Патрулдук кызматкеринин светофорду оңдоо иштери. Архивдик сүрөт

Активисттер жол кырсыктарына бөгөт кое турган 5 талап жарыялады

796
(жаңыланган 17:01 24.04.2017)
Өткөн жумада Бишкекте эки окуучуну унаа коюп кеткен окуя коомчулукту бир топ дүрбөттү. Жарандык активисттер бийлик өкүлдөрүнө петиция менен кайрылышты. Анда жол кырсыктарын азайтууга багытталган бир нече сунуштар камтылган.

БИШКЕК, 24-апр. — Sputnik. Президенттин, премьер-министрдин, Жогорку сот төрайымынын, Жогорку Кеңештин спикери менен фракция лидерлеринин атына жол кырсыктарын алдын алуу боюнча петиция change.org порталында жарыяланды.

Активисттер өткөн апта соңунда Бишкекте окуучулар кабылган жол кырсыгы катталганын, анда балдарды эки тарапка чачырата сүзүп кетүүгө шектелген айдоочу кырсык болгон жерден качып кеткенин айтышкан. Акыры ал кармалып, эки жыл мурун дагы адамды сүзүп, өлтүрүп алганы маалым болгон.

"Эмне себептен бул адам жазасын албай, эркиндикте жүргөн? Эмнеге биз балдарыбыз менен жакындарыбыздын коопсузудугу үчүн ар дайым коркуп жүрүшүбүз керек? Өткөн жыл ичинде эле 128 бала жол кырсыктан каза болуптур. Ошондо 10 жыл ичинде миңден ашабы?! Жол кырсыктын айынан жабыркаган балдардын саны бир жыл ичинде 10 пайызга көбөйдү! Жыл сайын 1000-1200 кыргызстандык жолдон ажал таап жатат. Элди согуштагыдай жоготуп жатабыз, бийлик эч үн катпай койду", — деп айтылат кайрылууда.

Активисттер алты айдын ичинде аткарылууга тийиш болгон төмөнкүдөй талаптарды койду:

1. "Коопсуз шаар" долбоорун ишке киргизүү.

Муну менен катар Бишкек менен Оштун көчөлөрүнө видеокамераларды орнотуу. Алты айдын ичиндеалар толугу менен ишке кирүүсү зарыл. Бул эреже бузгандарды айыпка жыгып, айдоочуларды мыйзамга баш ийдирүүгө шарт түзөт.

2. Коомчулукка кызмат кылган Кайгуул милициясын ишке киргизүү

Биринчи айдын акырына чейин коомчулукка ИИМде олуттуу реформа жүргүзүлөрүн жарыялоо. Кайгуул милициясынын бардык кызматкерлерин штаттан чыгарып, сынактын негизинде жаңы Кайгуул милициясын түзүү. Алтынчы айга чейин толугу менен жаңыланган Кайгуул милициясын ишке киргизүү. Алар мыйзамды билген, машыккан адис жана сылык болуусу шарт.

3. Айдоочулук күбөлүктү татыктууларга берүү

Биринчи айдын ичинде айдоочулук күбөлүктөрдү берүүгө мамлекеттик жана коомдук көзөмөл жүргүзүү. Жол эрежелерин белгилүү бир өлчөмдө бузган айдоочулар экзамен тапшырып, кайрадан айдоочулук күбөлүк алуусу керек.

4. Соттордун коррупциялык чечимдерин жеке көзөмөлгө алуу

Бишкекте эл ташыган маршрутка менен Honda Stepwgn унаасы кагышкан
© фото очевидца, отправленное по Whats App-каналу
Бир айдын акырына чейин Жогорку соттун төрайымы адам өлүмү менен коштолгон жол кырсыктарын өзүнүн жеке көзөмөлүнө алуусу керек. Мындан ары бардыгы ачык-айкын болушу керек, чечимдер ЖМК аркылуу жарыяланып туруусу шарт. Соттогу коррупциялык система жазасыз калып жаткан айдоочуларга бирден бир себеп. Мындай кырдаалды өзгөртүүгө Жогорку соттун жетекчисин активдүү киришүүсүн талап кылабыз.

5. Чиновниктердин жоопкерчилигин күчөтүү

Биз ички иштер министри менен күч түзүмдөр тармагын караган вице-премьердин отставкага кетүү талабын күчүндө калтырабыз.

Калаадагы жол кырсыгы көп катталган көчөлөрдү, борбордо кайсы жол кырсыгынын түрү көп болуп жатканын жана алар кайсы маалга туш келерин Sputnik Кыргызстан материалынан көрүңүздөр>>

796
Белгилер:
жол кырсык, суроо-талап, петиция
Тема:
Кыргызстанда 2017-жылдын башынан берки жол кырсыктары (512)
Тема боюнча
Кайгуул милициясы: Ошто жүргүнчү ташуучу унаалар кабылган кырсык 150 пайызга өскөн
Окуучуларды койдуруп кетүүгө шектелген айдоочу эмнеге качып кеткенин айтып берди
Милиция: бүгүн чак түштө эки окуучуну койдуруп кетти делген айдоочу кармалды
Экс-премьер-министр Кубатбек Боронов. Архив

Бороновдун жардамчысы: экс-премьер реанимацияда эмес

8
(жаңыланган 13:54 03.12.2020)
Буга чейин саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан.

БИШКЕК, 3-дек. — Sputnik. Экс-премьер-министр Кубатбек Боронов коронавирустан дарыланып, реанимацияда эмес кадимки палатада жатат. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Буга чейин саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан.

Турдумамбетовдун айтымында, Бороновго коронавирус деген диагноз коюлган. Ал эми анын пневмонияга кабылганы туурасында маалыматы жок экенин белгиледи.

Экс-премьер учурда стационарда, абалы туруктуу.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

8
Белгилер:
реанимация, оорукана, пневмония, коронавирус, Кубатбек Боронов
Тема боюнча
Чүй менен Бишкекте азайбай койду. Коронавирус боюнча соңку маалымат
Айыл чарба, тамак-аш өнөр жайы жана мелиорация министри Тилек Токтогазиев. Архив

Депутат министр Токтогазиевдин бет капчан мал базар кыдырганын сынга алды

27
(жаңыланган 13:50 03.12.2020)
Парламенттин жыйынында тирүү малдын сатылышына коюлган чектөөгө бир нече депутат каршылыгын билдирди.

БИШКЕК, 3-дек. — Sputnik. Жогорку Кеңештин депутаты Бейшеналы Нурдинов айыл чарба, тамак-аш өнөр жайы жана мелиорация министри Тилек Токтогазиевдин ишин сынга алды.

Ал тирүү малды үчүнчү өлкөгө чыгарууга тыюу салынышына каршы экенин билдирип, министрге суроо узатты. Төмөндө экөөнүн диалогу сунушталат.

— Мал базарга бет кап тагынып жашынып бардым деп айтыпсыз, ошол туурабы?

— Баасын билиш керек да...

— Андай туура эмес. Андан көрө "мен баратам" деп айтып коюп, чыкыйып костюм-шым кийип алып, эл менен жолугуп кел. Ат-Башыга барып келчи, эмне деген сөз угат экенсиң.

— Жок, андан кийин бет капты чечип барып дагы эл менен сүйлөштүм.

— Чечпей эле бар түз эле.

Токтогазиев жылмайып гана тим болду.

Ал эми Нурдинов эгер депутаттардын укугуна кирсе, ушул тыюу салган мыйзамды добуш берүү менен жокко чыгарып салууну сунуштады.

Вице-спикер Мирлан Бакиров ал мыйзам эмес токтом экенин айтып, бул боюнча өкмөткө сунуш берсе болорун түшүндүрдү.

Жыйында тирүү малдын сатылышына коюлган чектөөгө башка дагы бир нече депутат каршылыгын билдирди.

Токтогазиев аларга жооп берип жатып этти экспорттосо болорун белгилеп, азыр аны сөгүп жаткандар бир жылдан кийин рахмат айтып келерин билдирди.

27
Белгилер:
мал, чектөө, Тилек Токтогазиев
Тема боюнча
Мал арзандады. Өлкөнүн ири базарларындагы баага саресеп