Пресса Кыргызстана

"Чексиз репортёрлордун" басма сөз эркиндиги боюнча рейтинги КРге 88-орун берди

64
(жаңыланган 10:54 13.02.2015)
Өткөн Кыргызстан 97-орунду, ал эми 2013 жана 2012-жылдары 106-орунду ээлеген. 2010-жылга чейин өлкө 110-саптан жогору көтөрүлгөн эмес. Республиканын рейтинги 2010-жылы эң төмөн болуп, мүмкүн болгон 173 орундун ичинен 153-орун тийген.

БИШКЕК, 13-фев — Sputnik. Кыргызстан "Чексиз репортёрлор" уюмунун басма сөз эркиндиги боюнча жыл сайын жүргүзүүчү рейтингинде 2015-жылы тогуз орунга көтөрүлүп, 88-сапты ээледи. Бул тууралуу уюмдун расмий сайтында жарыяланган.

Өткөн жылы Кыргызстан 97-орунду, ал эми 2013 жана 2012-жылдары 106-орунду ээлеген. 2010-жылга чейин өлкө 110-саптан жогору көтөрүлгөн эмес. Республиканын рейтинги 2010-жылы эң төмөн болуп, мүмкүн болгон 173 орундун ичинен 153-орун тийген.

"Чексиз репортёрлор" Кыргызстанды ЖМКларда кенен плюрализм мүнөздүү болгон жана мамлеттик цензура төмөн мамлекеттердин тобуна киргизди.

Бардыгы болуп быйылкы рейтингде 180 өлкө катышкан. Анда Биринчи үч орунду Финляндия, Норвегия жана Дания ээлеген. Ал эми акыркы орундарда Эритрея, Түндүк Корея, Түркмөнстан бар.

Борбордук Азиядан Казакстан 160-орунду, Өзбекстан 166-орунду, Тажикстан 116-орунду ээлейт.

Баяндама "Чексиз репортёрлор" уюмунун шериктештерине жана дүйнө бонча алардын 130 кабарчысына, ошондой эле журналисттерге, изилдөөчүлөргө, юристтерге жана адам укуктарын коргоо кыймылдарынын активисттерине жиберилген сурамжылоого негизделген.

Анкетада журналисттер менен жалпыга маалымт берүү каражаттарына каршы түз аракеттер жөнүндө, ошондой эле басма сөз эркиндигине көрсөтүлүүчү кыйыр кысым көрсөтүү булактары тууралуу суроолор камтылган болчу. Аталган рейтинг басма сөз эркиндигине карата гана жүргүзүлүп, жалпы журналистиканын сапатын баалоого тиешеси жок. 

"Журналистер" коомдук бирикмесинин төрагасы Марат Токоев Кыргызстандын рейтингинин көтөрүлүшүн мамлекеттик органдар менен саясатчылардын иш-аракети мурдагыдан ачык болушу менен байланыштуу деп белгиледи.

"ЖМКлардын мурдагыга караганда, айрыкча 2010-жылга чалыштырганда маалымат алуу мүмкүнчүлүгү бир топ кеңейди", — дейт КБ башчысы.

Токоев азыркы учурда ЖМКларга каршы чуугалаңду усот иштери жок экендигин кошумчалады.

"Алар болсо да, айрым бир деңгээлде журналисттер өзүлөрү күнөөлүү. Алар тараптан маалыматты анча туура эмес берген учурлар болот", — деп белгиледи эксперт.

Жакшы натыйжаларга карабай, жалпыга маалымат каражаттарында атайын тапшырык боюнча жазылган материалдарга каршы күрөшүп, ошондой эле ЖМКлардын көрсөткөн таасирин жогорулатуу зарыл деп белгиледи Токоев.

64
Белгилер:
рейтинг, ЖМК, Марат Токоев
Тема боюнча
"Газпромго" Кытай агенттиги насыялык жогорку "ААА" рейтингин ыйгарды
2014-жылы Кыргызстан эл аралык рейтингде абалын сегиз позицияга көтөргөн
Кыргызстан коррупция боюнча рейтингде өз абалын 14 упайга жогорулатты
Премьер-министр Садыр Жапаров. Архивдик сүрөт

Садыр Жапаровдун биринчи кайсы өлкөгө иш сапар менен барары айтылды

58
(жаңыланган 17:19 24.10.2020)
ЖК төрагасы Канат Исаев президенттин милдетин аткаруудан баш тарткандан кийин бул кызматты премьер-министр болуп бекиген Садыр Жапаров аркалап калган.

БИШКЕК, 24-окт. — Sputnik. Президенттин милдетин аткарып жаткан Садыр Жапаров чет өлкөгө болгон алгачкы сапарын Россияга жасайт. Бул тууралуу тышкы иштер министри Руслан Казакбаев билдиргенин Sputnik радиосу жазды.

"Биз чет өлкөгө чыгуу маселесин көп талкуулайбыз. Айрым мамлекеттерден чакыруу түштү. Бирок биз үчүн, албетте, Россия артыкчылыктуу мамлекет болуп саналат", — деди Казакбаев.

Министр бул тема Россия ТИМ башчысы Сергей Лавров, ошондой эле РФ президентинин администрациясы менен талкууланганын кошумчалаган.

Казакбаев: Россия Кыргызстандын союздашы болуп келген жана боло берет

Эскерте кетсек, Кыргызстандын экс-президенти Сооронбай Жээнбеков парламенттик шайлоонун жыйынтыгына нааразы болгон элдин талабынан улам отставкага кеткенин Жогорку Кеңештин кезексиз жыйынында билдирген. ЖК төрагасы Канат Исаев президенттин милдетин аткаруудан баш тарткандан кийин бул кызматты премьер-министр болуп бекиген Садыр Жапаров аркалап калган.

58
Белгилер:
чет өлкө, иш сапар, Россия, Руслан Казакбаев, Садыр Жапаров
Тема боюнча
Садыр Жапаров эки шайлоо тең март айына чейин бүтүп каларын айтты
Садыр Жапаров: "Манас" аэропортунун жаңы жетекчиси кызматынан кетмей болду
Борбордук шайлоо комиссиясынын кызматкерлери

ИИМ БШКны кандай негизде тинтип, текшерип жатканын түшүндүрүп берди

50
(жаңыланган 16:53 24.10.2020)
ИИМ БШКнын шайлоолорду даярдоо жана өткөрүү боюнча учурдагы ишмердүүлүгүнө кийлигишпей турганын жана ага укугу жок экенин эскертти.

БИШКЕК, 24-окт. — Sputnik. Борбордук шайлоо комиссиясынын бардык документтерин алууга уруксат берген Бишкек шаарынын Биринчи май райондук сотунун токтому бар. Азыркы учурда документ күчүнө кирип, аны аткаруу милдети ИИМге жүктөлгөн. Бул тууралуу Ички иштер министрлиги БШКны эмненин негизинде тинтүүгө алганын түшүндүрүп жатып айтты.

Эскерте кетсек, түшкө маал БШК имараты тинтүүгө алынып, документтер чогултулуп жатканы кабарланган. Буга комиссиянын кызматкерлери нааразычылыгын билдирген болчу.

БШК президенттик шайлоонун мөөнөтүн белгиледи

Билдирүүдө ИИМдин тергөө кызматы Жазык кодексинин 331-беренесинин ("Шалаакылык") негизинде сотко чейинки өндүрүш жүргүзүп жатканы белгиленет. Министрликтин айтымында, материалды Башкы прокуратура 2020-жылдын 8-октябрында Кылмыш-жаза кодексинин бирдиктүү реестрине каттаган.

"Кыргызстандын "Кыргыз Республикасынын президентин жана Жогорку Кеңештин депутаттарын шайлоо жөнүндө" мыйзамында жарандар өздөрүнүн шайлоо укугун ишке ашырууга, мыйзамдардын талаптарын катуу сактоо менен шайлоого катышууга укуктуу экени жазылган. Бирок шайлоону даярдоодо жана өткөрүү учурунда бир топ мыйзам бузуулар аныкталган. Муну маалымат ресурстарындагы жаңылыктар, укук коргоо органдарынын бирдиктүү реестрине каттаган материалдар тастыктайт. Шайлоо мыйзамдарын бузуу массалык башаламандыкка алып келип, масштабдуу каршылык акциясы өткөн. ИИМ өз ишин мыйзамды сактоо менен өз ыйгарым укуктарынын чегинде гана иш алып барып жаткандыгын билдирет. Жогорудагы тергөө амалдары Жазык кодексинин жобосуна ылайык жүргүзүлүүдө. БШКнын бардык тиешелүү документтерин алууга уруксат берген Биринчи май райондук сотунун токтому бар. Азыркы учурда токтом күчүнө кирип, аны аткаруу милдети жүктөлгөн", — деп айтылат маалыматта.

Билдирүүдө жүргүзүлүп жаткан сотко чейинки өндүрүш аталган комиссиянын 5-октябрга чейинки ишмердүүлүгүнө байланыштуу экени кошумчаланды.

Мындан тышкары, ИИМ Шайлоо жана референдумдарды өткөрүү боюнча борбордук комиссиянын шайлоолорду даярдоо жана өткөрүү боюнча учурдагы ишмердүүлүгүнө кийлигишпейт жана укугу жок экенин эскертти.

50
Белгилер:
акция, шайлоо, комиссия, Башкы прокуратура, мыйзам, ИИМ, БШК
Тема боюнча
БШК имараты тинтүүгө алынып, документтер чогултулуп жатат
Бишкек шаары. Архивдик сүрөт

Казакбаев бюджетти колдоо боюнча РФ президентинин өкүлү Козак менен сүйлөштү

0
Эске салсак, тышкы иштер министри Руслан Казакбаев 22-24-октябрь күндөрү Россия Федерациясына иш сапары менен барган.

БИШКЕК, 24-окт. — Sputnik. Тышкы иштер министри Руслан Казакбаев РИА Новости агенттигине берген маегинде Россиянын президенттик администрациясынын жетекчисинин орун басары Дмитрий Козак менен көп маселелерди талкуулаганын, анын ичинде Кыргызстандын бюджетине колдоо катары финансылык жардам тууралуу дагы сөз болгонун айтты.

"Дмитрий Николаевич Козак жана анын кесиптештери менен жолуктук. Россия тарап Кыргызстанда парламенттик шайлоодон кийин түзүлгөн абалды турукташтырууда маанилүү роль ойноду", — деди Казакбаев.

Садыр Жапаровдун биринчи кайсы өлкөгө иш сапар менен барары айтылды

Ошондой эле жолугушууда Россия тараптан кыргыз экономикасына көрсөтүлчү колдоолор тууралуу сөз болду.

"Биздин өкмөттүн иши, алдыда келе жаткан саясий иш-чаралар тууралуу кеп кылдык. Анан, албетте, азыркыдай катаал убакта Россия тараптан Кыргызстандын бюджетин колдоо иретинде берген жардам тууралуу сүйлөштүк", — деди ТИМ башчысы.

Эске салсак, тышкы иштер министри Руслан Казакбаев 22-24-октябрь күндөрү Россия Федерациясына иш сапары менен барган.

0
Белгилер:
жардам, каражат, экономика, Руслан Казакбаев, Кыргызстан, Россия
Тема боюнча
Лавров Кыргызстанга финансылык колдоо көрсөтүү боюнча суроого жооп берди