына байланып келгендер ошентип айта берет", — деп нааразы болду эл өкүлү.
Буга Шакиев арабанын алдына түшүп чуркабай, талкууга коюлганда маселени добуш менен чечүү керектигин айтты.
Анда Самыйкожо эртең уруксат беришсе желек кантип кабыл алынганын, түсү, белгилери кандай маани берери тууралуу кенен айтып берүүгө даяр экенин белгиледи.
Депутаттын пикирин кесиптеши Эрулан Көкүлов дагы колдоп, эс тарткандан бери азыркы желекти көрүп келгенин билдирди.
4 Тогуздун айы 2023, 12:05
