Памятник рабству на Занзибаре

Казакстандан кулчулуктан бошотулган Жумагүлдүн энеси табылды

524
(жаңыланган 20:11 09.02.2015)
Казакстандын Алматы облусунан эмгек кулчулугунан бошотулган Жумагүл Жусуп кызы бүгүн энеси менен жолугат.

БИШКЕК, 9-фев — Sputnik. Казакстандын Алматы облусунан эмгек кулчулугунан бошотулган Жумагүл Жусуп кызы бүгүн энеси менен жолугат. Бул тууралуу Жумагүлдүн жакындарын издөөгө жардам берген Талант Бекбаев Sputnik кабарчысына билдирди.

Анын айтымында, алар бүгүн жолго чыгышат жана Жумагүлдү апасы менен жолуктурушат.

Жусуп кызын Казакстандын Алматы облусунан эмгек кулчулугунан бошотууга көмөктөшкөн Алмаз Кадыровдун Sputnik сайтына билдиришинче, Жумагүлдү Кыргызстанга жиберүүгө Алматынын базарларында иштеген мекендештер да жардам беришкен.

"Алматынын базарларында иштеген мекендештер да колунан келген бардык жардамын беришти. Алар 40 миң сомдой чогултуп, Жумагүлдүн кийим-кечегин да алып беришти", — деди ал.

Бир канча убакыттан бери эмгек кулчулугунда жүргөн Жусуп кызынын өзүнүн айтуусунда, ал Казакстанда 6 жылдан ашык жүргөн. Бирок, аны куткарып келгендердин айтымында, ал Казакстандын аймагында 3-4 жылдай жүрүшү мүмкүн. Себеби, Жумагүл болгон окуяларды так эстей албай, эске тутуусу да начарлаган.

Маалыматтарга ылайык, Жумагүлдүн ата-энеси балдары кичинекей кезинде эле ажырашып кетишкен.

524
Белгилер:
кулчулук, Алмаз Кадыров, Талант Бекбоев, Жумагүл Жусуп кызы, Казакстан
Тема боюнча
Казакстанда кулчулукта жүргөн 25 жаштагы кыз куткарылды
Улан Боромбаев: мени кулчулукка сатып жиберди деген жээнимдин сөзү суу кечпейт
Таалайбек Абдрахманов: мени кулчулукка таекелерим сатып ийди
Премьер-министр Садыр Жапаров. Архивдик сүрөт

Садыр Жапаровдун биринчи кайсы өлкөгө иш сапар менен барары айтылды

26
(жаңыланган 17:19 24.10.2020)
ЖК төрагасы Канат Исаев президенттин милдетин аткаруудан баш тарткандан кийин бул кызматты премьер-министр болуп бекиген Садыр Жапаров аркалап калган.

БИШКЕК, 24-окт. — Sputnik. Президенттин милдетин аткарып жаткан Садыр Жапаров чет өлкөгө болгон алгачкы сапарын Россияга жасайт. Бул тууралуу тышкы иштер министри Руслан Казакбаев билдиргенин Sputnik радиосу жазды.

"Биз чет өлкөгө чыгуу маселесин көп талкуулайбыз. Айрым мамлекеттерден чакыруу түштү. Бирок биз үчүн, албетте, Россия артыкчылыктуу мамлекет болуп саналат", — деди Казакбаев.

Министр бул тема Россия ТИМ башчысы Сергей Лавров, ошондой эле РФ президентинин администрациясы менен талкууланганын кошумчалаган.

Казакбаев: Россия Кыргызстандын союздашы болуп келген жана боло берет

Эскерте кетсек, Кыргызстандын экс-президенти Сооронбай Жээнбеков парламенттик шайлоонун жыйынтыгына нааразы болгон элдин талабынан улам отставкага кеткенин Жогорку Кеңештин кезексиз жыйынында билдирген. ЖК төрагасы Канат Исаев президенттин милдетин аткаруудан баш тарткандан кийин бул кызматты премьер-министр болуп бекиген Садыр Жапаров аркалап калган.

26
Белгилер:
чет өлкө, иш сапар, Россия, Руслан Казакбаев, Садыр Жапаров
Тема боюнча
Садыр Жапаров эки шайлоо тең март айына чейин бүтүп каларын айтты
Садыр Жапаров: "Манас" аэропортунун жаңы жетекчиси кызматынан кетмей болду
Борбордук шайлоо комиссиясынын кызматкерлери

ИИМ БШКны кандай негизде тинтип, текшерип жатканын түшүндүрүп берди

42
(жаңыланган 16:53 24.10.2020)
ИИМ БШКнын шайлоолорду даярдоо жана өткөрүү боюнча учурдагы ишмердүүлүгүнө кийлигишпей турганын жана ага укугу жок экенин эскертти.

БИШКЕК, 24-окт. — Sputnik. Борбордук шайлоо комиссиясынын бардык документтерин алууга уруксат берген Бишкек шаарынын Биринчи май райондук сотунун токтому бар. Азыркы учурда документ күчүнө кирип, аны аткаруу милдети ИИМге жүктөлгөн. Бул тууралуу Ички иштер министрлиги БШКны эмненин негизинде тинтүүгө алганын түшүндүрүп жатып айтты.

Эскерте кетсек, түшкө маал БШК имараты тинтүүгө алынып, документтер чогултулуп жатканы кабарланган. Буга комиссиянын кызматкерлери нааразычылыгын билдирген болчу.

БШК президенттик шайлоонун мөөнөтүн белгиледи

Билдирүүдө ИИМдин тергөө кызматы Жазык кодексинин 331-беренесинин ("Шалаакылык") негизинде сотко чейинки өндүрүш жүргүзүп жатканы белгиленет. Министрликтин айтымында, материалды Башкы прокуратура 2020-жылдын 8-октябрында Кылмыш-жаза кодексинин бирдиктүү реестрине каттаган.

"Кыргызстандын "Кыргыз Республикасынын президентин жана Жогорку Кеңештин депутаттарын шайлоо жөнүндө" мыйзамында жарандар өздөрүнүн шайлоо укугун ишке ашырууга, мыйзамдардын талаптарын катуу сактоо менен шайлоого катышууга укуктуу экени жазылган. Бирок шайлоону даярдоодо жана өткөрүү учурунда бир топ мыйзам бузуулар аныкталган. Муну маалымат ресурстарындагы жаңылыктар, укук коргоо органдарынын бирдиктүү реестрине каттаган материалдар тастыктайт. Шайлоо мыйзамдарын бузуу массалык башаламандыкка алып келип, масштабдуу каршылык акциясы өткөн. ИИМ өз ишин мыйзамды сактоо менен өз ыйгарым укуктарынын чегинде гана иш алып барып жаткандыгын билдирет. Жогорудагы тергөө амалдары Жазык кодексинин жобосуна ылайык жүргүзүлүүдө. БШКнын бардык тиешелүү документтерин алууга уруксат берген Биринчи май райондук сотунун токтому бар. Азыркы учурда токтом күчүнө кирип, аны аткаруу милдети жүктөлгөн", — деп айтылат маалыматта.

Билдирүүдө жүргүзүлүп жаткан сотко чейинки өндүрүш аталган комиссиянын 5-октябрга чейинки ишмердүүлүгүнө байланыштуу экени кошумчаланды.

Мындан тышкары, ИИМ Шайлоо жана референдумдарды өткөрүү боюнча борбордук комиссиянын шайлоолорду даярдоо жана өткөрүү боюнча учурдагы ишмердүүлүгүнө кийлигишпейт жана укугу жок экенин эскертти.

42
Белгилер:
акция, шайлоо, комиссия, Башкы прокуратура, мыйзам, ИИМ, БШК
Тема боюнча
БШК имараты тинтүүгө алынып, документтер чогултулуп жатат