На таможенно-пропускном пункте на границе с Белоруссией

Президент "Коомдук саламаттык сактоо жөнүндө" мыйзамды толуктоого кол койду

49
(жаңыланган 06:51 09.01.2015)
Кыргызстандын интеграциялык жаңы уюмга киришинин алкагында "Коомдук саламаттык сактоо жөнүндө" Мыйзамга өзгөртүүлөр жана толуктоолор киргизилди.

БИШКЕК, 9-янв — Sputnik. Президент Алмазбек Атамбаев "Коомдук саламаттык сактоо жөнүндө" мыйзамга толуктоолорду жана өзгөртүүлөрдү киргизүү тууралуу" КР мыйзамына кол койду.

Мыйзам Жогорку Кеңеш тарабынан 2014-жылдын 27-ноябрында кабыл алынган.

Мыйзам аны "Кыргыз Республикасынын Өкмөтү жөнүндө" конституциялык Мыйзамдын ченемдерине ылайык келтирүү, Жогорку Евразиялык Кеңештин 2014-жылдын майындагы чечими менен бекитилген Беларусь, Казакстан жана Россиянын Бажы Биримдигине Кыргызстандын кошулуусу боюнча Иш чаралардын ("Жол картасын") санитардык чараларды колдонуу бөлүгүн ишке ашыруу максатында кабыл алынган.

Мыйзамда Кыргызстандын мамлекеттик чек арасы аркылуу өткөрүү пункттарында санитардык-карантиндик көзөмөлдү уюштуруу каралган.

49
Белгилер:
Алмазбек Атамбаев, Жогорку Евразиялык Кеңеш
Тема:
Кыргызстан Бажы биримдигине кирүүгө ниеттенүүдө (53)
Тема боюнча
Депутат Бажы биримдиги жөнүндө: биз стратегиялык туура чечим кабыл алдык
Эл өкүлү: Бажы биримдиги Кыргызстан үчүн чоң рынокту ачат
Президент Алмазбек Атамбаев Бажы биримдигине кирүүнүн себептерин айтты
Кыргызстандын Евразиялык экономикалык биримдикке кирүүсү боюнча документке кол коюлду
Ооруканадагы медициналык кызматкерлер. Архив

Коронавирус дагы үч адамдын өмүрүн алды, 124ү жаңы жуктурду

18
(жаңыланган 09:34 28.10.2021)
Вирус бардык облустардан катталып жатат. Адаттагыдай ордо калаада көбүрөөк. Азыркы учурда 705 адам ооруканада.

БИШКЕК, 28-окт. — Sputnik. Бир сутка ичинде Кыргызстанда 124 кишиден коронавирус табылып, 100 бейтап айыкты. Бул тууралуу Республикалык штаб кабарлады. 

Жаңы жуктургандар:

  • Бишкек – 64;
  • Ош шаары – 2;
  • Чүй облусу – 29;
  • Ош облусу – 4;
  • Талас облусу – 3;
  • Нарын облусу – 2;
  • Ысык-Көл облусу – 13;
  • Жалал-Абад облусу – 5;
  • Баткен облусу – 2.

Муну менен илдет илештиргендердин жалпы саны 180 989га жетти. Анын ичинен 175 402си дартты жеңди.

Тилекке каршы, өлүм учурлары дагы эле катталууда. Өткөн суткада оору үч адамдын өмүрүн алган. Муну менен жалпысынан 2 664 адам коронавирустун курмандыгы болду.

Азыркы тапта стационарда 705, ал эми амбулатордук шартта 699 адам дарыланып жатат.

18
Белгилер:
Кыргызстан, коронавирус, оору, статистика, дарт, бейтап
Тема:
Кыргызстандагы коронавирус жуктуруп алгандар
Тема боюнча
Эксперт COVID-19 менен Альцгеймер илдетинин байланышын атап берди
Баланын коронавирус менен ооруп жатканын кантип билсе болот? Сейрек белгилер
Кишенчен аял. Архив

Блогер Гүлзат Мамытбек камакка алынды

42
(жаңыланган 09:29 28.10.2021)
Буга чейин милиция блогер элден кыска убакытта ири суммадагы киреше табасыңар деп акча алып, таптырбай кеткенин айтып, аны кармаган.

БИШКЕК, 28-окт. — Sputnik. Гүлзат Мамытбек деп таанылган блогер Гүлзат Алымкулованын баш коргоо чарасы каралып, ал 25-ноябрга чейин камакка алынды. Бул тууралуу Бишкек шаарынын Биринчи май райондук сотунан билдирди.

"Биринчи май райондук сотунун 27-октябрындагы токтомуна ылайык, шектелүүчү 25-ноябрга чейин ЖАМКтын №21 тергөө изоляторуна камакка алынды", — деп айтылат билдирүүдө.

Буга чейин милиция блогер элден кыска убакытта ири суммадагы киреше табасыңар деп акча алып, таптырбай кеткенин айтып, аны кармаган. Жалпы 110 миң доллар зыян келтирилгени маалым болгон. Аталган факт Жазык кодексинин "Алдамчылык" беренеси боюнча Кылмыш жана жоруктардын бирдиктүү реестрине катталган.

42
Белгилер:
Гүлзат Мамытбек, соттук чечим, камак, милиция
Тема боюнча
УКМК айыл чарба министринин азыркы жана мурдагы орун басарларын кармады
Колбаса азыктары. Архив

Жумасына жарым килограммдан көп жебеш керек. Эттин кооптуулугу эскертилди

0
(жаңыланган 09:57 28.10.2021)
Адис "жаман" майлар туурасында да эске салып, алар майонезде, маргаринде жана чочко майында бар экендигин айткан.

БИШКЕК, 28-окт. — Sputnik. Адам ичегисинин былжыр челин жакшы абалда сакташ үчүн кооптуу деген азыктардан баш тартып койгону дурус. Бул туурасында немец дарыгери Томас Фрилингдин башка басылмаларга айткандарына таянып РИА Новости жазды.

Адис колдон келсе жебей койгондон өтөрү жок деген азыктардын башына кантты койгон. Дарыгер таттуу болгон жерде бактериялардын кайсы бир түрү жакшы көбөйө тургандыгын эскертти. Андан аркы тизмесине туздалган, ышталган тамактар жана колбаса азыктарын кошкон.

"Булар канцероген заттары бар делген тизмедеги тамактардын катарына кирет, ошон үчүн кадимки кызыл этти (балык менен тооктукунан башкасын) да жумасына 500 граммдан ашык жебеш керек", — деген Фрилинг.

Адис "жаман" майлар туурасында да эскертип, алар майонезде, маргаринде жана чочко майында бар экендигин айткан.

Фрилинг пайдалуу азыктарды да санап берген. Биринчи орунда жашылча жана буурчактар турарын, алардын курамында клетчатка сыяктуу азыктар бар экенин айткан. Андан кийинки орунга банан, балык, жемиштердин пюреси, мундир кылып жасалган картошка жана кара нан чыккан.

0
Белгилер:
ден соолук, азык, дарыгер, кеңеш, колбаса, зыяндуу, банан, пайдалуу
Тема боюнча
Диетолог суукта, локдаунда кантип салмак кошпой жүрүүнүн жолун айтып берди
Дарыгер пиязды ашыкча колдонуунун кесепетин айтты