Куруучу. Архив

Кыргызстанга зарыл, бирок жок кесиптер. Кайсы тармак эмнеден аксайт?

2929
(жаңыланган 10:15 30.09.2017)
Дүйнөдө илим, техника ылдамдык менен өнүгүп жатканда өлкөдө катардагы эле адистер тартыш, айрымдары такыр табылбайт. Буга байланыштуу Sputnik Кыргызстан ар кыл тармактар муктаж болгон кесип ээлерин тактап көрдү.

Маалымат ар бир министрлик менен мекемелердин өзүнөн алынды.

Саламаттык сактоо. Медицинада бир топ кадрлар жетишпейт. Бул маселе аймактарда гана эмес, борбор калаада да бар. Алсак, үй-бүлөлүк дарыгер, анестезиолог, психолог, соттук-медициналык эксперт, остеопатолог, профтолог, клиникалык фармакологдор тартыш. Андан сырткары, мамлекеттик ооруканаларда трихолог (чач, тери боюнча дарыгер) жок, алар аз санда айрым гана жеке менчик медициналык борборлордо эмгектенет.

Өзгөчө кырдаалдар. Кырсык болгон аймакта иштеген атайын психологдор жок, алар жада калса штатта каралган эмес. Ошондой эле аскер дарыгерлери, радиохимиялык коопсуздук боюнча кесипкөй адистерге муктаждык күч. Ошондуктан айрым мамлекеттик органдар эл аралык уюмдардын жардамы менен радиация менен иштеген жумушчуларын чет өлкөгө кесибин жогорулатууга жиберүүдө.

Маданият. Өлкөнүн аталган чөйрөсүндө бир топ кесипкөй адистер жетишпейт. Алсак, маданий иш-чаралардын чыгымы менен кирешесин эсептей алган экономист, автордук укук менен алектенген атайын юристтер жок. Анысы аз келгенсип арфа аспабында ойногон музыкант, жогорку билимдүү каскадёр, жарык берүүчү жана гримёрлор табылбайт.

Спорт. Ата мекендик спортко илимий мамиле жасалбайт. Мунун бирден бир себеби — өлкөдө спорт жаатында илимий кадрлар жок. Мисалга, спорттук диетолог, психолог жана антидопинг боюнча кадрларды издеп табуу өтө кыйын. Ага миңдеген спортчуга бир эле спорттук дарыгердин бар экени далил. Андан сырткары, жада калса спорттун айрым түрлөрү боюнча машыктыруучулар дагы жок.

Айыл чарба. Өлкөнүн негизги тармагында бүгүнкү күндө агроном, зоотехник, селекционер аз санда. Тамчылатып сугаруу, күнөскана боюнча кесипкөй жумушчуларга муктаж.

Геология. Кен байлыктарга бай Кыргызстанда геммологдор жокко эсе. Бул кесиптин ээлери балуу таштардын курамын, өзгөчөлүгүн аныктайт. Азыр өлкөдө совет мезгилинде тарбияланган бири-эки гана геммолог бар. Ал эми минералдарды изилдеген минералогдор аталган тармакта аз гана санда иштейт.

Курулуш. Маркшейдер (жер алдындагы курулушта изилдөө иштерин жүргүзөт), топографтар тартыш жана электр долбоорлоочулар жокко эсе. Мисалга, Транспорт жана жолдор министрлиги узак убакыттан бери аталган кесипти аркалаган жумушчуларды таппай келет. Алар ири курулуштарда электр чубалгыларын өткөзүү, жайгаштырууну долбоорлойт.

Авиация. Кыргызстанда аэпорттордун учуп-конуу тилкесин долбоорлогон жана оңдогон адистер жок. Себеби, өлкөдө совет маалында билим алган саналуу гана кадрлар бар, алар дагы пенсия курагында. Ал эми жаштар арасында бул кесипти аркалагандарды табуу кыйын.

Байланыш. Өлкөдө IT технологиялар боюнча юрист (маалыматтык технологиялар жаатындагы укук менен алектенет), кибер коопсуздук менен алектенген адистер, бизнес аналитиктер аз. Мисалга Кыргызстан боюнча 4-5 гана криптограф бар. Алар өздүк маалыматтарды коргоо, чечмелөө менен алектенет.

2929
Белгилер:
кесип, кадрлар, адистик, Кыргызстан
Тема боюнча
Айлыгым 30 миң сом! Кесиптик окуу жайды аяктагандар кантип жумуш таап жатат?
Кыргызстанда баркы кетип бара жаткан кесиптер. Рейтинг
Эгин талаа. Архив

Жумага карата аба ырайы

4
(жаңыланган 21:03 13.08.2020)
Синоптиктер 14-августта түнкүсүн өлкөнүн кээ бир райондорунда өткүн өтүп, күн күркүрөшү күтүлөрүн маалымдашты.

БИШКЕК, 13-авг. — Sputnik. Жума күнү, 14-августта, күндүз республиканын тоолуу райондорунда өткүн өтүп, күн күркүрөйт, дыйканчылык аймактарында күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

Абанын температурасы Чүйдө +27...+32, Талас аймагында +26...+31, Ош, Жалал-Абад, Баткен облустарында +29...+34, Ысык-Көл жана Нарын жергесинде +20...+25 градус болору айтылды.

Күндүн табы Бишкекте +29...+31, Ош калаасында +32...+34 градуска чейин жетсе, Чолпон-Атада термометрдин көрсөткүчү +22...+24 градуска көтөрүлөт.

4
Белгилер:
Кыргызстан, аба ырайы
Тема боюнча
Шашылыш билдирүү! Бүгүн, эртең тоолуу аймактарда сел жүрөт
Кыргызстандын жаранынын паспорту жана акча. Архив

Кыргызстанда ID-картанын баасы кымбаттайт. Себеби

171
2017-жылдан бери Мамкаттоо кызматы жарандарга атайын чип орнотулган паспорт берип келет. Чипте жарандын фамилиясы, аты, атасынын аты, жеке номери, туулган жылы, дареги, үй-бүлөлүк абалы, улуту, сүрөтү жана электрондук кол тамгасы камтылган.

БИШКЕК, 13-авг. — Sputnik. Ушул жылдын 17-августунан тарта 2017-жылкы үлгүдөгү ID-картанын баасы кымбаттайт. Бул тууралуу Мамлекеттик каттоо кызматынан билдиришти.

Баанын жогорулашына акысыз бланктардын чыгарылбай калганы себеп болду.

Белгилей кетсек, 2017-жылдан бери Мамлекетти каттоо кызматы жарандарга атайын чип орнотулган паспорт берип келет. Чипте жарандын фамилиясы, аты, атасынын аты, жеке номери, туулган жылы, дареги, үй-бүлөлүк абалы, улуту, сүрөтү жана электрондук кол тамгасы камтылган.

"Буга чейин Кореянын Эл аралык кызматташтык агенттиги (KOICA) грант иретинде 1,9 миллион даана бланк берген. Келишим боюнча келерки бланктарды акы төлөп алышыбыз керек. Бир бланктын баасы 206 сом", — деп айтылат билдирүүдө.

Калкты тейлөө борборуна эми телефон аркылуу кезекке туруп коюуга болот

Мындан улам алгачкы жолу паспорт алып жаткан жаран 470 сом (206 сом бланк, 241 сом персонификациялоо, 23 сом банк кызматтарына) төлөшү керек. Ал эми биринчи жолу шашылыш түрдө алып жаткандар 1260 сом (206 сом бланк, 516 сом персонификациялоо, 518 шашылыш түрдө документ даярдоо, 20 сом банк кыматтарына) бериши зарыл. Бул документ 8 күн ичинде даярдалат.

171
Белгилер:
баа, паспорт, Кыргызстан
Тема боюнча
Жоголгон айдоочулук күбөлүк менен номерди кайра алуунун шарттары өзгөрдү