Кыргыз тили китеби. Архив

Ай аттарын "көктөм", "чилде" деп кыргызча атоо сунушталууда

396
(жаңыланган 22:41 13.05.2016)
Бишкекте "Кыргыз жылсанагын тактоо" деп аталган республикалык илимий-практикалык конференция өттү.

БИШКЕК, 13-май — Sputnik. Ай аттарын "көктөм", "чилде" деп кыргызча атоону республикалык илимий-практикалык конференцияда КР Эл артисти Түгөлбай Казаков сунуштады. Бул тууралуу Мамлекеттик тил боюнча улуттук комиссия билдирди. 

Эскерте кетсек, 12-майда "Кыргыз жылсанагын тактоо" деп аталган республикалык илимий-практикалык конференция өттү.

Бул илимий конференциянын максаты — кыргыз эли байыртан колдонуп келген жылсанактын илимий, астрономиялык негиздерин жана тиричиликтеги маанисин талкуулап, расмий жылсанакты жана улуттук жылсанакты мыйзамдаштыруу маселесин Жогорку Кеңештин кароосуна сунуштоо.

Мамлекеттик тил боюнча улуттук комиссиянын төрагасы Эгемберди Эрматов учурда бирдиктүү аталышка ээ боло албай, талаш-тартыш, кызуу талкуу жаратып жаткан ай аталыштары боюнча маселелерге чекит коюп, бирдиктүү аталышты кабыл алуу максатка ылайык экенин айтты.

"Баяндамачылардын бири Жусуп Баласагын атындагы Кыргыз улуттук университетинин окутуучусу Абакир Калыбеков 13 айдан турган өзгөчө календардын үлгүсүн көрсөтүп, улуттук илимий мурас катары ЮНЕСКОго сунуштаса болорун айтты", — деп айтылат билдирүүдө.

Конференциянын соңунда кыргыз жылсанагын тактоо боюнча атайын жумушчу топ түзүлүп, иш жигердүү улантыла турган болду.

396
Белгилер:
ай, Мамлекеттик тил боюнча улуттук комиссия, Эгемберди Эрматов
Тема боюнча
Ай Чүрөк, Базакечев, Асель — ката барбы?
Чыңгыз, сегизөө, бойок, Премьер-министр – ката көрүп жатасызбы?
Рейхстагдын байкоо жеринде кишилер. Архив

Германия Кыргызстандын карызын кечет, бирок бир шарты бар 

181
(жаңыланган 00:11 27.01.2021)
Өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия макулдугун берди.

БИШКЕК, 26-янв. — Sputnik. Германия Кыргызстанга 14,9 миллион евро өлчөмүндөгү карызын кечүүгө даяр. Болгону Кыргызстан ал каражатты ипотекалык кредитке жумшашы керек. Бул тууралуу журналисттерге Финансы министрлигинин Мамлекеттик карыздар башкармалыгынын жетекчиси Руслан Татиков билдирди.

Анын айтымында, өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия буга макул болду.

Руководитель Управления государственным долгом при Министерстве финансов Руслан Татиков во время беседы на радио
© Sputnik / Асель Сыдыкова
Финансы министрлигинин Мамлекеттик карыздар башкармалыгынын жетекчиси Руслан Татиков
"Жалгыз Германия карызды жоюу боюнча макулдугун берди. Документке кол коюла элек, бирок сүйлөшүүлөр болду”, — деди Татиков.

Ал кошумчалагандай, бул каражат эми Мамлекеттик ипотекалык компанияга жумшалат деп күтүлүп жатат.

181
Белгилер:
Руслан Татиков, Тышкы карыз, Германия, Кыргызстан
Тема боюнча
Кыргызстан карыз төлөөнүн эң жогорку чегине качан жетет? Расмий жооп
Экс-премьер-министр Мухаммедкалый Абылгазиев. Архив

Экс-премьер-министр Мухаммедкалый Абылгазиев кармалды

330
(жаңыланган 23:31 26.01.2021)
Маалыматка караганда, ал мыйзамсыз жол менен байыган деп шектелип жатат. УКМК Абылгазиевди баш коргоо чарасы каралганга чейин эки суткага СИЗОго камакка алганы айтылууда.

БИШКЕК, 26-янв. — Sputnik. УКМК экс-премьер-министр Мухаммедкалый Абылгазиевди кармады. Бул тууралуу күч органдарынан өздүк булактар билдирди.

Маалыматка караганда, ал мыйзамсыз жол менен байыган деп шектелип жатат. УКМК Абылгазиевди баш коргоо чарасы каралганга чейин эки суткага СИЗОго камакка алганы айтылууда.

330
Белгилер:
айып, кармоо, УКМК, Мухаммедкалый Абылгазиев
Тема боюнча
ИИМдин жетекчисинин мурдагы орун басары Курсан Асанов кармалды
Финполго Алтынай Өмүрбекова менен Аида Исмаилова чакырылганы айтылды