Репетиция пилотажных групп к Параду Победы

"Кант" авиабазасынын "Грачтары" ГЛОНАСС навигациясын тоолуу шарттарда сынады

29
(жаңыланган 12:25 22.01.2015)
Су-25СМ чабуул коюучулар тоодо жайгашкан "Эдельвейс" полигонунан учуп чыгып, ГЛОНАСС спутник навигациясын сыноодон өткөрүштү. Окуп-машыгуу иретиндеги учуулар аба ырайынын татаал шарттарында өттү.

БИШКЕК, 22-янв — Sputnik. ЖККУнун Кыргызстандагы "Кант" авиабазасынын учкучтары аба ырайынын татаал шарттарында тоолуу аймакта окуп-машыгуу иретинде Су-25СМ учактары менен бир нече жолу учушту. Мында ГЛОНАСС спутник навигациясын пайдаланылды деп билдирди шаршембиде РИА Новости БААнын маалымат кызматына таянуу менен.

КРдин тоосунда орун алган "Эдельвейс" полигонунан жасалган машыгуу иретиндеги учууларды Россиянын "Кант" авиациялык базасынын учкучтары аткарды. Бул окуулардын башкы максаты ГЛОНАСС спутник навигациясын аба ырайынын татаал шарттарында тоолуу аймакта сыноодон өткөрүү болчу деп белгиленет билдирүүдө.

"Спутник навигациясы начар көрүнгөн шарттарда жакшы натыйжаларды көрсөттү. Андан тышкары, тоолуу жерде анча чоң эмес бийиктикте ГЛОНАССтын аркасы менен учкучтар керектүү багыт-жолдорду жакшы таба алышты", — деп айтылат анда.

"Грач" деп аталуучу Су-25СМ үлгүсүндөгү жаңыланган жана ГЛОНАСС навигациялык система менен жабдылган учактар Кыргызстанга 2014-жылдын 8-декабрында келген.

"Кант" авиабазасы БААнын ААК жана АКАнын Экинчи командалылыгынын курамына кирип, тез чара көрүү боюнча Биргелешкен күчтөрдүн авиациялык бөлүгү болуп эсептелет жана ЖККУга катышуучу мамлекеттердин жер аймактары менен аба мейкиндиктеринде коопсуздукту камсыз кылууга катышат. 


29
Белгилер:
Су-25, ГЛОНАСС, ЖККУ, Кант
Тема боюнча
Канттагы авиабазада Россиянын Коргоо министрлигинин инспекциясы текшерүү жүргүзүүдө

Каракчылыкка шектүүнү Бишкекте спецназ кармады. Видео

237
(жаңыланган 23:09 02.12.2020)
Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, ири суммадагы акчаны алып кетишкен.

Бишкекте Криминалдык милициянын кызматкерлери спецназ жоокерлери менен биргеликте мыкаачылык менен кол салууга шектелген жаранды кармашты.

Кармоо учурундагы видеону Бишкек ШИИБинин маалымат кызматы жарыялады.

Маалыматка караганда, 8-октябрь күнү "Жер ынтымагы" конушундагы үйлөрдүн бири каракталган. Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, 5 500 доллар, 150 миң сом жана 60 миң сомдук алтын буюмдарды уурдап кетишкен.

Жазык кодексинин 202-беренесине (“Каракчылык”) ылайык сотко чейинки өндүрүш башталган.

Жыйынтыгында 32 жаштагы шектүү кармалып, убактылуу кармоо жайына киргизилди.

237
Белгилер:
шектүү, каракчылык, милиция, Бишкек
Тема боюнча
Уюшкан кылмыштуу топтун эки мүчөсүн кармаган видео жарыяланды
Шайлоо участогундагы электрондук урна. Архив

КП парламенттик шайлоонун узартылышы боюнча өз чечимин түшүндүрдү

24
(жаңыланган 23:21 02.12.2020)
КПнын отуруму бүгүн, 2-декабрда, болуп, акыркы чечим кабыл алынды. Жыйынга Карыбек Дүйшеев төрагалык кылып, палатанын калган жети мүчөсү да катышты.

БИШКЕК, 2-дек. — Sputnik. Жогорку соттун Конституциялык палатасы (КП) парламенттик шайлоонун мөөнөтүнүн узартылышын эмне үчүн мыйзамдуу деп тапканын түшүндүрдү.

КПнын отуруму бүгүн, 2-декабрда, болуп, акыркы чечим кабыл алынды. Жыйынга Карыбек Дүйшеев төрагалык кылып, палатанын калган жети мүчөсү да катышты.

Маалыматка караганда, мамлекет кандайдыр бир өзгөчө абалга кабылбайт деп кепилдик берүү мүмкүн эмес. Андыктан мындай кырдаал жаралганда айрым мыйзамдарды шашылыш түрдө кабыл алып, пайдаланса болот.

“Өлкөнүн ошол кезде масштабдуу социалдык-саясий кризисте турганын тана албайбыз. Ошол себептүү Жогорку Кеңештин өзгөчө абал учурунда шайлоонун мөөнөтүн жылдырууга жана башка маанилүү чечимдерди кабыл алууга укугу бар болчу”, — деп айтылат билдирүүдө.

Жогорку Кеңеш саясий кризистен, социалдык чыңалуудан чыгуу үчүн, ошондой эле бийликтин ишинин эффективдүүлүгүн кармап туруу үчүн ар кандай чечим кабыл алса болору кошумчаланды.

Белгилей кетсек, 21-октябрда Борбордук шайлоо комиссиясы парламенттик шайлоону кайрадан өткөрүүнү 20-декабрга дайындаган. Бирок анын эртеси Жогорку Кеңеш шайлоонун мөөнөтүн жылдыруу, башкача айтканда, БШК таянып иш алып барып жаткан беренени токтото туруу мыйзамын кабыл алды. Ага ылайык, шайлоо күнү конституциялык реформадан кийин, 2021-жылдын 1-июнуна чейинки мөөнөткө белгиленген. Аталган мыйзамга ошол убактагы президенттин милдетин аткаруучу Садыр Жапаров кол койгон. Азыркы парламенттин беш жылдык мөөнөтү 28-октябрда аяктаган.

Ал эми БШК өз мөөнөтүндө өткөрүү талабы менен Жогорку сотко чейин даттанып утулуп калган.

Буга чейин Конституциялык палата Венеция комиссиясына дал ушул жагдай боюнча кайрылып, жооп алган.

24
Белгилер:
шайлоо, чечим, Жогорку Кеңеш, Конституциялык палата
Тема:
Жогорку Кеңешке боло турган кайра шайлоо
Тема боюнча
КП ЖК мөөнөтүнүн узартылышын мыйзамдуу деп тапты. Жыйында тараптар эмне деди