Снимок с экрана сайта интерпола. Архивное фото

Интерпол тарабынан изделген Кыргызстандын "абройлуу" кылмышкерлери

(жаңыланган 12:13 02.12.2015)
Интерполдун кара тизмесине уюшкан кылмыштуу топтордун мүчөлөрү, экс-чиновник менен ишкерлер кирген.

БИШКЕК, 1-дек. — Sputnik, Таалайбек Ороскулов. Интерполдун сайтында Кыргызстандык 160 киши издөөдө жүргөнү жарыяланган. Алардын баары оор кылмыш жасоого шектелип, кара тизмеге кирген.

Дүйшөмбү күнү Кыргызстандын ИИМи аалым Кадыр Маликовго кол салууга шектелгендердин Түркиядан экстрадицияланып келишин күтүп жатканын маалымдаган. Буга чейин айып тагылып жаткан Алибек Тилек уулу менен Ырыскул Бейшеналиев Интерполдун багыты менен эл аралык издөөгө алынган. Экөө Түркиянын Газиантеп шаарында колго түшүрүлгөнү кабарланган.

Ушуга байланыштуу Sputnik Интерполдун багыты менен издөө жарыяланган кыргызстандык жарандардын тизмесине кызыгып көрдү.

Кыргызстандын "абройлуу" ууру-кескилери төмөнкүдөй:

Олимпиаданын вице-чемпиону Жуманазаров Каныбек Сатымкулович криминалдык чөйрөдө Кана
Интерполдун расмий сайтынан сүрөткө тартып алынды
Олимпиаданын вице-чемпиону Жуманазаров Каныбек Сатымкулович криминалдык чөйрөдө "Кана"

Олимпиаданын вице-чемпиону Жуманазаров Каныбек Сатымкулович криминалдык чөйрөдө "Кана" аттуу каймана ат менен белгилүү болуп, Максат Абакировдун уюшкан кылмыштуу тобунун мүчөсү болуп саналат. Кана адам өлтүрүүгө жана каракчылыкка тиешеси бар деп шектелүүдө.

Асанбековдун кылмыштуу тобунун мүчөсү Баха, же Аманкулов Бактыбек Сарылбекович
Интерполдун расмий сайтынан сүрөткө тартып алынды
Асанбековдун кылмыштуу тобунун мүчөсү Баха, же Аманкулов Бактыбек Сарылбекович

Асанбековдун кылмыштуу тобунун мүчөсү Баха, же Аманкулов Бактыбек Сарылбекович, алдын ала сүйлөшүү менен топтошуп акча талап кылуу жана башка кылмыштык ишмердүүлүгү үчүн издөөгө алынган.

Жонни мушкер, же Абдикаримов Акрамжан Хасанбаевич, ар кыл кримминалдык топтордун мүчөсү
Интерполдун расмий сайтынан сүрөткө тартып алынды
Жонни мушкер, же Абдикаримов Акрамжан Хасанбаевич, ар кыл кримминалдык топтордун мүчөсү

Жонни мушкер, же Абдикаримов Акрамжан Хасанбаевич, ар кыл кримминалдык топтордун мүчөсү экени маалым. Киши өлтүрүүгө жана бир катар массалык баш аламандыкты уюштурууга катышкан деп шектелүүдө.

Буга чейин соттолуп чыккан Чоро каймана аты менен белгилүү Сулайманов Алмазбек Аскарович
Интерполдун расмий сайтынан сүрөткө тартып алынды
Буга чейин соттолуп чыккан Чоро каймана аты менен белгилүү Сулайманов Алмазбек Аскарович

Буга чейин соттолуп чыккан Чоро каймана аты менен белгилүү Сулайманов Алмазбек Аскарович — Максат Абакировдун уюшкан кылмыштуу тобунун мүчөсү. Ири көлөмдөгү мүлккө ээ болуу максатында топтошуп каракчылык кылгандыгы үчүн айыпталууда.

Кыргызстандын кылмышкер ишкерлери

Бишкектеги Дольче Вита кыймылсыз мүлк агенттигинин түзүүчүлөрүнүн бири 37 жаштагы Березовский Алексей Викторович
Интерполдун расмий сайтынан сүрөткө тартып алынды
Бишкектеги "Дольче Вита" кыймылсыз мүлк агенттигинин түзүүчүлөрүнүн бири 37 жаштагы Березовский Алексей Викторович

2011-жылдын 22-февралынан тарта Бишкектеги "Дольче Вита" кыймылсыз мүлк агенттигинин түзүүчүлөрүнүн бири 37 жаштагы Березовский Алексей Викторович изделип келет. Ага шылуундук беренеси боюнча кылмыш иши козголгон.

Альфа-Телеком компаниясынын экс-башкы директору Силич Андрей Григорьевич
Интерполдун расмий сайтынан сүрөткө тартып алынды
"Альфа-Телеком" компаниясынын экс-башкы директору Силич Андрей Григорьевич

Интерпол "Альфа-Телеком" компаниясынын экс-башкы директору Силич Андрей Григорьевичти издеп келет. Ал шылуундук кылып, коммерциялык уюмдун өкүлү катары кызматынан кыянаттык менен пайдаланган деген күнөө коюлган.

Жаныш Бакиевдин (Кыргызстандын мурдагы президенти Курманбек Бакиевдин иниси) уулу 32 жаштагы Бакиев Искендер Жаныбекович
Интерполдун расмий сайтынан сүрөткө тартып алынды
Жаныш Бакиевдин (Кыргызстандын мурдагы президенти Курманбек Бакиевдин иниси) уулу 32 жаштагы Бакиев Искендер Жаныбекович

Жаныш Бакиевдин (Кыргызстандын мурдагы президенти Курманбек Бакиевдин иниси) уулу 32 жаштагы Бакиев Искендер Жаныбекович алдамчылык, коммерциялык уюмдун өкүлү катары кызматынан кыянаттык менен пайдалануу, бирөөнүн мүлкүнө зыян келтирүү беренелери боюнча айыпталып жатат.

Кыргызстандын издөөгө алынган экс-чиновниктери

Кыргызстандын өкмөтүн 2002-2005-жылдары жетектеп келген мурунку премьер-министр Танаев Никовлай Тимофеевич
© AFP 2021 / FREDERIC BROWN
Кыргызстандын өкмөтүн 2002-2005-жылдары жетектеп келген мурунку премьер-министр Танаев Никовлай Тимофеевич

Кыргызстандын өкмөтүн 2002-2005-жылдары жетектеп келген мурунку премьер-министр Танаев Николай Тимофеевич коррупция жана кызмат абалынан кыянаттык менен пайдаланган деп шектелүүдө.

Дагы бир өкмөт башчы Үсөнов Данияр Токтогулович
© Sputnik / Владислав Ушаков
Дагы бир өкмөт башчы Үсөнов Данияр Токтогулович

Дагы бир өкмөт башчы Үсөнов Данияр Токтогулович мамлекеттик жерди бөлүүдө кызмат абалынан кыянаттык менен пайдалануу беренеси боюнча күнөөлөнүүдө.

Кыргызстандын туңгуч президентинин администрация жетекчиси Касымов Тойчубек Касымович
Интерполдун расмий сайтынан сүрөткө тартып алынды
Кыргызстандын туңгуч президентинин администрация жетекчиси Касымов Тойчубек Касымович

Кыргызстандын туңгуч президентинин администрация жетекчиси Касымов Тойчубек Касымович кызмат абалынан кыянаттык менен пайдалануу жана мамлекеттик каражатты туура эмес пайдалануу боюнча шектелип келет.

Архивное фото сына экс-президента КР Курманбека Бакиева Максима
© Фото / пресс-служба ЦАРИИ КР
Сын экс-президента КР Курманбека Бакиева Максим

Качкын президент Курманбек Бакиевдин уулу Максим Бакиев кызмат абалынан кыянаттык менен пайдалануу жана мамлекеттик насыяны туура эмес колдонгондугу үчүн изделүүдө.

Коопсуздук жана укук коомдук фондусунун төрагасы Бакиев Жаныбек (Жаныш) Салиевич
© Sputnik / Андрей Стенин
"Коопсуздук жана укук" коомдук фондусунун төрагасы Бакиев Жаныбек (Жаныш) Салиевич

Массалык түрдө киши өлтүрүү, кызмат абалынан кыянаттык менен пайдалануу жана адам уурдоо боюнча айыпталып жаткан "Коопсуздук жана укук" коомдук фондусунун төрагасы Бакиев Жаныбек (Жаныш) Салиевич да Интерполдун кылтагына илинген.

Жалал-Абад шаардык кеңештин экс-депутаты Бакиев Ахмат Салиевич
© Sputnik / Тимофей Железовский
Жалал-Абад шаардык кеңештин экс-депутаты Бакиев Ахмат Салиевич

Абактан качып чыккандыгы үчүн тактан кулатылган президенттин дагы бир иниси Жалал-Абад шаардык кеңештин экс-депутаты Бакиев Ахмат Салиевич да эл аралык издөөгө алынган.

Белгилер:
издөө, кара тизме, Интерпол
Тема боюнча
Маликовго кол салууга шектелгендер Түркиядан колго түштү
Археологиялык казуулар. Архив

Бишкектен анча алыс эмес жерде балбал таш табылды. Сүрөт

(жаңыланган 22:16 14.04.2021)
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.

БИШКЕК, 14-апр. — Sputnik. Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган. Бул тууралуу Sputnik Кыргызстан агенттигине өзү билдирди.

Обнаруженный в грунте балбал в селе Интернациональном недалеко от Бишкека
© Фото / предоставлено Павлом Камаевым
Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган

Балбал — бул адамдын сөлөкөтү чегерилген таш эстелик. Камаев аны кантип таап калганын айтып берди.

"Ал күнү мен жумушта болчумун, жер казып атып бир маалда катуу бир нерсеге тийгендей болдум. Карап, көргөн көзүмө ишенген жокмун. Топурак алдында анча чоң эмес таш эстелиги жатыптыр. Бийиктиги болжол менен бир метрди түзөт. Анын бир колунда чөйчөк тартылган. Табылга жакшы жышаан экенин, мындай жерлерде белгилүү аскер адамы да көмүлгөнүн окугам", — деди ал.

Ал табылгасын адистерге берүү үчүн Маданият, маалымат жана спорт министрлигине барган.

"Балбал ташты өзүмө алып калайын деп эч ойлонгон жокмун. Министрликтегилер айтканымды угуп, анын мынча тереңдикте жатканына таң калышты. Себеби мен аны үч метр тереңдиктен таап чыккам да. Ал жакта бул таш кандайча жатып калганы табышмак", — деди Камаев.

Вид на Государственный исторический музей в центре Бишкека во время реконструкции
© Sputnik / Табылды Кадырбеков
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады

Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.

Белгилер:
табылга, эстелик, таш, балбал, Чүй облусу, Бишкек
Тема боюнча
Енисейди бойлой Барсбектин мүрзөсүн издегенде... Юлий Худяков менен маек
Аткаминерлер. Архив

КМШ парламенттеринин төрагалары биринчи жолу офлайн жыйын өткөрөт

(жаңыланган 22:44 14.04.2021)
КМШнын Парламенттер аралык ассамблеясынын (ПАА) жазгы сессиясы Таврия сарайында болот. Пленардык жыйынды ПАА кеңешинин башчысы, Россиянын Федералдык жыйынынын Федерация кеңешинин төрайымы Валентина Матвиенко өткөрөт.

БИШКЕК, 14-апр. — Sputnik. КМШ өлкөлөрүнүн парламенттеринин төрагалары пандемия жарыялангандан бери биринчи жолу жолугушат. Жыйын 15-апрелде Санкт-Петербургда өтөт.

КМШнын Парламенттер аралык ассамблеясынын (ПАА) жазгы сессиясы Таврия сарайында болмокчу. Пленардык жыйынды ПАА кеңешинин башчысы, Россиянын Федералдык жыйынынын Федерация кеңешинин төрайымы Валентина Матвиенко өткөрөт.

Катышуучулардын болжолдуу тизмеси:

  • Сагиба Гафарова — Азербайжандын Милли мажлисинин төрайымы;
  • Арарат Мирзоян — Армениянын парламентинин төрагасы;
  • Маулен Ашимбаев — Казакстандын парламентинин сенатынын төрагасы;
  • Талант Мамытов — Кыргызстандын Жогорку Кеңешинин төрагасы;
  • Зинаида Гречаный — Молдованын парламентинин төрайымы;
  • Танзила Нарбаева — Өзбекстандын Олий Мажлисинин төрайымы.

Ал эми видео байланыш менен жыйынга Беларусь менен Тажикстандын парламенттеринин спикерлери кошулат.

Парламент төрагаларынын катышуусундагы конференция "COVID-19 пандемия шартында глобалдык чакырыктар жана коркунучтар. Терроризм жана зомбулук экстремизми" аталышында өтөт.

Жогорку Кеңештин төрагасы Талант Мамытов. Архив
© Пресс-служба президента КР / Султан Досалиев
Ошол эле күнү Кеңештин жыйыны болуп, анда делегация жетекчилери шериктештиктин аймагында өткөн шайлоолорго Парламенттер аралык ассамблеядан катышкан эл аралык байкоочулардын ишин талкуулашат.

16-апрель күнү ПААнын штабында Ассамблеянын 52-пленардык жыйыны өтөт. Анда өзөктүү тема катары пандемия маалында миграциялык процесстерди мыйзам түрүндө көзөмөлдөө талкууланары айтылды. Ошондой эле парламент жетекчилери Ассамблея тарабынан даярдалган КМШга мүчө мамлекеттер үчүн миграциялык кодексти карашат.

Жыйындын жүрүшү Ассамблеянын сайтында www.iacis.ru жана "Вместе-РФ" vmeste-rf.tv. каналынан түз алып көрсөтүлө турганы маалым болду.

Белгилер:
Россия, маселе, жыйын, төрага, КМШ Парламенттер аралык ассамблеясы
Тема боюнча
ЖКнын VI чакырылышына 185 мандат берилди, 65 депутат кайдан келди. Инфографика
УКМК: саясий серепчи Марат Казакпаев мамлекеттик чыккынчылыкка шектелип кармалды