Горы Кыргызстана. Архивное фото

eBilim китепканасы Кыргызстандын жайлоолорун кыдырып жүрөт

32
(жаңыланган 17:36 03.07.2015)
Роза Отунбаеванын фонду эми көчмө китепканаларды алыскы жайлоолорго, элеттиктерге жөнөттү.

БИШКЕК, 3-июль — Sputnik. Кыргызстандын алыскы аймактарында жашоочулары үчүн мобилдик санарип китепкана иштей баштады. Мындай заманбап китепканалар Нарын облусундагы Ат-Башы жана Соң-Көл жайлоолорундагы бала бакчаларга барат. 

Кичиавтобустарга ылайыкталып орнотулган китепкана бүгүнтөн тартып 9-августка чейин Соң-Көлдөгү жайлоолого барып, андан ары 6-12-июлда ат-башылыктарда болот.

Мындай китепканынын максаты — тоолуу райондордун жашоочуларына билим жеткирүү. Кичиавтобустун ичине портативдик компьютерлер орнотулуп, анда 2000ден ашуун ар кандай тексттер үн жана видео коштолуп жазылган. 

Бул ресурстарды окурмандар уюлдук телефондорго жана USB, DVD жазып алса болот. Анда элеттиктерге керектүү айыл чарба, саламаттыкты сактоо, билим берүү, укук, адабият, кинотасамалар боюнча материалдар, жаңылыктар жана мугалимдер үчүн усулдук материалдар сунушталат.

Мындан сырткары, көчмө китепканада балдар үчүн китептер, тасмалар жана маалымат ресурстары да бар.

32
Белгилер:
eBilim китепканасы, китепкана, китеп
Тема боюнча
Улуттук китепканада "Чыныгы легендага айланган этнограф" аттуу китеп көргөзмөсү болот
Улуттук китепканага тилчи Рудовдун баалуу китептери берилет
Президент Садыр Жапаров. Архивдик сүрөт

Кесипкөйлүгүңүздөр азыр өтө маанилүү. Жапаров дипломаттарды куттуктады

15
(жаңыланган 17:53 23.10.2021)
Президент бүгүнкү эл аралык татаал кырдаалда дипломаттардын кесипкөйлүгүн, чет элдик өнөктөштөр менен тил табыша билүүсү өтө маанилүү экендигин айткан.

БИШКЕК, 23-окт. — Sputnik. Президент Садыр Жапаров бүгүн, 23-октябрда, дипломатиялык кызматкерлерди кесиптик майрамы менен куттуктады. Бул тууралуу мамлекет башчынын маалымат кызматынан кабарлады.

"Өлкөбүздүн тышкы саясат кызматы өзүнүн бай тарыхы менен сыймыктана алат. Кыргыз дипломаттары бүгүнкү күндө улуттук кызыкчылыктарды коргоонун алдыңкы сабында туруп, дүйнөдө тынчтыкты чыңдоого, эң маанилүү глобалдык жана региондук маселелерди чечүүгө салым кошууда. Республикабыздын Тышкы иштер министрлигинин ишмердүүлүгүндө кыргыз дипломаттары жогорку кесипкөйлүгүн жана ата мекенине берилген кызматын далилдешип, улуттук кызыкчылыктарды коргоп, эл аралык аренада КРдин позициясын бекемдөөдө", — деп айтылган куттуктоодо.

Мамлекет башчы мындан сырткары ардагер дипломаттардын эмгегин белгилеген.

"Тышкы иштер кызматынын ардагерлеринин жана кызматкерлеринин мамлекетибиздин калыптанышына кошкон салымы баа жеткис", — деген Жапаров.

Президент бүгүнкү эл аралык татаал кырдаалда дипломаттардын кесипкөйлүгүн, чет элдик өнөктөштөр менен тил табыша билүүсү өтө маанилүү экендигин айткан.

Күн тартибинде тынчтыкты сактоо, стратегиялык стабилдүүлүктү чыңдоо, кризис жана конфликтилерди саясий-дипломатиялык жолдор менен гана чечүү, евразиялык интеграцияга көмөктөшүү маселелери турарын белгилеген. Буга эки тараптуу кызматташтыкты бекемдөө, ошону менен бирге эл аралык уюмдардын алкагында өз ара иштешүүнү кошкон.

Жапаров экономикалык дипломатияны өнүктүрүүнү улантуу керектигин, ошондой эле чет өлкөлөрдөгү кыргызстандык жарандардын укуктарын жана кызыкчылыктарын коргоо зарылдыгын айткан.

15
Белгилер:
Кыргызстан, Садыр Жапаров, куттуктоо, дипломат
Тема боюнча
ТИМ жетекчиси Россиянын Кыргызстандагы элчиси менен жолукту
Кикбоксчу Алексей Федосеев. Архивдик сүрөт

Италиядан кикбоксчулар Федосеев, Бегматов коло, Фозилжанов күмүш медаль алды. Сүрөт

18
Дүйнө чемпионатына Кыргызстандын атынан онго чукул спортчу барган. Азыр үч спортчу медаль алды, анын бирөө Алексей Федосеев.

БИШКЕК, 23-окт. — Sputnik. Кыргызстандык кикбоксчулар Италиянын Лидо шаарында өтүп жаткан дүйнө чемпионатында бир күмүш жана эки коло медалга татыды. Бул тууралуу КРдин Кикбокс федерациясынын социалдык тармактагы баракчасы маалымат чыгарды. 

Күмүш байгени К-1 боюнча 63,5 килограмм салмактагылар арасында Икбол Фозилжанов алды.

Ал үч беттешти катары менен камсыздап, финалга чыккан. Анда россиялык Виктор Михайловго калыстардын чечими менен утулуп, экинчи орунга татыган.

Алексей Федосеев "лоу-кик" боюнча 63,5 килограмм салмактагылар арасында ат салышкан. Ал биринчи кармашын утуп, экинчисинде жеңилип калган. Натыйжада ал коло медалга ээ болгон.

Ошондой эле дагы бир кыргызстандык спортчу Чыңгыз Бегматов үчүнчү орунга татыды.

Дүйнө чемпионатына Кыргызстандын атынан онго чукул спортчу барган.

18
Белгилер:
Кыргызстан, Италия, Алексей Федосеев, кикбоксинг, спорт, дүйнө чемпионаты
Тема боюнча
Бишкекте Жапаровдун тапшырмасы менен балбан кыздарга спорттук зал курулат