Здание министерства здравоохранения Кыргызской Республики

ЖК депутаттары келерки аптада Онкологиялык борборго барат

33
(жаңыланган 10:41 13.02.2015)
ЖКнын бир нече депутаттары Онкологиялык улуттук борбордун азыркы абалы менен келерки аптада барып таанышып келүүнө пландап жатышат.

БИШКЕК, 13-фев. — Sputnik. Республика боюнча улуттук макамы бар жападан жалгыз Онкологиялык борбордо абал өтө кыйын абалда экедигин депутаттар менен болгон жолугушууда аталган оорукананын бейтаптарынын бири Айнура Кочкорбаева айтып берди. Бул жолугушуудан кийин депутаттар келерки аптада Онкологиялык борбордун абалынан кабар алууну пландап жатышат.

Бейтаптардын айтымында, палатанын тартыштыгынан бир палатада 10-15тен бейтап жатат, ремонт иштери жүрүп жаткандыктан ар дайым курулуштун ызы-чуусу коштолуп, андан сырткары санитардык абал сакталбаган.

"Мындай жагдайлардын чечилиши боюнча Саламаттык сактоо министрлигинин жетекчилерине кирип, маселе койгонубуз менен эч кандай майнап чыкпай келет", — деди ал депутаттарга. 

Депутат Эркингүл Иманкожоева Онкологиялык борбор кризистик абалда экендигин айтса, дагы бир эл өкүлү Майрамгүл Тиленчиева химиялык терапия бекер жүргүзүлөт делгени менен буга чейин оорулуулардан 600 сомдон алып келгендигин билдирди.

Онкоборбордо кыйын кырдаал түзүлгөнүнө токтолгон депутат Элмира Жумалиева бул ооруканада реанимация бөлмөсү кадимки палата экенин, оорулуулар кыйын абалда дарыланып жатканын кошумчалады.

Ал эми Социалдык саясат комитетинин төрагасы Эркин Сакебаев азыркы тапта тиешелүү маалыматтарды топтоп жатканын айтып, алдыдагы аптада Онкологиялык борбордун абалынан кабар алуу планы турганын маалымдады.

33
Белгилер:
Онкологиялык улуттук борбор, Айнура Кочкорбаева, Эркин Сакебаев, Элмира Жумалиева, Майрамгүл Тиленчиева, Эркингүл Иманкожоева
Тема боюнча
Врач-онколог жатын моюнчасынын шишик оорусун алдын алуу жана дарылоо жөнүндө
Экс-президент Сооронбай Жээнбеков. Архив

Жээнбеков жоюп кеткен Антикоррупциялык кызматты Жапаров жандантты

107
(жаңыланган 22:30 20.10.2020)
Жаңы жарлыктын негизинде Жээнбековдун жарлыгынын колдонулушу токтотулуп жана кабыл алынган күндөн тартып күчүн жоготту деп табылды. 

БИШКЕК, 20-окт. — Sputnik. Президенттин милдетин аткаруучу Садыр Жапаров Коррупцияга каршы күрөшүү кызматынын ишин жандандыруу боюнча жарлыкка кол койду. Бул туурасында президенттик аппарат билдирди.

Белгилей кетсек, экс-президент Сооронбай Жээнбеков кызматтан кетип жатып аталган кызматты жоюу туурасында жарлыкка кол койгон

Жапаровдун чыгарган жарлыгына ылайык, Жээнбековдун жарлыгынын колдонулушу токтотулду жана кабыл алынган күндөн тартып күчүн жоготту деп табылды.

Буга байланыштуу Улуттук коопсуздук мамлекеттик комитетинин Антикоррупциялык кызматынын иши улантылат.

УКМКга төмөнкүдөй тапшырмалар берилди:

  • Антикоррупциялык кызматтын иштөөсүн камсыз кылсын;
  • Антикоррупциялык кызматтын мындан аркы ишин оптималдаштыруу боюнча сунуштарды киргизсин.

Жарлык расмий жарыяланган күндөн тартып күчүнө кирет.

107
Белгилер:
кызмат, коррупция, жарлык, Садыр Жапаров, Сооронбай Жээнбеков
Тема боюнча
Экс-президент макамы Жээнбековго кандай артыкчылык берет? Тизме
Жээнбеков расмий түрдө экс-президент болду. Жапаровдун биринчи жарлыгы
Судьянын балкасы. Архив

Сот Райым Матраимовдун баш коргоо чарасын карап чечим чыгарды

416
(жаңыланган 21:51 20.10.2020)
Буга чейин Матраимовдун мамлекетке келтирген 2 миллиард сомдун тегерегиндеги зыяндын ордун толтуруп берүүгө даяр экени айтылган.

БИШКЕК, 20-окт. — Sputnik. Биринчи май райондук соту Мамлекеттик бажы кызматынын төрагасынын мурунку орун басары Райым Матраимовдун баш коргоо чарасын карап, андан сыртка чыкпоо тууралуу тил кат алды.

Матраимовдун адвокаты мындай чечим үй камагына алууну билдирер-билдирбесин тактаган жок.

Эскерте кетсек, Матраимов 20-октябрда бажы тармагындагы коррупция боюнча айыпталып, УКМК кызматкерлери тарабынан кармалган. Комитет ал учурдун сүрөттөрүн да жарыялаган болчу.

Райым Матраимов фамилиясын өзгөртүп алган. Мамкаттоо чоо-жайын айтты

Кийинчерээк Матраимов мамлекетке келтирилген эки миллиард сомдук зыянды ноябрдын соңуна чейин толтуруп берүүгө даяр экенин билдирип, 80 миллион сом которгону маалымдалган.

416
Белгилер:
коррупция, бажы, соттук чечим, УКМК, камак, Райымбек Матраимов
Тема:
Райым Матраимовдун кармалышы
Тема боюнча
Президенттин аппаратынын жетекчи орун басары дайындалды 
Жооп берүүгө жетишпей жатам! Жапаров тарапташтарына аудио билдирүү таратты