Москва шаарындагы Домодедово аэропорту. Архив

Москвага авиабилеттер сентябрдын ортосунан тарта арзандайт

299
(жаңыланган 16:09 25.08.2015)
Кыргызстандан Москва шаарына 38 каттам бар экендигине карабай, билеттердин наркы 19,2 миң сомдон 25 миң сомго чейин чыкты.

БИШКЕК, 25-авг. — Sputnik. Кыргызстандан Россияга, анын ичинен Москва шаарына болгон авиакаттамдардын билеттери сентябрдын ортосунан тарта арзандап баштайт. Бул туурасында Sputnik маалымат агенттигине Бишкектеги "Эйр Кыргызстан" мамлекеттик авиакомпаниясынын коммерциялык директору Арсен Табылдиев билдирди.

Учурда Ош жана Бишкектен Россиянын шаарларына, анын ичинен Москвага авиабилеттер кымбаттап кетиши аталган багытка учкандардын, өзгөчө эмгек мигранттарынын түйшөлүүсүн жаратууда.

Учурда Кыргызстандан Москва шаарына 38 каттам бар экендигине карабай, билеттердин наркы 19,2 миң сомдон 25 миң сомго чейин чыкты. 

Табылдиев бул жыл сайын боло турган көрүнүш экендигин, баалар келерки айдын ортосунан тарта арзандай тургандыгын билдирди. 

"Бул сезонго жараша болуучу көрүнүш. Авиакомпаниялар жылына болгону үч айда гана иштеп акча табабыз. Июль, август жана сентябрь айынын ортосуна чейин жыл сайын билет баалары жогорулайт. Себеби, Россияга иштегенге адамдар кетип, андан сырткары студенттер окууга кайтат. Билет баалары сентябрь айынын ортосунан тарта түшө баштайт", — деди Табылдиев.

Августтун башында Москва — Бишкек аба каттамы боюнча учак билеттери төрт миң сомго кымбаттап, 15 миң сомго чыккан.

299
Белгилер:
кымбаттоо, авиабилет, Эйр Кыргызстан авиакомпаниясы, Арсен Табылдиев, Москва, Россия
Тема боюнча
Жарандык авиация эл аралык стандарттарга шайкеш келтирилет
Бишкектин Жал микрорайонуна асмандан көрүнүш. Архивдик сүрөт

Дүйшөмбүгө карата аба ырайы

55
Синоптиктер 21-сентябрда жаан-чачын болбой турганын маалымдашты. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

БИШКЕК, 20-сен. — Sputnik. Дүйшөмбү күнү, 21-сентябрда, күндүз республика боюнча күн ачык болот. Бул тууралуу Кыргызгидромет билдирди.

Күн сууктайбы? Бир жумага карата аба ырайы

Абанын температурасы Чүй өрөөнүндө +22...+27, Таласта +20…+25, Ош, Жалал-Абад, Баткен облустарында +24...+29, Ысык-Көлдө +16...+21 жана Нарын жергесинде +17...+22 градус жылыйт.

Күндүн табы борборубузда +24...+26, Ошто +25...+27 градуска көтөрүлөт.

55
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы
Бишкек шаардык санитардык-эпидемиологиялык көзөмөлдөө борборунун эпидемиолог-дарыгери Рысгүл Чыналиева

Чыналиева: эми деле адамдар коронавируска массалык түрдө чалдыгышы мүмкүн

110
(жаңыланган 20:59 20.09.2020)
Бишкек шаардык санитардык-эпидемиологиялык көзөмөлдөө борборунун эпидемиолог-дарыгери Рысгүл Чыналиева коронавируска чалдыккандар азайганы менен санитардык эрежелерди так сактоо зарылдыгы курч экенин айтты.
Чыналиева: эми деле адамдар коронавируска массалык түрдө чалдыгышы мүмкүн

Коронавирус аба аркылуу жуккан оору болгондуктан, күзүндө да адамдардын массалык түрдө ага кабылуу коркунучу турат. Себеби биз санитардык эрежелерге кайдыгер мамиле кылуудабыз. Бул тууралуу Рысгүл Чыналиева Sputnik Кыргызстан радиосунун эфиринде маек куруп жатып билдирди.

Өлгөндөр миллионго жетип... БУУ COVID көзөмөлдөн чыгып бара жатканын айтты

Анын айтымында, адистер коронавирустун экинчи толкуну өлкөдө сасык тумоо менен кошо келиши мүмкүндүгүн божомолдоп жатышат. Бул октябрь айынын соңуна туура келет.

"Дүйнө жүзү боюнча бул вирустун экинчи толкуну күтүлүп жатат. Айрым мамлекеттер учурда башынан өткөрүүдө. Кыргызстанда да күзгү сезондук грипп, сасык тумоо менен кошо вирус кайрадан күчөшү мүмкүн деген божомол бар. Бул жолкусу деле биз үчүн жайындагыдай коркунучтуу болушу толук ыктымал. Анткени азыр коронавируска чалдыккандардын саны бир аз төмөндөгөндө эпидемиологиялык эрежелерди такыр эле сактабай калдык. Мындай кайдыгерлик аба аркылуу жуккан оорунун тез тарап, бир убакта көп адамга жугуп кетүүсүн шартташы ыктымал. Дарыгерлер болгон аракетин жумшап, сыгып алма суу болсо да коргонуучу костюмдарын сааттап чечпей улут саламаттыгы үчүн күрөшүп жүрүшөт. Коомчулук да өз ден соолугунун жоопкерчилигин алып, эл көп чогулган жайларда бет кап тагынып, желим кол кап кийип, антисептиктерди колдонуп жүрүшү керек", — деди Чыналиева.

Дарыгер кызматкерлер чогулуп иштеген мекемелерде да күндө скрининг жүрүп турса туура болорун кошумчалады.

110
Белгилер:
жоопкерчилик, күз, коронавирус
Тема боюнча
Баланын алаканы менен таманы шишийт. Кавасаки синдрому тууралуу эмне билүү керек
(NaN:NaN / NaNMb / )

Кыргызстандык кыз катышкан "Ты супер!" шоусу. Түз алып берүү аяктады

0
(жаңыланган 02:07 21.09.2020)
Sputnik эл аралык агенттиги жана радиосу менен НТВ телеканалынын биргелешкен долбоорунун биринчи чыгарылышына күбө болуңуздар.

"Ты — супер!" шоусу — НТВ телеканалы менен Sputnik эл аралык агенттиги жана радиосунун ири долбоору. Ага КМШнын аймагындагы вокалдык таланты бар балдар катышат. Бүгүн мызкалык конкурстун төртүнчү сезону башталып, анда Кыргызстандын атынан 18 жаштагы Карина Амринова ат салышууда.

"Ты — супер!" сынагына катышкан Карина Амринова: ар бир ырым апама арналат

Долбоордун максаты ата-энесиз калган жаш өнөрпоздорго мүмкүнчүлүк берүү болуп саналат.

0
Белгилер:
"Ты – супер" балдар долбоору, вокал, музыка, долбоорлор, Карина Амринова
Тема боюнча
"Ты супер!" финалына чыккан балдар үйлүү болушту. Ыйлаткан видео
Тывалык бала "Ты супер" сынагында өзгөчө үнү менен калыстарды таң калтырды