Суунун боюнда бараткан аял. Архивдик сүрөт

Статком: элдин 60%ы ажырашуу аял үчүн уят деп эсептейт

242
(жаңыланган 15:15 12.01.2017)
Мындай пикирди негизинен 21-30 жаштагы адамдар билдирген. Ал эми 70тен ашкандар буга көп кошулбайт.

БИШКЕК, 12-янв. — Sputnik. Беш кыргызстандыктын үчөө ажырашуу аялдар үчүн уят нерсе деп эсептей турганы Улуттук статистикалык комитеттин отчетунда айтылат. 

Маалыматка ылайык, мындай пикирди көбүнесе Жалал-Абаддын тургундары билдиришкен (сурамжылангандардын 95 пайызы), ал эми борбор калаадагы төрт кишинин бири гана түгөйлөрдүн эки ача жолго түшкөнү аял үчүн уят деп эсептей турганы анык болду.

Статкомдун отчетунда негизинен бул пикирди 21-30 жаштагы адамдар айтканы, ал эми 70 жаштан ашкандар буга көп кошулбай турганы келтирилет. Статистика көрсөткөндөй, аялды ажырашканы үчүн уяткаргандар негизинен билими төмөн, материалдык жактан жетишпеген турмушта жашагандар болуп эсептелет.

Баса, Кыргызстанда үй-бүлөсүн сактай албаган эркектерге да көз караш анча жакшы эмес. Аларды уяткаргандар сурамжылоого катышкандардын 53 пайызын түзгөн.

242
Белгилер:
уят, ажырашуу, статистика
Тема боюнча
Мамлекеттик кызматта аялдардын саны эркектерге караганда алда канча аз. Статистика
Статком: Кыргызстанда 1000 аялга 981 эркек туура келет
Никеге турган кыз-келиндер тууралуу жети факты