Фронт ан-Нусра джихад тобунун мүчөсү. Архив

Өлкөдө экстремизмге, терроризмге каршы күрөшүү боюнча иш күчөтүлмөй болду

906
(жаңыланган 18:38 10.09.2015)
Өкмөткө экстремизм жана терроризм менен күрөшүү үчүн мамлекеттик органдарды финансылык жактан кошумча каржылоо милдети жүктөлдү. Андан сырткары укук коргоо органдарынын бул багыттагы ишинин натыйжасын арттырууга басым жасалмакчы.

БИШКЕК, 10-авг. — Sputnik. Президент Алмазбек Атамбаевдин жетекчилиги алдында Коргоо кеңеши диний экстремизм менен терроризмге каршы күрөшүү боюнча чараларды күчөтүүнү талкуулады. Бул туурасында президенттин маалымат кызматы билдирди. 

Аталган жагдай боюнча Улуттук коопсуздук комитетинин төрагасынын орун басары Рустам Мамасадыков доклад жасап, терроризм жана экстремизм коопсуздугунун өлкөдө, коомдо жана адамдар арасында улам жогорулап бара жаткандыгын айтты. 

Ал УКМК тарабынан бул боюнча жасалган кылмыштардын бетин ачуу, терроризм, экстремизмге каршы күчөтүлгөн иш-чараларга токтолду. 

Мамасадыков бул жааттагы иштер Жакынкы Чыгыштагы жана Афганистандагы, Борбор Азия аймагындагы абалды эске алуу менен жүргүзүлүп жаткандыгын билдирди. 

Атамбаев акыркы мезгилдери өлкөдө терроризм менен экстремизмдин алдын алуу, кыргызстандыктарды радикалдашкан уюмдардын катарына тартууга каршы туруу боюнча атайын дин саясатын жүргүзүүгө көңүл бурулуп жаткандыгын айтты. Мамлекет башчысынын айтымында, бул жаатта комплекстүү иш-чаралар зарыл жана ага каршы туруу үчүн бардык мамлекеттик органдар болгон күчүн жумшашы керек. 

Коргоо кеңешинин мүчөлөрү бул отурумунда аталган багытта ишти күчтөндүрүү чечимин кабыл алды. Жыйындын аягында экстремизм менен терроризмге каршы күрөштүү күчөтүү максатында тиешелүү мыйзамдарга, документтерге өзгөртүүлөрдү киргизүү максаты коюлду. 

Өкмөткө экстремизм жана терроризм менен күрөшүүдө мамлекеттик органдарды финансылык жактан кошумча каржылоо милдети жүктөлдү. Андан сырткары укук коргоо органдарынын бул багыттагы ишинин натыйжасын арттырууга басым жасалды.

906
Белгилер:
Алмазбек Атамбаев, Рустам Мамасадыков, УКМК, Коргоо кеңеши
Тема боюнча
Терроризмге үндөгөн чуулгандуу видео кайрылуу боюнча УКМК кылмыш ишин козгоду
Атамбаев экстремизм менен терроризм үчүн кылмыш жазасын катаалдантты
БШКнын кызматкерлери Бишкектеги шайлоо участкасында

Шайлоонун жыйынтыгы боюнча корко турган эч нерсе жок! Иманкуловдун кайрылуусу

171
(жаңыланган 01:38 29.11.2021)
Республикалык штабдын жетекчиси шайлоочулардын добушу эми кол менен санала турганын айтып, бул процесске катышууга партия мүчөлөрүн чакырган.

БИШКЕК, 29-ноя. — Sputnik. Шайлоонун жыйынтыгы боюнча коркуп-үркө турган эч нерсе жок, аны бурмалаганга жол бербейбиз. Бул тууралуу парламенттик шайлоону өткөрүү боюнча Республикалык штабдын жетекчиси Марат Иманкулов билдирди.

Ал ар бир бюллетенди текшерип чыгууга даяр экенин белгилеген.

"Айрым партиялар шайлоонун жыйынтыгы бурмаланды деп жазып жатышат. Биз ага жол бербейбиз. Мындай саясатты атайын жүргүзгөн жокпуз. Бул ачык шайлоо. Коркуп-үркө турган эч нерсе жок. Партия лидерлери, келгиле, ар бир бюллетенди текшерип чыкканга даярбыз. Шайлоонун акыркы жыйынтыгы кол менен санаганда гана чыгат. АСУнуку (автоматтык эсептөө урнасы) алдын ала жыйынтык. Бүгүн-эртең бардык шарттарды түзүп беребиз, партия мүчөлөрү менен ар бир шайлоо участкасынан чыккан бюллетендерди санап чыгабыз. Баарын кайра текшерип чыкканга даярбыз. Биз шайлоонун жыйынтыгын бурмалаганга жол бербейбиз", — деди Иманкулов.

Белгилей кетсек, кечээ БШКнын сайты эки жолу иштебей калган. Биринчисинде партиялардын алган добуштарын пайыздык көрсөткүч менен эсептей келгенде 100 эмес, 140 пайызга чыгып кеткен. Ошондой эле АСУдан түшкөн добуштарды көрсөтүп жаткан сайт маалымат бербей жабылып калган.

171
Белгилер:
БШК, Марат Иманкулов, шайлоо, жыйынтык, кайрылуу
Тема:
Жогорку Кеңешке жаңы тартип менен болчу шайлоо
Тема боюнча
БШК сайтынан "жоголгон" 14% добуш. Шайлдабекова жооп берди
Жогорку Кеңеш-2021 шайлоосунун алдын ала жыйынтыгы
Аял талапкерлердин арасынан Жогорку Кеңешке кимдер келе жатат? Тизме
БШКнын төрайымы Нуржан Шайлдабекова

БШК сайтынан "жоголгон" 14% добуш. Шайлдабекова жооп берди

284
(жаңыланган 01:33 29.11.2021)
Түнкү саат 12:00 чамасында Боршайкомдун онлайн-режиминде көрсөтүп жаткан сайтында 14 пайыздык добуштардын эсеби чыкпай калган.

БИШКЕК, 29-ноя. — Sputnik. БШКнын төрайымы Нуржан Шайлдабекова добуш берүүнүн жыйынтыгын көрсөткөн сайтта добуштардын 14 пайызынын "жоголуп" кетиши боюнча Sputnik Кыргызстандын суроосуна жооп берди.

Буга чейин Боршайкомдун шайлоонун алдын ала жыйынтыгын онлайн-режиминде берип жаткан сайтында 14 пайыздык добуштардын эсеби чыкпай калган. Саат 23:52ге карата жалпы пайыздык көрсөткүч 100дү эмес, 86,08 пайызды түзүп жаткан.

БШКнын жетекчиси мындай жагдайдын жаралышына жараксыз чыккан бюллетендер себеп болушу мүмкүн экенин айтты.

"Сөзсүз түрдө жараксыз бюллетендерди эсептеп чыгыш керек. Жалпысынан АСУга 1 234 456 бюллетень түштү, бул шайлоочулардын 33 пайызы добуш бергенин түшүндүрөт. Анын ичинен 1 115 645 (90,38 пайызы) бюллетень жарактуу, ал эми 9,62 пайызы жараксыз деп табылды. Ушул сумманы кошкондо 100 пайызга жетет деп ойлойм", — деди Шайлдабекова.

Мындан сырткары, шайлоо тилкелери жабылгандан кийин БШКнын сайты кеминде эки жолу иштебей калды. Биринчисинде, партиялардын алган добуштарын пайыздык көрсөткүч менен эсептей келгенде 100 эмес, 140 пайызга чыгып кеткен. Экинчи учурда АСУдан түшкөн добуштарды көрсөтүп жаткан сайт маалымат бербей жабылып калган.

284
Белгилер:
Нуржан Шайлдабекова, БШК, сайт, көйгөй, маселе, жоголуу, добуш
Тема:
Жогорку Кеңешке жаңы тартип менен болчу шайлоо
Тема боюнча
Кол менен санагыла! Жапаров "добуштар уурдалды" деген партияларга кайрылды
Канча бюллетень жараксыз чыкканы белгилүү болду. Жыйынтыкка таасир этеби?