Ак илбирс. Архив

National Geographic: Кыргызстан илбирстер үчүн баш калка боло алат

225
Бүгүн илбирсти коргоо боюнча эл аралык күн. Жоголуп бара жаткан жаныбардын урматына арналып белгиленген дата 2013-жылы Бишкекте өткөн илбирсти коргоо боюнча Дүйнөлүк форумда кабыл алынган.

БИШКЕК, 23-окт. — Sputnik. Эл аралык илбирс күнүнө карата National Geographic илимий журналы Борбор Азияда сейрек кездешкен жаныбарды коргоо боюнча макала жазды.

Элик. Архив
© Фото / Департамент рационального использования природных ресурсов ГАООСиЛХ
Журналдагы маалыматка караганда Борбор Азиянын тоолуу аймактарын байырлаган илбирстердин саны төрт миң башка кыскарып кеткен. Буга мыйзамсыз аңчылык менен жандыктын терисин соодалоо күчөгөнү себеп болгон.

Мындан тышкары National Geographic басылмасы Biological Conservation журналына шилтеме берүү менен илбирстердин саны 2070-жылга карата үчтөн экиге кыскарып кетүү ыктымалдыгы бар экенин жазды.

"Анткен менен 350 илбирс байырлаган Кыргызстан акырындык менен жаныбарларды сактоо боюнча үлгү болоруна үмүт бар", — деп белгиленет басылмада. 

Ошондой эле National Geographic Кыргызстандын бийлиги илбирсти сактоо боюнча чечкиндүү кадамдарды жасап жатканын жазды. Басылма мисал катары Шамшы аңчылык аймагы илбирстерди коргоочу корукка айланганын билдирген.

Илбирс жоголуп бараткан жаныбарлардын катарын толуктайт. Ага аңчылык кылууга катуу тыюу салынган. Жандык эл аралык Кызыл китеп менен Кыргызстандын Кызыл китебине киргизилген.

225
Белгилер:
Кыргызстан, National Geographic, ак илбирс, коргоо
Тема боюнча
National Geographic: Кыргызстан — ак илбирстин түнөгү
Кызыл китепке кирген жаныбарларды аткандар канча айып төлөйт
Кыргызстандын футбол боюнча олимпиадалык курама командасы (U-23) Бириккен Араб Эмирлигинин командасы менен оюн учурунда

Бали! КР футболчулары БАЭ командасын утуп алды. Голдордун видеосу

90
(жаңыланган 21:36 24.10.2021)
Жеңиш алып келген голду Арлен Шаршенбеков камсыз кылды. Ал согончогу менен тээп, атаандаштын дарбазасына топ киргизди.

БИШКЕК, 24-окт. — Sputnik. Кыргызстандын футбол боюнча олимпиадалык курама командасы (U-23) Азия  кубогу-2022 турнирине тандоонун алкагында Бириккен Араб Эмирлигинин командасын утуп алды.

Континенталдык биринчиликке жол аччу мелдеште улуттук командага алгач Е тайпасынын оюну өтүп жаткан талаа ээси — БАЭ командасы туш болгон. Матч Фуджайра стадионунда өттү.

Биринчи тайм 1:0 эсеби менен атаандаштардын пайдасына аяктады. Бирок экинчи бөлүктүн 73-мүнөтүндө Амир Жапаров айып талаадан гол тээп киргизген. Андан кийин Арлен Шаршенбековдун согончогу менен тээп киргизген тобу командага жеңиш алып келди.

Эскерте кетсек, Кыргызстан чүчү кулактын натыйжасында Е тайпасына түшкөн, эми КР футболчулары Индия жана Оман командалары менен кез келет.

Жаштар континенталдык биринчилигинин финалдык бөлүгүнө 11 команда — өз тайпаларынын жеңүүчүлөрү жана экинчи орун алган мыкты төрт команда чыгат.

Азия кубогу Өзбекстанда өтөт.

90
Белгилер:
футбол, Кыргызстан, Бириккен Араб Эмирлиги, мелдеш, гол, жеңиш
Тема боюнча
Жаалданган күйөрмандар. Футбол талаасынан тартылган видео
Парктагы кишилер. Архив

Дүйшөмбүгө карата аба ырайы

15
25-октябрга караган түнү республиканын аймагында жаан-чачын жаабайт. Түштүк-чыгыштан соккон шамалдын ылдамдыгы секундасына 3-8 метрге жетет.

БИШКЕК, 24-окт. — Sputnik. Дүйшөмбүдө күндүз өлкө аймагында күн ачык болот. Бул тууралуу Кыргызгидромет маалымдады.

Абанын температурасы Чүй, Талас жергесинде +12...+17, Ош, Жалал-Абад, Баткен облустарында +15...+20, Ысык-Көл чөлкөмүндө +10...+15, ал эми Нарын аймагында +7...+12 градус болору айтылды.

Термометрдин көрсөткүчү Бишкекте +15...+17, Ош калаасында +17...+19 градуска жетет.

15
Белгилер:
октябрь, Кыргызстан, аба ырайы
Тема боюнча
Кар жаайбы? Бир жумага карата аба ырайы