Көк-Жайык жайлоосундагы бала бакча. Архив

"Жайлоо бала бакчалары" быйыл малчылардын эки миңден ашуун балдарын окутту

88
(жаңыланган 09:40 06.10.2015)
"Жайлоо бала бакчасы-2015" долбоорунун ийгиликтери, жетишкендиктери жана келечеги туурасында 8-октябрда сөз болуп, жыйынтыгы чыгарылат.

БИШКЕК, 6-окт. — Sputnik. "Роза Отунбаеванын демилгеси" 2015-жылдын июнь-август айларында республиканын тоолуу аймактарында 87 өнүгүү борборлорун ачып, анда ашык малчылардын 2200дөн ашык балдары билим алды. Бул турасында аталган фонддун маалымат кызматы билдирет.

Фонддон долбоор жергиликтүү бийлик өкүлдөрүнүн, жайыт комитеттеринин, чыгармачыл мекемелердин жана коомчулуктун колдоосу менен ийгиликтүү ишке ашкандыгын белгилешти.

"Быйыл жайлоо бала бакчалары "Өнүгүү борборлору" деп аталып, тоодогу балдар үчүн ар кыл мастер-класстарды өткөрүүгө басым жасалды. Алардын ичинде элдик кол өнөрчүлүк, авиа моделдөө, шахмат, экологиялык сабактар, дене тарбия, сөз өстүрүү, коопсуздук эрежелери, сүрөт тартуу жана ар кыл интерактивдүү оюндар бар. Өнүгүү борборлору балдар менен гана иштебестен, ата-энелер менен да тыгыз иштерди алып барды", — деп билдиришти алар. 

Эл аралык уюмдардан келген чет өлкөлүк волонтерлор балдар менен иштеп, өз өлкөлөрүнүн тили, маданияты менен тааныштырганга мүмкүнчүлүк ачылды. Андан тышкары, тоого эс алуу үчүн барган интеллигенциянын өкүлдөрү да бул борборлорго барып, балдар менен баарлашуусуна аянтча болуп берди. 

Аталган фонд 8-октябрда "Жайлоо бала бакчасы-2015" долбоорунун ийгиликтери, жетишкендиктери жана келечеги туурасында сөз кылып, быйылкы жылдын жыйынтыгын чыгарат. Ага КРдин экс-президенти Роза Отунбаева, өкмөт мүчөлөрү, өнөктөштөр, жайыт комитеттеринин мүчөлөрү, аймактардан келген тарбиячылар катышат.

88
Белгилер:
малчы, жайлоо бала бакчалары, билим берүү, Роза Отунбаева
Тема боюнча
Быйылкы жайлоо бала бакчалары 2000ден ашуун бөбөктү окутту
Отунбаева Баткенде балдар жана чек арачылар менен биргеликте Океевдин тасмаларын көрөт

"Дордой" менен "Алай" Борбор Азиянын мыкты клубу жарышында ат салышып жатат

12
(жаңыланган 19:26 27.11.2020)
Бул наам үчүн кыргызстандык командалардан сырткары Өзбекстандан төрт, Тажикстандан үч жана Түркмөнстандан бир команда жарышка катышууда.

БИШКЕК, 27-ноя. — Sputnik. Кыргызстандын "Дордой" жана "Алай" футболдук клубдары Борбор Азиядагы эң популярдуу клуб наамы үчүн ат салышып жатат. Бул тууралуу өлкөнүн футболдук союзунун маалымат кызматы билдирди.

Азия футбол конфедерациясы (АФК) @theafchub расмий сайтында чөлкөмдөгү таанымал клубду аныктоо боюнча сурамжылоо уюштурду.

Спорттук бул наам үчүн кыргызстандык эки командадан сырткары Өзбекстандан төрт, Тажикстандан үч жана Түркмөнстандан бир команда ат салышууда.

Кыргызстандык футбол күйөрмандары ата мекендик клубдарды колдоо үчүн шилтеме менен кирип, өзүнүн мыкты деген командасын тандай алат.

Добуш берүү 1-декабрга чейин уланат.

Эске салсак, быйыл Бишкектин "Дордойу" өлкө чемпиону болсо, Оштун "Алайы" өлкө кубогун уткан.

12
Белгилер:
клуб, мыктылар, АФК, Борбордук Азия, футбол
Тема боюнча
Аза кызматындагылар Марадонанын сөөгү менен фотосессия уюштурушкан. Сүрөт
Кыргызстандык футзалчы Ильяс Чотбаев Тажикстанда чемпион болду

Эл аралап маалымат чогулткан Шамшиев. "Ысык-Көлдүн кызгалдактарындагы" сүрөттөр

17
  • Байзактын образын жараткан Советбек Жумадылов жан-жөкөрлөрү менен
  • Ысык-Көлдүн кызгалдактары тасмасындагы башкы каарман Карабалта — Сүймөнкул Чокморов
  • Жаш режиссёр Болот Шамшиев тоо боорунда кесиптештери менен
  • Апийим талаасындагы Советбек Жумадылов менен Борис Химичев
  • Каличанын образындагы актриса Айтурган Темирова
  • Ортодо турган белгилүү актёр, СССРдин эл артисти Сүймөнкул Чокморов менен анын сол жагында турган экинчи режиссёр Темир Дүйшекеев жана киночулар
  • Кинофильм Ысык-Көл облусундагы Жети-Өгүз, Жууку, Барскоон капчыгайларында тартылган
  • Совет бийлигин жактаган Карабалта жана заставадагы чек арачылар
  • Карабалтанын артынан жөнөгөн Байзактын жигиттери
  • Ысык-Көлдүн кызгалдактары тасмасы тартыла баштаганда Шамшиев 29 жашта болгон
  • Чокморов кинофильмде аткарган Карабалтанын ролу үчүн Тбилисидеги бүткүл союздук кинофестивалда диплом жана премияга ээ болгон
СССРдин эл артисти, белгилүү кинорежиссёр Болот Шамшиев жараткан тасмалар азыркыга чейин Кыргызфильмдин алтын фондунда сакталып келет.

Алардын бири өткөн кылымдын 20-жылдарындагы советтик чек арачылардын аракетин жана Кытайга апийим ташыган кыргыз аткезчилердин турмушун баяндаган "Ысык-Көлдүн кызгалдактары" кинокартинасы. Sputnik Кыргызстан агенттиги Шамшиевдин аталган фильминдеги архивдик ирмемдерди сунуштайт.

КРдин эл артисти Болот Шамшиев 1970-жылы советтик жазуучу Александр Сытиндин 1927-жылы жарыкка чыккан "Тянь-Шандын аткезчилери" романынын негизинде кезектеги тасмасын тартууга киришкен. Анда 29 жаштагы Шамшиев архивден тарыхый материалдарды чогултуп, 1920-жылдардагы жарандык согушка катышкан ардагерлер, карапайым эл менен маектешкен. Анын сценарийин Юрий Сокол жазып, фильмдеги кыргыз тилиндеги диалогдорду белгилүү жазуучу Ашым Жакыпбеков иштеп чыккан.

Кинофильм негизинен Ысык-Көл облусунда тартылып, XX кылымдын 20-жылдарындагы жаңы Совет өкмөтүнүн саясатын жактаган жана ага нааразы болгон эки агымдын күрөшүн көрсөткөн. Тасмада Сүймөнкул Чокморов, Советбек Жумадылов, Борис Химичев, Алиман Жанкорозова, Амина Өмүрзакова, латыш актриса Гунта Виркова, казакстандык Елүбай Умурзаков, Арстанбек Ирсалиев, Чоро Думанаев, Айтурган Темирова, Абды Ибраимов, Ахмед Шамиев, Марклен Ибраев, Бакы Өмүркулов, Зуура Соронбаева, Мукан Рыскулбеков роль жараткан.

Тасманын расмий аталышы "Касиеттүү Ысык-Көл" болгон. Орусчага которулганда эл арасында "Ысык-Көлдүн кызгалдактары" деген аталыш менен белгилүү болуп кеткен. 1973-жылы Страсбург шаарында эл аралык фестивалда атайын сыйлыкка татып, Тбилисидеги бүткүл союздук кинофестивалда Чокморов эркектин ролун мыкты аткаргандыгы үчүн диплом жана премияга арзыган.

17
  • Байзактын образын жараткан Советбек Жумадылов жан-жөкөрлөрү менен
    © Sputnik / Александр Федоров

    Байзактын образын жараткан Советбек Жумадылов жан-жөкөрлөрү менен

  • Ысык-Көлдүн кызгалдактары тасмасындагы башкы каарман Карабалта — Сүймөнкул Чокморов
    © Sputnik / Александр Федоров

    "Ысык-Көлдүн кызгалдактары" тасмасындагы башкы каарман Карабалта — Сүймөнкул Чокморов

  • Жаш режиссёр Болот Шамшиев тоо боорунда кесиптештери менен
    © Sputnik / Александр Федоров

    Жаш режиссёр Болот Шамшиев тоо боорунда кесиптештери менен

  • Апийим талаасындагы Советбек Жумадылов менен Борис Химичев
    © Фото / Александр Федоров

    Апийим талаасындагы Советбек Жумадылов менен Борис Химичев

  • Каличанын образындагы актриса Айтурган Темирова
    © Sputnik / Александр Федоров

    Каличанын образындагы актриса Айтурган Темирова

  • Ортодо турган белгилүү актёр, СССРдин эл артисти Сүймөнкул Чокморов менен анын сол жагында турган экинчи режиссёр Темир Дүйшекеев жана киночулар
    © Sputnik / Александр Федоров

    Ортодо турган белгилүү актёр, СССРдин эл артисти Сүймөнкул Чокморов менен анын сол жагында турган экинчи режиссёр Темир Дүйшекеев жана киночулар

  • Кинофильм Ысык-Көл облусундагы Жети-Өгүз, Жууку, Барскоон капчыгайларында тартылган
    © Sputnik / Александр Федоров

    Кинофильм Ысык-Көл облусундагы Жети-Өгүз, Жууку, Барскоон капчыгайларында тартылган

  • Совет бийлигин жактаган Карабалта жана заставадагы чек арачылар
    © Sputnik / Александр Федоров

    Совет бийлигин жактаган Карабалта жана заставадагы чек арачылар

  • Карабалтанын артынан жөнөгөн Байзактын жигиттери
    © Sputnik / РИА Новости

    Карабалтанын артынан жөнөгөн Байзактын жигиттери

  • Ысык-Көлдүн кызгалдактары тасмасы тартыла баштаганда Шамшиев 29 жашта болгон
    © Sputnik / Александр Федоров

    "Ысык-Көлдүн кызгалдактары" тасмасы тартыла баштаганда Шамшиев 29 жашта болгон

  • Чокморов кинофильмде аткарган Карабалтанын ролу үчүн Тбилисидеги бүткүл союздук кинофестивалда диплом жана премияга ээ болгон
    © Sputnik / РИА Новости

    Чокморов кинофильмде аткарган Карабалтанын ролу үчүн Тбилисидеги бүткүл союздук кинофестивалда диплом жана премияга ээ болгон

Белгилер:
"Ысык-Көлдүн кызгалдактарындагы" тасмасы, Сүрөт, тасма, Сүймөнкул Чокморов, Болот Шамшиев
Тема боюнча
Дүйнөнүн азабын көтөргөн эне. "Саманчынын жолу" киносундагы ирмемдер
Кино менен театрдын залкарларын чогулткан. "Көчө" тасмасындагы ирмемдер
Беларусь президенти Александр Лукашенко

Лукашенко жаңы Конституция кабыл алынганда президент болбой турганын жар салды

0
(жаңыланган 19:50 27.11.2020)
Лукашенко азыркы Баш мыйзамда президенттин ыйгарым укуктарына басым жасалганын айтып, өлкөнүн пайдасы үчүн жаңысын кабыл алуу керектигин белгилеген.

БИШКЕК, 27-ноя. — Sputnik. Беларусь президенти Александр Лукашенко жаңы Конституция кабыл алынгандан кийин өлкө башчысы болбой турганын жар салды. Бул тууралуу БелТА агенттиги жазды.

"Конституцияны өзүмө ылайыктаган жокмун. Жаңы Баш мыйзам кабыл алынса, мен силердин президентиңер болуп иштебейм. Ошондуктан муну жеңил кабыл алып, тынч болгула", — деген президент.

Ал шайлоонун жыйынтыгын кимдир бирөөнүн жасалмалоосуна жол бербей турганын айтып, ошол себептен жаңы Баш мыйзамды өзгөртүүнү колдоп жатканын айткан.

"Мен жаңы Баш мыйзамдын тарапташымын. Себеби азыркы иштеп жаткан Конституцияны "белгисиз президенттин" колуна карматканга болбойт", — деген ал.

Лукашенко азыркы Баш мыйзамда президенттин ыйгарым укуктарына басым жасалганын айтып, өлкөнүн пайдасы үчүн жаңысын кабыл алуу керектигин белгилеген.

0
Белгилер:
өзгөртүүлөр, конституция, Александр Лукашенко, Беларусь
Тема:
Беларустагы нааразылык акциялары
Тема боюнча
Жапаров референдумга Конституция эмес, башка маселени алып чыгууну сунуштады
Лавров: Беларустагы конституциялык реформаны колдойбуз