Города России. Сургут

Ак-Турпак айылынан Ош, Баткен аймактарына жете турган газ кени табылды

81
(жаңыланган 13:56 05.12.2014)
Баткен облусунан табылган газ иштетилип калса, Ош менен Баткен элин 5-10 жыл бою камсыздоого жетет.

БИШКЕК, 5-дек — Sputnik. Баткен облусунун Кадамжай районуна караштуу Ак-Турпак айылынан Ош менен Баткен облустарын камсыздоого кенен жете турган жаратылыш газы табылган. Бул тууралуу биздин кабарчыга Кадамжай районунун акими Акрам Мадумаров билдирди.

"Баткеннефтегаз" ишканасы акыркы 7 жылдан бери мунайзат жана газдын кендерин табуу боюнча чалгындоо иштерин жүргүзүп, жыйынтыгында болжол менен 500 миллион кубометр газдын кени табылган. Аталган ишкана Баткен облусунун башка аймактарында да чалгындоо иштерин жүргүзүүдө. Табылган газ Баткен менен Ош аймагын 5-10 жылга чейин камсыздоого жетет. Көгүлтүр отундун дагы башка кени табылып калса, элди 10-15 жылга чейин камсыздоого мүмкүнчүлүк болот деп пландап жатабыз", — деди ал.

Акрам Мадумаров учурда газды иштетүү боюнча лицензия берилгенин, азырынча газды элге жеткирүү маселеси каралып жатканын кошумчалады. 

"Кийинки жылы, буюрса, газ табылган жерге чакан завод куруу пландалууда. Аны тиешелүү мамлекеттик органдар менен жергиликтүү бийлик биргелешип сүйлөшүү жолу менен чечет", — деди ал.

Жергиликтүү ЖМКлардын маалымдашынча, учурда Өрүкзар айылына жакын жерге газ куурлары алынып келинген. Эгер жергиликтүү бийлик органдары газды бөлүштүрүү жоопкерчилигин өзүнө ала турган болсо, көгүлтүр от жергиликтүү тургундарга берилип баштайт. 

Ак-Турпак айыл аймагынын башчысы Алчынбай Төралиевдин айтымында, Баткен шаарын газ менен камсыздоо үчүн Ак-Турпак жана Дара айылдарынан газ куурларын алып өтүү керек. Ал үчүн каражат зарыл.

Өлкө президенти Алмазбек Атамбаев дүйшөмбүдө республикалык телеканалдарга берген маегинде Баткен облусунан табылган газды иштетүү боюнча Кыргызстан "Газпром" ишканасына да кайрылганын билдирген. Газ табылган жерге чакан ишкана куруу үчүн 1,5 жылдай убакыт кетет деген президент, газды Жалал-Абад облусуна чейин жеткирүү жагы каралып жатканын айткан. 

"Табылган газды Ошко, андан ары Жалал-Абадга алып барганча 200-300 миллион доллар кетет экен. Бул боюнча Энергетика министрлигинин өкүлдөрү жана атайын адистер менен чогулуш өткөрдүм", — деп айткан президент.

Белгилей кетсек, Ак-Турпак айылынан табылган газдын кени Баткен шаарынан 70 чакырым аралыкта жайгашкан.

81
Белгилер:
Жалал-Абад, Ак-Турпак, Ош, Баткен, Алмазбек Атамбаев, Акрам Мадумаров, Алчынбай Төралиев
Тема боюнча
Оторбаев Москвада мунай баасын сүйлөшүүдө
"Газпром" Кыргызстандын мунайзат рыногунун өнүгүүсүнө салым кошот
Майнинг-ферма. Архивдик сүрөт

500дөй майнинг-ферма иштеткен кыргызстандык жаран кармалды

24
Учурда аныкталган фирмалардын мамлекетке келтирген зыянын аныктоо боюнча тиешелүү аракеттер жүргүзүлүп жатканы кошумчаланды.

БИШКЕК, 17-сен. — Sputnik. УКМК энергетика тармагындагы коррупциялык схемаларга бөгөт коюу ишинин жүрүшүндө мыйзамсыз иштеп жүргөн бир нече майнинг-ферманы аныктады. Бул тууралуу атайын кызматтан кабарлады.

Билдирмеге караганда, сотко чейинки өндүрүштүн алкагында Кыргызстандын М.Д.Ю. аттуу жараны электр энергиясын бөлүштүрүүчү "ЭТ" компаниясына мыйзамсыз кошулуп, электр энергиясын ири өлчөмдө уурдап турганы аныкталган. Ошондой эле ал майнинг-фермалар аркылуу криптовалюта алуу үчүн мыйзамсыз иштерди уюштуруп келген.

"15-сентябрда электр энергиясын бөлүштүрүүчү "ЭТ" компаниясынын электр тармактарына мыйзамсыз туташтырылган 500дөн ашык майнинг-ферма табылган", — деп айтылат маалыматта.

Учурда аныкталган фирмалардын мамлекетке келтирген зыянын аныктоо боюнча тиешелүү процессуалдык аракеттер жүргүзүлүп жатканы кошумчаланды.

24
Белгилер:
майнинг, электр энергиясы, УКМК, мыйзам
Тема боюнча
20 млн. сом зыян келтирген. Бишкек менен Чүйдө майнинг-фермалар аныкталды. Видео
Куралчан адам. Архив

Ок атып токтотушту. Чек арачылар Тажикстанга бараткан жүктү кармашты

79
(жаңыланган 15:12 17.09.2021)
Контрабандачылар чек арачыларды көргөндөн кийин качып кетүүгө аракет кылган, бирок автоунаасынын дөңгөлөгүнө атылган октон кийин токтошкон.

БИШКЕК, 17-сент. — Sputnik. Баткен облусундагы Лейлек чек ара отрядынын кызматкерлери Тажикстанга көмүрдү мыйзамсыз ташып бара жаткан автоунааларды бир нече ирет ок атып токтотконго аргасыз болгон. Бул тууралуу УКМКнын Чек ара кызматынан кабарлады.

Окуя бүгүн, 17-сентябрда, Лейлек районунун Майты аймагында болгон. Чек арачылар оор жүк ташуучу Mersedes жана MAN автоунааларын текшерүүгө аракет кылганда алар токтогон эмес.

"Алар чек арачыларды көргөндөн кийин качып кетүүгө аракет кылган. Аскерлер алгач эскертүү иретинде асманга ок чыгарганы менен айдоочулар чыгып кетүүгө аракет кылган. Акырында чек арачылар автоунаанын дөңгөлөгүн атканда гана токтошкон. Алар Кыргызстандан Тажикстанга 15 тонна көмүрдү уруксат кагазы жок алып чыгып бара жаткан", — деп айтылат ведомство тараткан маалыматта.

Тиешелүү документтер толтурулган соң айдоочулар көмүрү менен кошо тартип сактоо органдарына андан аркы тергөө иштерин жүргүзүү үчүн өткөрүп берилген.

79
Белгилер:
Кыргызстан, Тажикстан, чек арачы, ок атуу, контрабанда, көмүр
Тема боюнча
Тажикстанга мыйзамсыз бара жаткан автоунааны асманга ок атып токтотушту
Кыргызстандын президенти Садыр Жапаров Душанбеде ШКУга мүчө мамлекеттердин башчыларынын кеңешинин отуруму учурунда

Афганистанга жардам, коопсуздук, кызматташуу. Жапаровдун Душанбедеги сөзү

0
(жаңыланган 15:54 17.09.2021)
Жапаров Кыргызстандын учурда кыйын абалга туш болгон Афганистандын элине гуманитардык жардам жөнөтүүгө даяр экенин билдирди.

БИШКЕК, 17-сен. – Sputnik. Президент Садыр Жапаров Душанбеде (Тажикстан) ШКУга мүчө мамлекеттердин башчыларынын кеңешинин отурумунда региондо коопсуздук алкагын калыптандырууга өзгөчө көңүл бурууга чакырды. Бул туурасында мамлекет башчынын маалымат кызматынан кабарлады.

Ал 20 жыл ичинде Шанхай кызматташтык уюму (ШКУ) конкреттүү натыйжа жана салмактуу ийгиликтерге жетишти деген пикирин билдирген.

"Жапаров биргелешкен аракеттердин аркасында ШКУ мейкиндигинде коопсуздук жана стабилдүүлүктү колдоо боюнча чоң иш жүрүп жатканын белгилеп, региондо коопсуздук алкагын калыптандырууга өзгөчө көңүл бурууга чакырды. Афганистандагы акыркы кырдаалды эске алуу менен эл аралык экстремизм жана террорчулук күчтөрүнүн коркунуч жана чакырыктарына каршы күрөшүү маселелери өзгөчө мааниге ээ болгонун белгиледи", – деп айтылат маалыматта.

Душанбе шаарында өтүп жаткан Жамааттык коопсуздук кеңешинин (ЖККУ) сессиясы
© Пресс-служба президента КР / Султан Досалиев
Жапаров белгилегендей, башка мамлекеттердин ШКУга кошулууга умтулуусу уюм ишмердүүлүгү эл аралык аренада кеңири кызыгуу жараткандыгын айгинелейт. Алсак, ШКУ саммитинде Иранды жаңы мүчө катары кабыл алуу, ошондой эле Сауд Аравия Падышалыгына, Египет Араб Республикасына жана Катар мамлекетине ШКУ диалогу боюнча өнөктөш макамын берүү процедурасын баштоого старт берилди.

Президент сүйлөп жатып, кол салууга жол бербөө жана миграциялык процесстерди жөнгө салуу үчүн өз ара кызматташуунун стратегиясын иштеп чыгууну сунуштады.

"Аны менен бирге Кыргызстан эң эле көп жабыркаган афган калкынын да, регион жана эл аралык коомчулуктун кызыкчылыгында да Афганистанда аскердик чыр-чатактын токтошун, тынчтык, бейпилдик жана стабилдүүлүктүн орношун жактаарын айтты. Президент Кыргызстан Афганистандын элине гуманитардык жардам жөнөтүүгө даярдыгын билдирди", — деп айтылат маалыматта.

Жапаров санариптештирүүнүн глобалдашуу тенденциясынын, маалыматтык-коммуникациялык технологиялардын өнүгүүсү фонунда акыркы жылдары ШКУ мейкиндигинде кибертеррорчулуктун тобокелдик жана коркунучтары күчөгөнүнө катышуучулардын көңүлүн бурган.

Президент киберкоопсуздукту камсыздоо жаатында кызматташууну жылдыруу максатында, ШКУга мүчө мамлекеттердин тармактык министрлик жана ведомство жетекчилеринин кеңешмеси түрүндөгү атайын механизмди негиздөөнү сунуштаган.

Жапаров ШКУнун өнүктүрүү банкын жана ШКУнун өнүктүрүү фондун түзүү боюнча консультацияларды улантууну сунуштаган. Бул институтту эсеп-кысапты улуттук валютада жүргүзүүгө өтүү боюнча механизми катары карап, натыйжалуу финансы механизмдерин киргизүү жардамында экономикалык кызматташтыкты тереңдетүүнүн маанилүүлүгүн белгилеген.

Аны менен бирге ал транспорттук инфраструктураны биргелешип өнүктүрүү соода мамилелерин активдештирүүгө жана көптөгөн социалдык-экономикалык көйгөйлөрдү чечүүгө мүмкүндүк берет деген ишенимин билдирген.

"Пандемия шартында, ошондой эле кабыл алынган карантиндик чаралардан кийин автожүк ташуулар чектелүү болуп калды, андыктан эң ишенимдүү транспорттук жол бул — темир жолу. Кыргызстан "Кытай — Кыргызстан — Өзбекстан" темир жолунун курулушунун долбоорун тез арада ишке ашуусун көздөйт. Ал региондун транзиттик потенциалын толук кандуу ачууга маанилүү жана конкреттүү кадам болуп, деңиз портторуна чыгууга мүмкүндүк берет", — деп билдирген Жапаров.

Президент азык-түлүк коопсуздугу жана ШКУнун билим берүү жаатындагы кызматташуу маселелерин көтөрүп, туризм, жаштар жана спортту кошуп, маданий-гуманитардык өз ара кызматташуунун маанилүүлүгүн белгилеген.

0
Белгилер:
Кыргызстан, ШКУ, Садыр Жапаров, кеңешме, сунуш
Тема боюнча
Жапаров ШКУ саммитине катышуу үчүн "Кохи Навруз" комплексине келди
Эмомали Рахмон Жапаровду "Улут сарайынан" тосуп алды. Сүрөт