Автоунаа. Архив

Унаа салыгын төлөгөндөргө атайын чаптамалар берилди

95
(жаңыланган 09:42 01.04.2016)
Чаптамалар салык органынын кызматкеринин колу жана анын ысымдык мөөрү менен күбөлөндүрүлөт.

БИШКЕК, 1-апр. — Sputnik. Мамлекеттик салык кызматы жыл башынан бери автоунаа салыгын төлөгөн жарандарга 16 миң 857 атайын чаптамаларды берди. Бул тууралуу аталган мекеме билдирди.

Салыктын төлөнгөнүн ырастоочу бул чаптама (так отчёттуулук бланкы) маалыматтык эсепти тапшырып, автоунаа каражаттарына салык төлөнгөндөн кийин тийиштүү орган тарабынан салык төлөөчүгө акысыз берилет. Ал салык органынын кызматкеринин колу жана анын ысымдык мөөрү менен күбөлөндүрүлөт.

Эскерте кетсек, өкмөттүн токтому менен автоунаа каражаттарына салык төлөө фактысын ырастоочу атайын чаптамалар ушул жылдын башынан тартып киргизилген. Бул 4-топтогу мүлк объектилеринен салык алуу механизмин жакшыртуу максатында жасалган.

Атайын чаптама Салык кодексинин 330-беренесине ылайык унаа салыгын төлөөдөн бошотулган жактарга да берилет.

95
Белгилер:
Кыргызстан, салык, чаптама, кодекс
Тема боюнча
Белоруссия Кыргызстанга товар киргизүү көлөмүн 407 эсе көбөйттү
Сариев КРге кирген товарлардын тизмесин кайра карап чыгууну тапшырды
Балыкчы шаарындагы үйлөр. Архив

Жекшембиге карата аба ырайы

94
19-сентябрга караган түнү республика боюнча жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

БИШКЕК, 18-сен. — Sputnik. Жекшемби күндүз өлкө аймагында күн ачык болот. Бул тууралуу Кыргызгидромет маалымдады.

Абанын температурасы Чүй өрөөнүндө +28...+33, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +23...+28 жана Нарын аймагында +24...+29 градус болору айтылды.

Термометрдин көрсөткүчү Бишкекте +31...+33, Ош калаасында +33...+35 градуска жетет.

94
Белгилер:
Кыргызстан, аба ырайы
Тема боюнча
Кыргыз-кытай чек арасы үч күнгө жабылат. Себеби

Ошто бүгүн мэр баштаган 25 миң адам шаарды тазалоого чыкты. Видео

70
Бүгүн Ош шаарында Бүткүл дүйнөлүк тазалык күнүнө карата ишембилик болуп өттү. Мэриянын маалымат кызматы шаарды тазалоого 25 миңден ашуун адам чыкканын билдирди.

Калаа мэри Алмаз Мамбетов баштаган мэриянын аппараты, шаардык кеңештин эмгек жамааты, шаар тургундары, мамлекеттик жана муниципалдык мекемелердин, жеке ишканалардын кызматкерлери, спортчулар, журналисттер активдүү катышкан.

Анын алкагында 2100 куб метр таштанды чогултулганы айтылды.

Шаар башчысы Навои паркынын жанындагы Абдыкадыров көчөсүндөгү көпүрөнүн тегерек-четин тазалаган.

70
Белгилер:
ишембилик, тазалоо, Ош шаары, Алмаз Мамбетов
Тема боюнча
Майрамдан кийин "Ала-Тоодон" канча таштанды чыкты. Сүрөт
Ошто Казакстан мамлекеттик университетинин филиалын ачуу каралууда
Кабул шаары. Архив

ЖМК: талибдер өзбек тилин расмий макамынан ажыратып салды

0
(жаңыланган 00:12 19.09.2021)
Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

БИШКЕК, 18-сен. — Sputnik. "Талибан"* кыймылы мыйзамда көрсөтүлгөн үч расмий тилдин ордуна экөөнү калтырып, башкаруунун жаңы системасы каралган убактылуу мыйзам чыгарды. Документ РИА Новостиге кыймылдагы адамдар тарабынан жөнөтүлгөнүн аталган агенттик жазды.

"Негиздер" деген аталыштагы мыйзамда Афганистандагы ханафит мазхабынын суннит исламы расмий дин болуп эсептелээри айтылат. Ал эми пушту менен дари тилдери расмий тил деп саналмакчы. Буга чейин Афганистанда түндүк провинциянын тургундары сүйлөгөн өзбек тили да расмий болуп келген. Мындан тышкары, өлкөдө басымдуу бөлүгүн хазарийлер түзгөн шиит общинасы бар.

Жаңы документке ылайык, Афганистанда ислам юристтеринин кеңеши жана жогорку кеңеш түзүлөт. Ага саясий ишмерлер, окумуштуулар жана ар провинциядан дин кызматкерлери кошулары айтылды.

Аткаруу бийлигин президент жетектейт, аны жарандар менен жогорку кеңештин мүчөлөрү шайламакчы. Добуш берүү ачык-айкын өтүшү үчүн шайлоо комиссиясы түзүлөт. Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

Мыйзамда "британиялыктар, орустар жана америкалыктардан көз карандысыздык күнү" майрам болуп эсептелет деп жазылган.

Талибдер августтун башында активдешип, айдын орто ченинде Кабулга киришкен. Согуш аягына чыкканы жар салынып, 31-августта америкалык аскерлер толугу менен өлкөдөн чыгып кеткен.

7-сентябрда Афганистандын убактылуу өкмөтүнүн курамы жарыяланып, аны Мохаммад Хасан Ахунд жетектемей болгон. Өкмөт башчы 2001-жылдан бери БУУнун санкциясында.

Буга чейин талибдердин бийлиги менен кызматташууга Өзбекстан, Казакстан жана Кытай даярдыгын билдирген болчу.

* — Кыргызстан, Россия жана башка бир катар мамлекеттерде тыюу салынган уюм.

0
Белгилер:
Афганистан, 'Талибан' кыймылы, тил, макам, Өзбекстан, Казакстан, Кытай, мыйзам, документ
Тема:
Афган бийлиги менен талибдердин тиреши
Тема боюнча
Афганистандагы абал Борбор Азиянын келечегине кандай таасир этет? Пикир
Пикирлештердин саммити: ШКУнун Афганистан боюнча кадамы кандай болот