Таштандыны WhatsApp аркылуу тазалоо алгачкы жемишин берүүдө

© Sputnik / Табылды КадырбековУюлдук телефондогу WhatsApp тиркемеси. Архив
Уюлдук телефондогу WhatsApp тиркемеси. Архив - Sputnik Кыргызстан
Жазылуу
Жыйналбаган таштанды боюнча борбор калаанын Октябрь районунан эң көп доомат келген. Бир аптанын ичинде бардыгы болуп 441 кайрылуу түштү.

БИШКЕК, 9-сен. — Sputnik. Үстүбүздөгү жылдын 2-9-сентябрь күндөрү шаардын райондук администрация башчыларынын орун басарларына жыйналбаган таштанды боюнча WhatsApp аркылуу 441 кайрылуу келип түшкөнүн мэрия билдирди.

Ош шаары таштандыдан WhatsApp аркылуу арылат
Буга чейин шаардык муниципалитет Бишкектин райондорунда тазаланбаган акыр-чикир тууралуу дооматтар кабыл алынуучу телефон номерлерин жарыялаган.

Бир жума ичинде Ленин району боюнча 88 кайрылуу келип түшкөн, анын 46сы аткарылды. Дагы 17 арыз "Тазалык" жана "Зеленстрой" ишканаларына жөнөтүлгөн.

Октябрь районуна 187 шаар тургуну кайрылган. 150 арыз боюнча иштер аткарылып, 35 доомат кароодо. Мындан тышкары бир кайрылуу павильондорду алуу боюнча соода бөлүмүнө, дагы бири мэриянын санитардык-экологиялык бөлүмүнө жөнөтүлдү.

Биринчи Май районунун жетекчилигине 124 кайрылуу түшкөн, анын 107си аткарылып, 4 кайрылуу кароодо турат.

Эң аз кайрылуу Свердлов району боюнча келген. Мэрия түшкөн 42 арыздын бардыгы аткарылганын белгиледи.

Жаңылыктар түрмөгү
0