Жалал-Абад облусунун Базар-Коргон районунун тургундары ысык күндөн сактануу үчүн Кайырма суу сактагычына түшүп жатышат

Жалал-Абаддыктар коопсуздук чаралары сакталбаган суу сактагычка түшүүдө

95
Кайырма суу сактагычы сууга түшүүгө эмес, балык чарбага жана суу топтоого ылайыкташкан.

БИШКЕК, 10-июл. — Sputnik. Жалал-Абад облусунун Базар-Коргон районунун тургундары ысык күндөн сактануу үчүн Кайырма суу сактагычына түшүп жатышканын Sputnik Кыргызстан агенттигине аймактык кабарчы билдирди.

"Жергиликтүү эл акыркы эки күндөгү ысыкта үйдө отуруу татаал болуп калганынан суу сактагычка келип жатышканын айтат. Бул жерде маселе — Кайырма суу сактагычы сууга түшүүгө эмес, балык чарбага жана суу топтоого ылайыкташкан. Бирок жыл сайын күн ысыган маалда сууга түшкөндөрдүн аягы суюлбайт", — деп аймактык кабарчы жергиликтүү бийликке шилтеме берип маалымдады.

Куткаруучулар жок болгондуктан, бул жерде сууга түшүү кооптуу экенин жергиликтүү бийлик дагы айтып келет.

Кыргызгидрометтин маалыматына караганда, 9-июль күнү республиканын түштүк аймагында, анын ичинде Жалал-Абад облусунда күндүн ысыгы 37…42 градус болоору айтылган.

95
Белгилер:
коопсуздук, ысык, көлмө, Жалал-Абад
Тема боюнча
Чар-жайыт ыргытылган таштанды Ысык-Көлдү желим баштыкка "ороду"
Кечээ сууга чөгүп кеткен эки кишини куткаруучулар таппай жатышат
Чоң Чүй каналына 50 жаштагы киши чөгүп кетти
Саргарган дарактар. Архив

Бейшембиге карата аба ырайы

22
Бейшембиге караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрден айрым райондордо 15-20 метрге жетет.

БИШКЕК, 21-окт. — Sputnik. Бейшемби күнү, 22-октябрда, күндүз Чүй, Талас, Жалал-Абад облустарынын кээ бир райондорунда жаан, тоо этектеринде жамгыр, тоолуу жерлеринде кар жаайт. Өрөөндөрдө жаан-чачын күтүлбөйт. Бул тууралуу Кыргызгидромет билдирди.

Абанын температурасы Чүй менен Таласта +12...+17, Ош, Жалал-Абад облустарында +18...+23, Баткенде +17...+22, ал эми Ысык-Көл, Нарын жергесинде +11...+16 градус болот.

Бишкекте күндүн экинчи жарымында бир аз жаан жааса, ал эми Ошто күн ачык болот. Абанын температурасы борборубузда +15...+17, Ошто +21...+23 градуска көтөрүлөт.

22
Белгилер:
Кыргызстан, аба ырайы
Тема боюнча
Шашылыш билдирүү! Жакынкы күндөрү аба ырайы кескин өзгөрөт
Айыл чарба, тамак-аш, өнөр жайы жана мелиорация министрлигине талапкер Тилек Токтогазиев. Архив

ЖК депутаттары Тилек Токтогазиевди айыл чарба министри кылып бекитти

470
(жаңыланган 19:26 21.10.2020)
Токтогазиевдин талапкерлиги бул кызматка былтыр дагы көрсөтүлүп, коомчулуктан колдоо тапкан. Бирок анда өкмөт сунушту четке кагып койгон.

БИШКЕК, 21-окт. — Sputnik. Парламент айыл чарба, тамак-аш өнөр жайы жана мелиорация министри кызматына Тилек Токтогазиевдин талапкерлигин жактырды.

Анын талапкерлигин кароо учурунда кээ бир эл өкүлдөрү буга чейин мамлекеттик кызматта иштебегенин сынга алышты. Бирок башкалары анын менеджерлик сапатын белгилеп, жаштыгына жана дилгирлигине маани беришти.

Токтогазиев суроолорго жооп берип жатып аны министрлик кызматка премьер-министр Садыр Жапаров өзү чакырганын айтты.

Натыйжада анын талапкерлигин депутаттардын баары бир добуштан колдоп беришти.

Тилек Токтогазиев 30 жашта. Парламенттик шайлоодо "Ата Мекен" партиясынын тизмеси менен жарышка аттанган. Шайлоодон кийинки башалмандык учурунда "Ала-Тоо" аянтында башына таш тийип, ооруканага түшкөн.

Аялы үчүн бай болуп, журналистти коркутуп... Тилек Токтогазиев тууралуу 9 факты

Мурдагы министр Эркинбек Чодуев бүгүн, 21-октябрда, өз арызын жазып кызматтан кеткен. Ал өлкөнүн айыл чарба тармагын 2019-жылдын май айынан бери жетектеп келген.

Андан мурунку министр Нурбек Мурашев кызматтан алынгандан кийин да бул кызматка Тилек Токтогазиев өз талапкерлигин көрсөтүп, реформа жүргүзүү убадасы менен коомчулуктан колдоо тапкан. Жаш талапкерди "Бир Бол" фракциясы да колдоп, өкмөт башчыга сунуштаган болчу. Бирок өкмөт тажрыйбасы жетишсиз деп сунушту четке кагып, Чодуевди алып келген. Эми минтип кайра Токтогазиев дайындалууда.

470
Белгилер:
дайындоо, Айыл чарба жана мелиорация министрлиги, Тилек Токтогазиев
Тема боюнча
Парламент Курманкул Зулушевди башкы прокурор кылып бекитти
Пирназаров "Унаа" ишканасынын башчылыгынан кетип, ордун Түмөнбаев ээледи