11-класстын окуучулары – Айткул Макенов менен Бекболот Худайбердиев эки жылдан бери робот жасоо менен алектенишет.

Бийчи робот чет жактын эмес өзүбүздүн, кыргызстандык окуучулардын колунан жаралды

664
(жаңыланган 14:30 29.04.2015)
"Кожомкул" аттуу роботту жасоого үч миң доллар каражат кеткен. Бишкек шаарындагы Чыңгыз Айтматов атындагы кыргыз-түрк лицейинин 11-классынын окуучулары – Айткул Макенов менен Бекболот Худайбердиев түрдүү бийлерди аткарган жана эрежесиз эр уруштун бир канча соккуларын жасаган робот курашты.
Бийчи робот чет жактын эмес, өзүбүздүн, кыргызстандык окуучулардын колунан жаралды

БИШКЕК, 29-апр. — Sputnik. "Себат" эл аралык билим берүү мекемесинин Бишкек шаарындагы Чыңгыз Айтматов атындагы кыргыз-түрк балдар лицейинин 11-классынын окуучулары Айткул Макенов менен Бекболот Худайбердиев эки жылдан бери робот жасоого кызыгып келет. Лицейдин жетекчилиги робот жасоого кызыккан балдар үчүн атайын ийрим ачып, керектүү болгон жабдыктарды да алып берген. Жаш конструкторлор менен Sputnik сайтынын кабарчысы барып маектешип кайтты. 

© Sputnik / Табылды Кадырбеков
"Кара жорго" менен "Гангам стайл" бийин катыра бийлеген "Кожомкул"

Худайбердиев менен Макенов алгачкы роботун 9-класста жасаганын айтат. Алардын биринчи жасаган роботу машина болчу. Ал атайын белгиленген сызыктар аркылуу жүрчү.

"Анын үч эле мотору бар болчу, атайын чийилген сызык аркылуу жүрчү. Биз аны кураганда аябай сүйүнгөнбүз. Барган сайын роботтун татаал түрлөрүн, анан сиздер көрүп турган "Кожомкулду" жасадык", — деп айтып беришти алар.

"Кожомкулдун" биринчи роботтон айырмасы анын мүмкүнчүлүгү жана аткарган кыймыл аракеттеринин көптүгүндө. Жаңы роботтун 18 мотору бар. Аны кураштырыш оңой болгону менен атайын программанын жардамы менен кыймылга келтирүү машакаттуу иш. Ал үчүн изденүү керек.

"Роботту кураштырыш оңой эле. Бирок, анын ар бир кыймылын программалоо убакытты талап кылат. Биринчи анын тең салмакты сактап басканын жасадык, ал аябай кыйын болду. Бирок, аракет кылып атып, ага бийлегенди да үйрөттүк", — деди Худайбердиев. 

  • Кожомкул кара жорго менен гангам стайл бийлерин майын чыгара бийлейт.
    "Кожомкул" "кара жорго" менен "гангам стайл" бийлерин майын чыгара бийлейт.
    © Sputnik / Табылды Кадырбеков
  • Роботту кураштыруу оңой болгону менен аны кыймылга келтирүү үчүн программаларды жазуу бир топ убакытты талап кылат.
    Роботту кураштыруу оңой болгону менен аны кыймылга келтирүү үчүн программаларды жазуу бир топ убакытты талап кылат.
    © Sputnik / Табылды Кадырбеков
1 / 2
© Sputnik / Табылды Кадырбеков
"Кожомкул" "кара жорго" менен "гангам стайл" бийлерин майын чыгара бийлейт.

Лицейиндин окуу тарбия иштери боюнча бөлүмүнүн башчысы Эмил Рыскулов кыргызстандагы балдар да мүмкүнчүлүк түзүлсө, робот жасоо жаатында көптөгөн ийгиликтерге жетишет деп ишенет. 

"Мурда роботторду Япония менен Түштүк Кореядан гана көрүп келген болсок, эми ошол эле роботторду биздин балдар жасап жатышат", — деди ал сыймыктанганын жашыра албай.

Айткул менен Бекболот аларды робот жасоого информатика мугалими кызыктырганын айтып берди.

"Бир күнү эле агай жасалган роботту алып келди. Баарыбыз кызыгып калдык. Биз да ушундай кылсак деп жатып эле, робот жасаганга кызыгып кеттик", — дейт Макенов. 

Биз менен болгон маегинде жаш конструкторлор фантазияны колдонуп, бардык үлгүдөгү роботторду жасаса болорун айтышат.

Акыркы "Кожомкул" аттуу роботту чогултууга жабдыктарына эле үч миң доллардай каражат кеткен.

664
Белгилер:
робот, билим берүү, Эмил Рыскулов, Бекболот Худайбердиев, Айткул Макенов
Тема боюнча
Аскердик робот-аватарды Путинге көрсөтүү
"Кара жорго" менен "Гангам стайл" бийин катыра бийлеген "Кожомкул" робот

Брюс Лини туураган Нурмухаммед өзгөчө өнөрү менен рекорд койду. Видео

26
(жаңыланган 18:20 01.03.2021)
Брюс Линин ыкмаларын дал өзүндөй жасаган кыргызстандык жеткинчек Нурмухаммед Ташмаматов Россиянын Биринчи каналы уюштурган "Я почти знаменит" долбооруна катышты. Ал нунчакты колдонуп, өнөрүн тартуулады.

Кыргызстандык бала бир мүнөттүн ичинде теннис столунун үстүндө нунчак менен 49 ирет топту тосуп кайра урган. Рекорддун видеосу Interrecord эл аралык агенттигинин YouTube-каналына жарыяланды.

Interrecord — рекорддорду каттоого алган эл аралык агенттик. Алар 10 жаштагы кыргыз баланын рекордун расмий түрдө каттоого алган. Бул боюнча сертификатты Ташмаматовго агенттиктин директору Влад Капыло тапшырган.

"Я почти знаменит" долбоору Биринчи каналда (Россия) жыл жаңырганда башталган. Анда катышуучулар телекөрүүчүлөргө элде жок өнөрлөрүн көрсөтөт. Ар бирине мүмкүнчүлүк берилип, аларды үч адамдан турган калыстар тобу баалайт.

Ар бир тандоо турунда 11 катышуучу финалга чыгуу үчүн таймашат. Программанын баш байгеси — үч миллион рубль.

Белгилей кетсек, Брюс Лини туурап, анын ыкмаларын жасаган кыргызстандык бала буга чейин Биринчи каналдын "Лучше всех" долбооруна да катышкан.

26
Белгилер:
Нурмухаммед Ташмаматов, видео, өнөр, теннис, рекорд, жеткинчек, Россия, Кыргызстан
Тема боюнча
Кыргызстандык кыз "Лучше всех" шоусунда спорттун өзгөчө түрүн көрсөттү. Видео
Тазалык ишкананын кызматкери Мадина Токобаева апасы менен жолду тазалап жатканда BMW үлгүсүндөгү машинанын айдоочусу аны сүзүп, из жашырып кеткен.

Бишкекте таңда унаа коюп, ооруканага түшкөн "Тазалыкчынын" абалы айтылды

17
(жаңыланган 18:19 01.03.2021)
Бир нече күн мурун ишкананын кызматкери Мадина Токобаева апасы менен жолду тазалап жатканда BMW үлгүсүндөгү машинанын айдоочусу аны сүзүп, из жашырып кеткен.

БИШКЕК, 1-мар. — Sputnik. Бишкек шаарынын мэринин милдетин аткаруучу Бактыбек Кудайбергенов жана вице-мэр Жамалбек Ырсалиев жол кырсыгына кабылган "Тазалык" муниципалдык ишканасынын кызматкеринин абалын билди. Бул тууралуу мэриянын маалымат кызматы кабарлады.

Билдирмеге ылайык, бир нече күн мурун таңкы саат 6:30да ишкананын кызматкери Мадина Токобаева апасы Жылдыз Орозалиева менен Каралаев жана Сүйөркулов көчөлөрүнүн кесилишиндеги жолду тазалап жатышкан.

"Эки кызматкер тең өңү чагылышып турган атайын жилеттерди кийгени менен Каралаев көчөсү менен түштүк-чыгыш тараптан катуу ылдамдыкта келе жаткан BMW үлгүсүндөгү кара түстөгү унаа Мадина Токобаеваны сүзүп кеткен. Ал бети-башы канжалап, эс-учун жоготуп жатып калган. Энеси айдоочунун унаасынын номерин караганга жетишкен эмес, ал из жашырып кеткен", — деп айтылат маалыматта.

Токобаева Тез жардам кызматынын унаасында эсине келген, учурда Бишкек шаардык травматология жана ортопедия илим-изилдөө борборунда дарыланууда. Мээси чайкалып, буту сынып, көзү-башы көгөрүп, шишигени белгилүү болду. 

Исполняющий обязанности мэра Бактыбек Кудайбергенов навестил работницу муниципального предприятия Тазалык, пострадавшую в результате наезда
© пресс-служба мэрии города Бишкек
Бишкек шаарынын мэринин милдетин аткаруучу Бактыбек Кудайбергенов жана вице-мэр Жамалбек Ырсалиев жол кырсыгына кабылган "Тазалык" муниципалдык ишканасынын кызматкеринин абалын билди
"Бүгүн мэрдин милдетин аткаруучу Бактыбек Кудайбергенов жана вице-мэр Жамалбек Ырсалиев ооруканага келип кызматкердин абалын билип кетти. Кыздын абалы бир аз жакшырып, өз алдынча отуруп калды", — деп жазылган билдирмеде.

Мэрия кошумчалагандай, жол кырсыгынан кийин айдоочунун тууганы делген Фархад аттуу адам Токобаеванын дарылануусуна жардам бергени айтылган. Рулда 17 жаштагы бала болгон. Жол кырсыгынын себеби аныкталып жатат.

Ошондой эле "Тазалыктын" кызматкерлери камсыздандырылганы, ишкана материалдык жардам көрсөткөнү белгиленди.

17
Белгилер:
мэр, жол кырсык, кызматкер, МП "Тазалык", Бишкек
Тема:
2021-жылдын башынан бери Кыргызстанда болгон жол кырсыктар
Тема боюнча
Бишкектин чок ортосунда тайгаланган автоунаа арыкка түшүп кетти. Видео
Бишкекте Subaru түркүктү сүзүп, ал унаанын үстүнө кулаган. Кырсыктын видеосу