Учак Манас аэропортунда. Архивдик сүрөт

Европа Кыргызстандын авиакомпаниялары үчүн эшигин жапты. ЕБдин кара тизмеси

1030
(жаңыланган 23:05 20.03.2017)
Кыргызстан КМШ өлкөлөрүнүн ичинен учактары Европанын аба майданында каттоого тыюу салынган жалгыз өлкө.

БИШКЕК, 20-мар. — Sputnik. Европа комиссиясынын сайтына жаңыртылган "кара тизме" чыгарылды. Анда Европа биримдигине мүчө болгон бардык өлкөлөрдүн аба майданы аркылуу учууга тыюу салынган компаниялардын тизмеси жарыяланган. Кыргызстандык авиакомпаниялар бул тизмеге кайрадан кирип калды.

"Кара тизме" катарында Кыргызстанда катталган 13 авиакомпания турат:

  • Air Bishkek;
  • Air Manas;
  • Avia Traffic Company;
  • Central Asian Aviation Services (CAAS);
  • Heli Sky;
  • Air Kyrgyzstan;
  • Manas Airways;
  • S Group International;
  • Sky Bishkek;
  • Sky Kg Airlines;
  • Sky Way Air;
  • Tez Jet;
  • Valor Air.

"Кара тизмеге" жалпысынан 193 фирма кирген. Алардын катарында Кыргызстан, Афганистан, Ангола, Бенина, Конго, Жибути, Габона, Индонезия, Ливия, Мозамбика, Непал жана Судан бар.

1030
Белгилер:
учак, авиакомпания, кара тизме, Европа
Тема боюнча
"Манас" аба майданындагы аэродромуна видео көзөмөл коюу буйругу берилди
Рейхстагдын байкоо жеринде кишилер. Архив

Германия Кыргызстандын карызын кечет, бирок бир шарты бар 

129
(жаңыланган 00:11 27.01.2021)
Өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия макулдугун берди.

БИШКЕК, 26-янв. — Sputnik. Германия Кыргызстанга 14,9 миллион евро өлчөмүндөгү карызын кечүүгө даяр. Болгону Кыргызстан ал каражатты ипотекалык кредитке жумшашы керек. Бул тууралуу журналисттерге Финансы министрлигинин Мамлекеттик карыздар башкармалыгынын жетекчиси Руслан Татиков билдирди.

Анын айтымында, өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия буга макул болду.

Руководитель Управления государственным долгом при Министерстве финансов Руслан Татиков во время беседы на радио
© Sputnik / Асель Сыдыкова
Финансы министрлигинин Мамлекеттик карыздар башкармалыгынын жетекчиси Руслан Татиков
"Жалгыз Германия карызды жоюу боюнча макулдугун берди. Документке кол коюла элек, бирок сүйлөшүүлөр болду”, — деди Татиков.

Ал кошумчалагандай, бул каражат эми Мамлекеттик ипотекалык компанияга жумшалат деп күтүлүп жатат.

129
Белгилер:
Руслан Татиков, Тышкы карыз, Германия, Кыргызстан
Тема боюнча
Кыргызстан карыз төлөөнүн эң жогорку чегине качан жетет? Расмий жооп
Экс-премьер-министр Мухаммедкалый Абылгазиев. Архив

Экс-премьер-министр Мухаммедкалый Абылгазиев кармалды

277
(жаңыланган 23:31 26.01.2021)
Маалыматка караганда, ал мыйзамсыз жол менен байыган деп шектелип жатат. УКМК Абылгазиевди баш коргоо чарасы каралганга чейин эки суткага СИЗОго камакка алганы айтылууда.

БИШКЕК, 26-янв. — Sputnik. УКМК экс-премьер-министр Мухаммедкалый Абылгазиевди кармады. Бул тууралуу күч органдарынан өздүк булактар билдирди.

Маалыматка караганда, ал мыйзамсыз жол менен байыган деп шектелип жатат. УКМК Абылгазиевди баш коргоо чарасы каралганга чейин эки суткага СИЗОго камакка алганы айтылууда.

277
Белгилер:
айып, кармоо, УКМК, Мухаммедкалый Абылгазиев
Тема боюнча
ИИМдин жетекчисинин мурдагы орун басары Курсан Асанов кармалды
Финполго Алтынай Өмүрбекова менен Аида Исмаилова чакырылганы айтылды