Сот Келдибековго козголгон кылмыш ишин жабуудан баш тартты

Жазылуу
Бишкектин Биринчи Май соту Ахматбек Келдибеков оор кылмыштарды жасады деп күнөөлөнүп жаткандыгына байланыштуу ага карата козголгон кылмыш ишин токтотуудан баш тартты.

Ахматбек Келдибеков. Архив. - Sputnik Кыргызстан
Депутат Келдибиков кечээ Кыргызстанга келди
БИШКЕК, 14-мар — Sputnik. Бишкектин Биринчи Май соту Ахматбек Келдибековго козголгон кылмыш ишин токтотуу боюнча арызды канааттандыруудан баш тартты. Бул туурасында Жогорку Соттун маалымат кызматы билдирди.

Параменттин экс-спикеринин жактоочусу Татьяна Чильникина Бишкектин Биринчи Май сотуна Келдибековго козголгон кылмыш ишинин мөөнөтү өткөндүгүнө жана соттук териштирүүлөрдүн болбогондугунан улам, аны токтотуу боюнча кат жүзүндө арыз менен кайрылган. 

Жогорку Кеңештин мурдагы төрагасы Социалдык фондду башкарып турган 2002–2005- жылдар аралыгында мамлекетке 24,3 миллион сом зыян келтирген деп күнөөлөнүп, ага 15 жыл эркинен ажыратуу каралган.

Башкы прокуратура жактоочунун арызын четке кагууну сунуштап, прокурор мындай жагдайда кылмыш иши токтотулбай тургандыгын айтты. Конституциялык палатанын чечими иштин мөөнөтү өтүп кеткендиги кылмыш жоопкерчилиги жана жазадан куткаргандыгы менен, анын кылмышты жасагандыгын мойнуна алганы констатация катары бааланаарын айтты. Муну менен катар реабилитация болбой турган негиздеги, андан сырткары мөөнөтү өтүп кеткен кылмыш ишин токтотуу, соттук териштирүүлөрдү, процессуалдык иштерди аткарууну белгилейт.

Ахматбек Келдибеков - Sputnik Кыргызстан
Сот Келдибековду үй камагында калтырды
2013-жылдын ноябрь айында Келдибеков кармалып, Улуттук Коопсуздук мамлекеттик кызматынын СИЗОсуна киргизилген. Депутат Мамлекеттик салык кызматынын жетекчиси, Социалдык фонддун жетекчиси жана ЖКнын төрагасы болуп турган учурларда коррупциялык иштерди жасаган деп күнөөлөнүүдө. Анын саламаттыгына байланыштуу сот ага чет өлкөгө чыгып дарыланууга уруксат берген. Эл өкүлү 2014-жылдын 14-августунда дарылануу үчүн КРден чыгып кетип, быйыл 11-февралда кайтып келген.

Жаңылыктар түрмөгү
0