Өкмөт 92 өлкө үчүн беш күндүн ичинде каттоодон өтүү талабын жойду

© Sputnik / Табылды КадырбековАэропортто конокторду тосуу. Архив
Аэропортто конокторду тосуу. Архив - Sputnik Кыргызстан
Жазылуу
Токтомго ылайык Кыргызстандын аймагында кайсы өлкөнүн жарандары канча убакыт жүрө алары аныкталды.

БИШКЕК, 19-дек. — Sputnik. Премьер-министр Сооронбай Жээнбеков "Чет өлкөлүк жана жарандыгы жок адамдардын Кыргызстандын аймагында каттоодон өтүү маселеси тууралуу" токтомго кол койду. Бул тууралуу өкмөттүн маалымат кызматы билдирди. 

Эске салсак, 2016-жылы 5-октябрда Жогорку Кеңеш "Тышкы миграция жөнүндө" мыйзамга өзгөртүүлөрдү киргизүүнү кабыл алган. Бул толуктоо Жогорку Кеңештин депутаттары Алмазбек Баатырбеков, Абдывахап Нурбаев, Искендер Матраимов тарабынан демилгеленген. Анда Кыргызстанга беш күндөн көп мөөнөткө келген чет элдик жарандардын каттоого туруусу милдеттендирилген. 

Лыжная база ЗИЛ - Sputnik Кыргызстан
Туроператорлор: казак туристтери каттоого туруу талабынан улам КРге келбей калышты
Толукталган мыйзамга ылайык тышкы миграция тармагында ыкчам аракеттерди кабыл алуу үчүн өкмөттүн укуктары кеңейтилген.

Аталган токтомго ылайык Кыргызстандын аймагында кайсы өлкөнүн жарандары канча убакыт жүрө алары аныкталды. 

Маалыматка караганда, токтом КРдин "Тышкы миграция тууралуу" мыйзамына өзгөртүү киргизүү" мыйзамы менен өкмөттүн чечимин төп келиштирүү жана чет өлкөлүк жарандардын Кыргызстандын аймагында жүрүүсүн иретке келтирүү максатында кабыл алынды. 

Документке ылайык 92 мамлекеттин жарандары 5 күндүк каттоодон өтүү талабынан бошотулат.

Жаңылыктар түрмөгү
0