Кыргызстанда жасалма дары жасагандарга жаза күчөтүлөт

Жазылуу
Саламаттык сактоо министрлиги реформа үчүн бир нече мыйзам долбоор иштеп чыккан. Азыр бул демилге Жогорку Кеңештин комитетинде талкууга коюлуп, андан соң бул сунушту парламент биринчи окууда карайт.

БИШКЕК, 13-мар. — Sputnik. Кыргызстандын саламаттык сактоо системасын реформалоо үчүн бир нече мыйзам долбоору иштелип чыкты. Бул тууралуу Sputnik Кыргызстан агенттигинин мультимедиалык борборунда өткөн маалымат жыйында дары-дармек боюнча мыйзам долбоорун иштеп чыгуу боюнча эксперттер тобунун жетекчиси Сүйүнбек Сырдыбаев билдирди.

© Sputnik / Табылды КадырбековДары-дармек боюнча мыйзам долбоорун иштеп чыгуу боюнча эксперттер тобунун жетекчиси Сүйүнбек Сырдыбаев
Руководитель экспертной группы по разработке законодательства по лекарственным средствам Суюнбек Сырдыбаев - Sputnik Кыргызстан
Дары-дармек боюнча мыйзам долбоорун иштеп чыгуу боюнча эксперттер тобунун жетекчиси Сүйүнбек Сырдыбаев

Анын айтымында, реформа жүргүнүү үчүн ведомство аралык топ түзүлгөн.

Министр здравоохранения КР Батыралиев Талантбек - Sputnik Кыргызстан
Батыралиев: медицина тармагынын тамтыгы чыккан, аны дароо жакшырта албайбыз
"Башында биз бир мыйзам долбоорун өзгөртүүгө аракет кылдык, бирок кийинчерээк ар түрдүү кодекс жана мыйзамдарга өзгөртүү киргизип, эки мыйзам долбоорун иштеп чыгуу керек болду. Ошондуктан мыйзам долбоорлордун пакетин иштеп чыгуу чечими чыгарылды", — деди Сырдыбаев.

Ал ошондой эле Саламаттык сактоо министрлиги дары-дармектердин баасын көзөмөлдөп турууга аракет кылып жатканын кошумчалады.

"Административдик жана Кылмыш кодексине биз жасалма дары-дармек жасагандарга жана башка ушул сыяктуу кылмыш иштерин тиешеси бар адамдарды жазага тартуу боюнча өзгөртүүлөрдү сунуштайбыз", — деп билдирди адис.

Азыр бул демилге Жогорку Кеңештин комитетинде талкуудан өтүп жатат. Андан соң ал парламенттин биринчи окуусунда каралат.

Жаңылыктар түрмөгү
0