Ош шаары. Архив

Оштогу борбордук автобекет шаардын сыртына көчүрүлөт

131
(жаңыланган 10:43 02.04.2015)
Ош шаарындагы жол кыймылын жеңилдетүү жана шаардын экологиялык абалын жакшыртуу максатында, шаардык бийлик борбордук автобекетти шаардын сыртына көчүрүүгө камынып жатат.

БИШКЕК, 2-апр. – Sputnik. Ош шаарынын борборунда жайгашкан райондор аралык каттамдар боюнча маршруттук унаалар токтоочу эски автобекет калаа сыртындагы мамлекеттик автобекетке көчүрүлөт. Бул туурасында Ош мэриясынын маалымат кызматы билдирди.

Бул маселе шаардагы ага тиешелүү кызмат жетекчилеринин кеңешмесинде талкууланган. 

"Калаада пайда болуп жаткан жол тыгындары, райондор аралык жана шаарлар аралык таксилердин жол жээгине мыйзамсыз токтоп туруп алышы, жол эрежесин бузушу шаардын ичинде бир топ баш аламандыкты жаратып жатат. Ошондуктан, сырттан келген таксилерди, маршруттук каттамдарды бир жерге чогултуп баарын шаар сыртындагы автобекетке киргизүү пландалган. Планга ылайык, 10-апрелге чейин жаңы автобекетти оңдоп-түзөп, транспорттордун жайгашуучу жайын толук даярдоо иштери жасалат", — деди Ош шаарынын вице-мэри Кутманаалы Абдрахман уулу.

Вице-мэр атайын адистердин эсептөөсү боюнча Ош шаарынын ичинде жылына 860 тонна түтүн чыгарын, ал экологиялык жактан өтө чоң зыян экендигин айтты. "Автобекетти жылдыруу менен шаардын экологиялык абалын жакшыртабыз", — деди Кутманаалы Абдрахман уулу.

Ош шаардык жүргүнчүлөрдү ташуу агенттигинин жетекчиси Нурлан Курманбаевдин айтымына караганда жаңы автобекеттин ишке кирүүсү менен шаар ичиндеги маршруттук каттамдар да жылдырылат.

"Учурда №2 жаңы автобекет аркылуу жети маршруттук каттам өтөт. Ага жетпей, ХБКда жети маршруттук линиядагы кичи автобустар токтойт. Алардын да акыркы аялдамасын жаңы бекетке жылдыруу менен кошумча дагы маршруттук линиялары түзүлүп, жалпысынан 17 маршурттук каттам болот", — деди Нурлан Курманбаев.

Жаңы автобекеттин жалпы аянты 4 га. жерди ээлеп, ага 1500 кичи автобустар, 4000ден ашуун ар кандай жеңил унаалар батат. Адистер бүгүнкү күндө иштеп жаткан автобекет жеке менчик болгондуктан, мамлекеттик автобекетке көчүрүлгөн соң, экономикалык жактан да киреше көбөйөрүн белгилешти.

131
Белгилер:
автобекет, Нурлан Курманбаев, Кутманаалы Абдрахман уулу, Ош
Тема боюнча
Ош шаарынын башкы планында көп кемчилик бар экендиги айтылууда
Ош облустук казыяттын имараты Кара-Суу районунун Фуркат айылында курулмакчы
Бишкектеги Чыңгыз Айтматов көчөсүндө жайгашкан көп кабаттуу үйлөр. Архивдик сүрөт

Дүйшөмбүгө карата аба ырайы

132
(жаңыланган 21:04 20.06.2021)
21-июнга караган түнү республиканын тоолуу райондорунда өткүн өтүп, күн күркүрөшү, бийик тоолуу райондордо кар жаашы күтүлөт. Баткен, Талас облустарында жана өлкөнүн дыйканчылык аймактарында күн ачык болот.

БИШКЕК, 20-июн. — Sputnik. Дүйшөмбүдө тоо этектеринде жана тоолуу райондордо өткүн өтүп, күн күркүрөшү, бийик тоолуу райондордо кар жаашы ыктымал. Өрөөндөрдө жана дыйканчылык аймактарда жаан-чачын болбойт. Бул тууралуу Кыргызгидромет маалымдады.

Маалыматка ылайык, батыштан соккон шамалдын ылдамдыгы секундасына 4-9 метрден 15-20 метрге чейин жетет.

Абанын температурасы Чүй өрөөнүндө +26...+31, Ош, Жалал-Абад, Баткен облустарында +28...+33, Талас жергесинде +31...+36, Ысык-Көлдө +19...+24, Нарын аймагында +18...+23 градус болору айтылды.

Термометрдин көрсөткүчү Бишкекте +29...+31, Ош калаасында +33...+35, ал эми Чолпон-Ата шаарында +20…+22 градуска чейин жетет.

132
Белгилер:
аба ырайы, Кыргызстан, июнь
Тема боюнча
Маал-маалы менен өткүн өтүп турат. Бир жумага карата аба ырайы
Электр жылытуучу. Архивдик сүрөт

Үйдү электр кубаты менен жылытууга тыюу салындыбы? “Түндүк электрдин” жообу

383
(жаңыланган 23:41 20.06.2021)
“Түндүк электр” ишканасы Sputnik агенттигине эскертүү квитанциялары чындап эле айрым абоненттерге берилгенин тастыктады.

БИШКЕК, 20-июн. — Sputnik. Социалдык тармактын колдонуучулары аларга кышында үйдү электр кубаты менен жылытууга болбой турганын эскерткен квитанция келгенин айтып, бул боюнча жазылган кагаздын сүрөтүн чыгарышууда.

Анда Токтогул суу сактагычында суунун көлөмү кескин азайып кеткенине байланыштуу жылытуу сезонунда электр кубаты менен иштеген жылыткычтарды колдонууга тыюу салынары жазылган. Ошондой эле мындай эрежеге баш ийбегендерге жеке лимит коюлары эскертилген.

“Түндүк электр” ишканасы Sputnik агенттигине мындай квитанциялар чындап эле айрым абоненттерге берилгенин тастыктады.

“Кышкы-күзгү сезондо электр энергиясынын дефицити жаралса аргасыздан ушундай чара көрүлөт. Мындай аракеттер Токтогул суу сактагычындагы суунун аздыгына байланыштуу электр кубатынын дефицити жаралып калышы мүмкүн болуп жаткандыгына байланыштуу жасалууда. Ошол эле учурда энергетиктер жарык өчүп калбашы үчүн бардык күч аракетин жумшашууда”, — дешти “Түндүк электр” ишканасынан.

Алар ошондой эле мындай чектөө электр энергиясынын үч фазалуу системасы кошулган абоненттерге тийиштүү экенин кошумчалашты.

383
Белгилер:
жарык берүү, электр кубаты, жылытуу маалы, "Түндүк Электр" ишканасы
Тема боюнча
Кыргызстан Казакстанга эмнеге кошумча суу берип жатат? Түшүндүрмө