Чүй жана Бишкек шаарынан жөнөп кетишкен зыяратчылардын алгачкы тобу Жидда — Бишкек каттамынын учагы менен түнкү саат 3:00дө борборубуздагы Манас эл аралык аба майданына кел

Чүй, Бишкектен аттанган ажылардын алгачкы тобу кайтып келди

43
(жаңыланган 11:55 01.10.2015)
Учурда жалпысы 600дөй зыяратчы Меккеден ажылык милдетин аткарып, Кыргызстанга кайтып келди.

БИШКЕК, 1-окт. — Sputnik. Чүй жана Бишкек шаарынан жөнөп кетишкен зыяратчылардын алгачкы тобу Жидда — Бишкек каттамынын учагы менен түнкү саат 3:00дө борборубуздагы "Манас" эл аралык аба майданына келип түштү. Бул туурасында Кыргызстан муфтиятынын маалымат кызматы билдирет.

196 зыяратчыны төрт ажы башчы коштоп келди. Учурда Кыргызстанга кайткан зыяратчылардын жалпы саны 600гө чукулдап калды. Ажылык милдетин аткаргандардын биринчи тобу Жидда — Ош аба каттамы менен түштүк борборго 28-сентябрда келип конгон.

Сауд Аравиясынан Кыргызстанга жалпысы болуп 18 каттам жасалат. Зыяратчылардын акыркы тобу 15-октябрда мекенибизге кайтып келишет. 

43
Белгилер:
Сауд Аравиясы, Мекке, Ажылык
Тема:
Ажылык – 2015 (42)
Тема боюнча
Бүгүн ажылыктан кайткандардын алгачкы тобу Ошко келип конот
Кыргызстандык зыяратчылар Минада ажылык милдеттерди аткарышат
Меккедеги каргаша: акыркы чейрек кылымдагы "кандуу" ажы сапары
Капельницалар улануу учурунда. Архив

Бишкекте тамакка ууланган адамдардын саны 300гө жетти

31
(жаңыланган 11:13 28.10.2021)
Уулануу өткөн ишембиде катталып, жабыркагандардын саны улам өсүүдө. Учурда ооруканада 31 киши дарыланып жатат, анын бешөө балдар.

БИШКЕК, 28-окт. — Sputnik. Бишкекте тамактан ууланып ооруканага кайрылгандардын саны 300гө жетти. Бул тууралуу Sputnik агенттигине Бишкек шаардык санитардык-эпидемиологиялык көзөмөл борборунун бөлүм башчысы Махамат Мурзашев билдирди.

Буга чейин кайрылгандар 253 болчу. Мурзашевдин айтымында, кечээ кечинде алардын саны 290го жетип, эртең менен 300 болду.

Учурда ооруканада 31 киши дарыланууда, анын бешөө балдар. Абалы туруктуу деп бааланууда. Бейтаптар акырындан үйүнө чыгарылып жатат. Кечээ стационарда 60 киши бар болчу.

Эске салсак, тамакка уулангандар 23-24-октябрь күндөрү ооруканага түшө баштаган. Санэпидкөзөмөл уулангандар Бишкектеги "Империя пиццы" кафесинин төрт филиалынан суши-ролл жегенин кабарлаган. 25-октябрь күнү уулангандардын саны 85ке, 26-октябрда 179га жеткен.

Белгилей кетсек, Саламаттык сактоо министрлиги 25-октябрдан тарта ууланып ооруканага кайрылган адамдардын саны боюнча маалыматтарды берип жатат. Бирок пресс-релизде жабыркагандар кайсы жерден жана кандайча ууланганы так көрсөтүлгөн эмес. Болгону "Бишкектеги массалык уулануу" деп жазылган.

Ал арада Кыргызстанда тамак-аш саткан объектилерди текшерүүгө киргизилген мораторий жокко чыгарылды.

Кафенин филиалдарынын администрациясына жалпы суммасы 30,5 миң сомдук беш протокол түзүлгөн.

31
Белгилер:
Бишкек, тамак, уулануу, бейтап
Тема:
Бишкектин кафесиндеги массалык уулануу
Тема боюнча
Кыргызстанда кайсы объектилер капилет текшерилиши мүмкүн. Тизме
Водолаз. Архив

Балык уулайм деп... Аламүдүндө суудан 63 жаштагы кишинин сөөгү табылды

12
(жаңыланган 11:10 28.10.2021)
Балык кармайм деп кеткен киши эки күндөн бери изделип жаткан. Куткаруучулар анын сөөгүн ИИМ кызматкерлерине өткөрүп беришкен.

БИШКЕК, 28-окт. — Sputnik. Аламүдүн районунун Виноградное айылында суудан 63 жаштагы кишинин сөөгү табылды. Бул тууралуу ӨКМдин маалымат кызматы кабарлады.

Ага ылайык, 26-октябрь күнү болжол менен саат 11:00дө 102 кызматына Ч.А. аттуу 63 жаштагы эркек киши Ат-Башы каналынан балык уулоого чыгып кеткен бойдон дайынсыз жоголгондугу тууралуу маалымат түшкөн.

28-октябрда жерине издөө иштерин жүргүзүү үчүн ӨКМдин Аламүдүн районунун төрт куткаруучусу барган. Алар изделип жатканын кишинин сөөгүн суудан таап, ИИМ кызматкерлерине өткөрүп бергени айтылды.

12
Белгилер:
ӨКМ, сөөк, суу, балык, кырсык
Тема боюнча
Баткенде издөөдөгү 33 жаштагы кишинин сөөгү өз үйүнүн ажатканасынан табылды