Кумтөр кени. Архив

Кумтөрдөгү чечилбеген экологиялык маселелер кендин ишинин токтошуна алып келиши ыктымал

244
(жаңыланган 15:06 02.05.2016)
Эгер жаратылышты коргоо боюнча иштер аткарылбай жана компаниянын жетекчилиги тоотектердин түшүшү боюнча долбоорду көргөзбөсө "Кумтөр" кенинин иштешине тыюу салынышы мүмкүн.

БИШКЕК, 2-май — Sputnik. Уруксат берүүчү документтерди жана корутундуну берүү мүмкүн эместиги тууралуу Centerra Gold Inc. менен "Кумтор Голд Компани" ЖЧКсынын жетекчилиги билдирүү алышканын Айлана-чөйрөнү коргоо жана токой чарбасы мамлекеттик агенттиктин маалымат кызматы билдирди.

Расмий кат Centerra Gold Inc. ишканасынын жетекчиси Фрэнк Хербертке жана "Кумтор Голд Компани" компаниясынын президенти Ден Дежарденге жиберилген. Катта компания тарабынан берилген материалдар КР мыйзамдарындагы жаратылышты коргоо нормалары менен талаптарына жооп бербегендиктен укук берүүчү документтер берилбей турганын жазылган.

2015-жылдагы "Кумтөр" долбоорун рестркутуризациялоо боюнча сүйлөшүүлөрдүн алкагында кенде жаратылышты коргоо иш-чаралары жүрүшү керек болчу. Андан сырткары "Кумтор Голд Компани" ЖЧКсы тоотектеринин урашы боюнча жана аларды ташуу боюнча лимитти белгилеген долбоорду иштеп чыгышы керек эле.

"Иштер аткрылган жок, тоотектердин урашы боюнча долбоорду 20-майга чейин көрсөтүшү керек болчу. Азыр эскертүү берилди, алар белгиленген мөөнөткө чейин долбоорду сунушташы зарыл. Ошондой эле, жаратылышты сактоо боюнча жасай турчу иш-чараларын күтөбүз. Эгер коюлган талаптар аткарылбаса, кенде иш жүрүгүзүүгө тыюу салынышы мүмкүн", — деп аталган мекемеден Sputnik Кыргызстан агенттигине билдирди.

"Кумтөр" — өлкөнүн бюджетин түзүүчү ишкана. Centerra Gold Inc. "Кумтөр" алтын кенинин 100 пайыздык акциясынын ээси болуп саналат. 2009-жылдагы келишим боюнча Центерранын 33 пайыздык акциясы Кыргызстанга таандык. Компания Кыргызстанда жана Монголияда жайгашкан эки алтын кенге ээлик кылат.

Буга чейин Кумтөр кенин иштетүү 2016-жылдын 1-январынан тарта токтоп калышы мүмкүндүгү айтылган. Компания ишин улантуусу үчүн Кыргызстандын Суу кодексине мөңгү жайгашкан аймакта иш алып барууга мүмкүнчүлүк берген өзгөртүүлөрдү киргизүү керек болчу. Бирок Жогорку Кеңеш аны кабыл алган эмес. Мындан улам өкмөт компанияга ишин жүргүзүү үчүн убактылуу уруксат берген.

28-апрелде кечинде "Кумтор Голд Компани" ЖЧКсынын Бишкектеги башкы кеңсеси финансылык мыйзам бузуулардан улам делинип тинтүүгө алынган. Иликтөө иштерин ведомстволор аралык комиссия — Башкы прокуратура, Улуттук коопсуздук боюнча мамлекеттик комиссия, ИИМ жана Экономикалык кылмыштуулукка каршы күрөшүү мамлекеттик кызматы аткарууда. Тинтүүлөрдөн улам аталган компаниянын эки вице-президенти Кыргызстандан чыгып кеткен

244
Белгилер:
Кумтөр, Кыргызстан
Тема:
"Кумтөр": Кыргыз өкмөтү менен Centerra Gold Inc. ортосундагы биргелешкен ишкана (71)
Тема боюнча
"Кумтөр Голд Компани" ишканасында тинтүү жүргүзүлүп жатат
"Кумтөр Голд Компани" ишканасынын вице-президенттери Кыргызстандан чыгып кетишти

Финпол 250 миң сом пара берген адамды кармады. Кабинеттен тартылган видео

46
(жаңыланган 13:04 03.12.2020)
Экономикалык кылмыштарга каршы күрөшүү кызматы Ысык-Көл облусунда кызмат адамына 250 миң сом өлчөмүндө пара берип жаткан адамды кармады.

Финполдун маалымат кызматынын билдиришинче, 1-декабрда Т.А. аттуу жаран кылмыш иши боюнча маселени өзүнүн пайдасына чечүүгө аракет кылып, кызмат адамына ири өлчөмдөгү пара берип жаткан жеринен колго түшүрүлгөн.

Ошол эле учурда кайсы кызматкерге бергени айтылган эмес.

Сотко чейинки өндүрүштүн материалдары Жазык кодексинин 328-беренеси ("Пара берүү") менен Кылмыш жана жоруктардын бирдиктүү реестрине катталган.

Ал эми кармалган адам Каракол шаардык ички иштер бөлүмүнүн убактылуу кармоочу жайына киргизилип, тергөө жүрүп жатат.

46
Белгилер:
тергөө, кармоо, пара берүү, финансы полициясы
Тема боюнча
"Кадастрдын" директору Абдумуктар Маматов коррупцияга шектелип кармалды. Сүрөт
Бука сатып берем деген. Ошто элди 1,5 млн. сомго алдап кеткен адам кармалды
Экс-премьер-министр Кубатбек Боронов. Архив

Кубатбек Боронов коронавируска кабылып, жандандыруу бөлүмүнө түштү

226
(жаңыланган 12:39 03.12.2020)
Маалыматка караганда, ал Республикалык жугуштуу илдеттер ооруканасында дарыланууда. Бейтап коронавируска кабылып, илдети өрчүп кетип невмонияга айланганы айтылып жатат.

БИШКЕК, 3-дек. — Sputnik. Экс-премьер-министр Кубатбек Боронов коронавирус илдетине чалдыгып, жандандыруу бөлүмүнө түштү. Бул тууралуу ишенимдүү маалымат булагы билдирди.

Ага караганда, ал Республикалык жугуштуу илдеттер ооруканасында дарыланууда. Коронавирус илдети өрчүп кетип, пневмонияга айланганы айтылып жатат.

Ошондой эле ал жандандыруу бөлүмүндө, бирок абалы канааттандырарлык экени кошумчаланды.

226
Белгилер:
ден соолук, оорукана, пневмония, коронавирус, Кубатбек Боронов
Тема:
Кыргызстандагы коронавирус жуктуруп алгандар
Тема боюнча
Коронавирус дагы 420 кишиден табылып, 400 бейтап айыкты