Кыргызстандын тоолору. Архив

Карантин жарыяланган Ак-Талаа районунун Жаңы-Тилек айылындагы ит-мышыктар атылат

135
(жаңыланган 13:24 20.04.2015)
Тогузунчу апрель күнү аталган айыл тургундарынын короосуна кутурган түлкү кирип, малды тиштеген. Айыл аймагында 170тей ит-мышык бар. Учурда малды эмдөө жана калкка түшүндүрүү иштери жүрүп жатат.

БИШКЕК, 20-апр. — Sputnik. Ок-дары маселеси чечилип калса, бир-эки күн ичинде айыл аймагындагы жолбун иттер атылып жок кылынарын Ак-Талаа районунун акиминин биринчи орун басары Абдымалик Сулайманов Sputnik сайтынын кабарчысына билдирди.

Нарын облусунун Ак-Талаа районунун Жаңы-Тилек айылында жергиликтүү тургундардын бир музоосун жана коюн 9-апрелде түлкү иштеп, арткы буттарын жарадар кылган. Түлкү өлтүрүлүп, анын башы 10-апрелде Бишкек шаарындагы Республикалык мамлекеттик ветеринардык дарт аныктоо жана эскпертизациялоо борборуна кутурмага текшерүү үчүн жөнөтүлгөн. Экспертизанын жыйынтыгы 13-апрелде чыгып, түлкүнүн баш мээсинен кутурма оорусун козгогучу аныкталган. Аталган аймакка карантин киргизилди.

Сулаймановдун айтымында, айыл аймагында 170тей ит-мышык бар. Учурда малды эмдөө жана калкка түшүндүрүү иштери жүрүп жатат. Ошондой эле былтыр Жаңы-Тилек айылына малдын өлүктөрүн жок кылуучу биотермикалык аң жасалганын айтып, бирок ал толук бүтпөй калганын кошумчалады. Жаздын келиши менен биотермикалык аң толук жасалып, учурда кагаз иштери эле калган.

"Шек жараткан малды биотермикалык аңга алып келгиле деп элге айтып жатабыз. Түшүндүрүү иштери улантылууда", — деди ал.

Акимдин биринчи орун басары түлкү менен талашкан эки ит да көзөмлгө алынганын айтып, ок дарылар келип калса, алар да атып жок кылынарын билдирди.

Маалыматка ылайык, Ак-Талаа районунда алты ветеринардык инспектор, 18 айылда бирден ветеринардык сервис жана жеке мал доктурлар бар.

135
Белгилер:
биотермикалык аң, мал, карантин, Ак-Талаа, Нарын
Карта ойноп жаткан адам. Архив

Инимди кумар оюндарынан кантип чыгарам. Бир тууганы санаага салган аялдын каты

5
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасына бир тууган инисинин жүрүм-турумуна нааразы болгон аял кайрылган.

Сиздерге психологдун кеңешин алуу үчүн кайрылып жатам. Менин да 35 жаштагы бир тууган иниме байланыштуу көйгөй жаралууда. Иним шаар жеринде турат. Үй-бүлөлүү, эки баланын атасы болсо да жаман адаттын артынан түшүп алып, аялын эле эмес бизди да түйшүккө салууда. Мындан жети жыл мурун үйлөнгөндө бир туугандар чогулуп, борбордон мейманкана тибиндеги бөлмө алып бергенбиз. Азыр ошондо турушат. Андан бери эч ирденбей койду. Келинибиз тигүүчү болуп иштеп, балдарынын окуусуна, тамак-ашына, күнүмдүк жашоого акча таап жүрөт. Кийим-кечектерине биз жардам беребиз. Аялы кетип калбаса экен деп сарсанаабыз. Анткени бир тууганыбыз үйдүн кожоюну катары жумушта иштеп акча таппайт. Тактап айтканда, акыркы 3-4 жылдан бери такыр эле бекерчиликке көнүп алды. Мурда мектепте иштечү, кийин таксист болуп жүрүп кырсыкка кабылып машинасын сатты. Ошондон бери эле өзгөрдү. Кумар оюндарына кандайча, ким аркылуу кызыгып кеткени белгисиз. Айланасы ошондой болуп жатабы, айтор, жоро-жолдоштору менен үйлөргө барып мелдешип карта ойнойт экен. Футболду да акчага мелдешип ойношорун уктум. Өзүнөн сурасак ачылып айтпайт. Жакшыраак жумуш издеп жатканын айтып кутулат. Мектептен жумуш таап берсек, айлыгы аз деп көңүлдөнбөйт. Жок дегенде кароолчу болуп бир жерге орношуп алса деле жакшы болот эле. Эмне ойлоп жүргөнү белгисиз.

Баары бүткөнсүп, эми компьютердик клубдарга да барып турарын келин айтып даттанууда. Ал да тажадым дейт. Бир күнү жашап жаткан бөлмөсүн сатып салса эмне болот деп да кабатырланабыз. Ушундай жагдайда психологго жекече кайрылууга болобу? Же жыйынтык болбойбу...

Гүлнара Жасоолова, психолог:

— Каттагы жигиттин эжесинин "жубайлар ажырашып, балдар атасыз калбасын" деген бир туугандык тынчсыздануусун түшүнүп жатам. Эгер адам жеке жүрүм-турумун, кылган ишин өзү көзөмөлгө алуу менен туура эмес жолдо баратканын сын көз менен карай алса жакшы. Анда кеңеш алуу үчүн психологго кайрылууга болот. Иниңиз үй-бүлөсүнө кайсы бир деңгээлде зыян алып келип жатканын же балдарына толук кандуу ата боло албай жүргөнүн алгач түшүнүшү керек. Антпесе психологго кайрылгандан пайда чыкпайт. Муну менен катар адамдын жеке каалоосу да болушу шарт.

Негизинен жашоодо көп нерсе тарбияга байланыштуу. Баланы кичинесинен эле өтө камкордукка алып, "тигини кий, биякка бас, сабагыңа бар" деп карай берсе ошого көнүп алат. Үйлөнткөндөн кийин "жашашсын" деп бөлмө да алып бергениңерди жазыпсыздар. Адам жакындарынын жетегине, алардын жардамына, жөлөп-таяганына ыңгайлашып алса, ар нерсеге башын оорутпай жүрө берет. Силер азыр санаа тартып тынчсызданып жатасыздар, бирок иниңизге азыркы жүрүм-туруму нормалдуу эле сезилиши мүмкүн. Анткени башкалар ал үчүн камкордук жасап, көйгөйүн чечип бергенге көнгөн. Үй-бүлө курганда да кожоюн катары жоопкерчиликти сезе албай калганынын себеби ошол. Бул жигитке жардам берүү үчүн алгач өзүнүн демилгеси, өзгөрүүгө каалоосу болушу зарыл. Андан кийин гана психолог жардам бере алат.

5
Белгилер:
жигит, кумаркана, Гүлнара Жасоолова, психолог
Тема:
Психолог менен баарлашуу
Тема боюнча
Күйөөм экөөбүздүн ортобуздагы мамиле сууп кетти... Келиндин даты
Кызым күйөөдөн чыга берип тажатты... Санаага баткан эненин каты
Бюллетеньдерди санап жаткан БШК кызматкери. Архив

Шайлоодогу добуштар кол менен саналып бүтүп, жыйынтыгы чыкты

120
(жаңыланган 13:50 16.01.2021)
Добуш берүүгө 3 563 574 шайлоочунун ичинен 1 401 726 жаран катышкан. Бул жалпы шайлоочулардын 39,33 пайызын түзөт.

БИШКЕК, 16-янв. — Sputnik. Борбордук шайлоо комиссиясы мөөнөтүнөн мурда өткөн президенттик шайлоонун жыйынтыгын кол менен 100 пайызга санап бүттү. Бул тууралуу БШКнын сайтында көрсөтүлөт.

Кыргызстандын желегин жана конституциясын көтөрүп бараткан жоокерлер
© Пресс-служба президента КР / Султан Досалиев
Анда 2474 шайлоо участкасындагы бюллетендер автоматтык санактан да, кол түрүндө эсептөөдөн да толугу менен өткөнү жазылат. Бир шайлоо участкасындагы шайлоонун жыйынтыктары жокко чыгарылган.

Добуш берүүгө 3 563 574 шайлоочунун ичинен 1 401 726 жаран катышкан. Бул жалпы шайлоочулардын 39,33 пайызын түзөт.

Натыйжада Садыр Жапаров добуштардын 79,23 пайызына ээ болуп алдыга озуп чыккан. Экинчи орунда Адахан Мадумаров 6,78 пайыз, үчүнчү орунда Бабыржан Төлбаев 2,36 пайыз менен турат.

120
Белгилер:
жыйынтык, шайлоо, Садыр Жапаров
Тема:
Кыргызстандагы президенттик шайлоо – 2021
Тема боюнча
Садыр Жапаров премьерликтен качан кетиши керек? Өкмөттү кандай тагдыр күтөт
Президенттикке талапкерлер үчүн ар бир добуш канча сомго айланды