Рейтинг: Ысык-Көл КМШ ичиндеги эң популярдуу эс алуучу жай аталды

© Sputnik / Акылбек БатырбековЫсык-көлдүн жээгинин асмандан көрүнүшү. Архив
Ысык-көлдүн жээгинин асмандан көрүнүшү. Архив - Sputnik Кыргызстан
Жазылуу
Мындай тыянакты акыркы үч жылдын ичинде World Travel Awards сыйлыгына татып, дүйнөдөгү эң мыкты мейманканаларды издөөчү RoomGuru.ru порталы чыгарды.

БИШКЕК, 31-авг. — Sputnik. Ысык-Көл КМШ өлкөлөр арасында россиялыктар үчүн эң популярдуу эс алуучу жай болуп калгандыгы тууралуу RoomGuru.ru порталынан кабарлашты.

RoomGuru.ru (HotelsCombined) — акыркы үч жылдын ичинде World Travel Awards сыйлыгына татып, дүйнөдөгү эң мыкты мейманканаларды аныктоочу портал болуп эсептелет. 

"RoomGuru.ru 2016-жылдын 1-июнунан 31-августуна чейин россиялыктардын КМШ өлкөлөр ичинде издеген жана брондогон мейманканаларынын рейтингин чыгарды. Биринчи бешилтикке Ысык-Көл, Боровое (Казакстан), Нарочь (Белорусия), Лянькарань (Каспий деңизи, Азербайжан) жана Севан (Армения) эс алуучу жайлары кирди", — деп айтылат билдирүүдө. 

Кыргызстанга саякат: келген турист кайда, канчага жана кантип эс алса болот - Sputnik Кыргызстан
Кыргызстанга саякат: келген турист кайда, канчага жана кантип эс алса болот
RoomGuru.ru берген маалыматка караганда россиялыктардын КМШ өлкөлөрүнө болгон сапары 10 пайызга өскөн. Туристтер орто эсеп менен бир суткада 3,6 рубль же 55 доллардан коротушкан. 

Ысык-Көлгө эс алуучулар орточо эсеп менен 10 күнгө келип эс алышкан. Калган жактарда жети күндөн болушкан. 

Ал эми КМШ өлкөлөр арасындагы эң популярдуу шаар катары Минск аталды. Россиялыктар сапар тарткан он шаардын ичине Минск, Алматы, Баку, Астана, Ереван, Киев, Бишкек, Витебск, Кишинев жана Ташкент кирген. 

Бишкек эң арзан шаарлардын катарына кирсе, Астана эң кымбат шаар болуп эсептелди.

Жаңылыктар түрмөгү
0