Город Ош

"Айкөл Манас" монументалдык комплексинин курулушу боюнча кылмыш иши козголду

61
(жаңыланган 11:23 20.01.2015)
Ош шаарындагы "Айкөл Манас" монументалдык комплексинин курулушунда каржылык туура эместиктер болгондугун аныктап чыкты.

БИШКЕК, 17-дек — Sputnik. УКМКнын Коррупцияга каршы кызматынын Ош шаардык жана Ош облустук бөлүмү Ош шаардык мэриясынын жооптуу кызматкерлери тарабынан акча каражаттарын кымырып алуу фактысын таап чыкты. Бул туурасында аталган кызматтын маалымат кызматы кабарлады.

Ош шаардык мэриясынын капиталдык курулуш башкармалыгы 2011-жылы атайын тендер өткөрүп, жыйынтыгында "Айкөл Манас" монументалдык комплексин куруу үчүн "Айжол" ЖЧКсы менен келишим түзгөн.

"Курулушту жүргүзүүдө бюджеттик каражаттарды мыйзамдуу колдонулганы боюнча аудитордук текшерүүдө Эсептөө палатасы аткарылган жумуштар 10 миллион 112 миң 700 сомго көбөйүп кеткендиги такталган", — деп айтылат аталган кызматтын маалыматында.

Бул факты боюнча УКМКнын Коррупцияга каршы кызматынын Ош шаардык жана Ош областтык бөлүмүнүн тергөө бөлүмү Кылмыш кодексинин 171-беренеси ("Ишенип берилген ыйгарым мүлктү ыйгарып алуу жана коротуу") боюнча кылмыш иши козгоду.

Бул эстелик учурда эл аралык издөөгө алынган Мэлис Мырзакматов кызматта турганда, 2012-жылдын январь айынын башында орнотулган.

61
Белгилер:
Ош, Айкөл Манас
Тема боюнча
Мырзакматов мамлекеттер аралык издөөгө алынды
Мелис Мырзакматов Интерпол аркылуу изделет
Ресторан. Архив

Бишкек мэриясы кафе-ресторандардын ишине чектөө киргизди

101
(жаңыланган 21:25 16.06.2021)
Борбор калаада эпидемиологиялык абал оор бойдон калууда. Бишкек шаары ушул тапта "кызыл” зонада турат.

БИШКЕК, 16-июн. — Sputnik. Эртең, 17-июндан тарта, Бишкектеги түнкү клуб, кафе, ресторан, караоке, бар сыяктуу көңүл ачуучу жайлардын ишине чектөөлөр киргизилет. Бул тууралуу социалдык маселелер боюнча шаар жетекчисинин орун басары Виктория Мозгачеванын жетекчилигинин алдында болгон эпидемиологиялык абал боюнча жыйында белгилүү болду.

Мэриянын маалыматына караганда, буга шаарда коронавирус инфекциясына карата абалдын оор болуп турганы себеп болууда.

“Бишкекте көңүл ачуу жайлар саат 23.00дөн 07.00гө чейин жабылышы керек. Бирок тамак жеткирип берүү кызматтары мурдагыдай тартипте эле иштей берет. Мындай чектөөлөр абал жакшырганга чейин сакталат”, — деп айтылат билдирүүдө.

Ошондой эле коомдук транспортто дезинфекциялоо иштери, санитардык нормалардын сакталып жатышы боюнча рейддерди күчөтүү сунушталды.

Эске салсак, борбор калаада эпидемиологиялык абал оор бойдон калууда. Бишкек шаары ушул тапта "кызыл” зонада турат.

101
Белгилер:
чектөө, коронавирус, Бишкек мэриясы, Бишкек
Тема:
Коронавируска байланыштуу Кыргызстандагы кырдаал
Кол чатыр. Архив

Бейшембиге карата аба ырайы

17
17-июнга караган түнү көпчүлүк аймактарда өткүн өтүп, күн күркүрөшү күтүлөт. Батыштан соккон шамалдын ылдамдыгы секундасына 4-9 метрге жетет.

БИШКЕК, 16-июн. — Sputnik. Бейшембиде күндүз кээ бир райондордо жаан жаайт. Бул тууралуу Кыргызгидрометтен билдиришти.

Абанын температурасы Чүй облусунда +28…+33, Таласта +27…+29, Ош, Жалал-Абад, Баткен облустарында +31…+36, Ысык-Көл аймагында +21…+26, Нарын өрөөнүндө +19…+24 градуска жетет.

Күндүн табы Бишкекте +29…+31, Ош шаарында +30…+32 градусту көрсөтөт.

17
Белгилер:
Кыргызстан, аба ырайы
Тема боюнча
Өзбекстанда жеке компаниялар электр энергиясын сааттап сата баштайт
АКШ президенти Жо Байден

Байдендин маалымат жыйынына россиялык журналисттерди киргизбей коюшту

0
Россия лидеринин жыйынтыктоочу маалымат жыйынына АКШлык журналисттер дагы катышып, суроолоруна жооп ала алышты.

БИШКЕК, 17-июн. — Sputnik. Россиялык журналисттерди АКШ президенти Жо Байдендин маалымат жыйынына киргизбей коюшканын Sputnik International кабарлады.

Маалыматка карганда, аларды аталган иш-чарага аккредитациядан өткөрбөй коюшкан.

Ак үйдүн маалымат кызматы чет элдик журналисттерди каттоого ала турган кызматкердин байланыш номерин берген. Бирок ал россиялык журналисттердин өтүнүчүн көңүл сыртында калтырып койгону айтылат.

Эске салсак, бүгүн Жо Байден менен Владимир Путин Женева саммитинен кийин Ла Гранж вилласынан көрүшүп, эки этап менен сүйлөшүүлөрдү жүргүздү. Россия лидеринин жыйынтыктоочу маалымат жыйынына АКШлык журналисттер дагы катышып, суроолоруна жооп ала алышты.

0
Белгилер:
журналист, Женева, Владимир Путин, Жо Байден
Тема боюнча
Өзөктүк согушта жеңүүчү болбойт! Путин менен Байдендин биргелешкен билдирүүсү
Путин Байден менен жолугушуусу кандай өткөнүн айтып берди
Путин: Байден “жан алгыч” деп эмнеге айтканын түшүндүргөн
Путин менен Байден RT жана Sputnik радиосунун ишин талкуулады