Кыргызстандын желеги. Архивдик сурөт

Кыргызстандын жашоосун өзгөрткөн жети ишкер. Өлкө силер менен сыймыктанат!

2727
(жаңыланган 09:05 19.10.2017)
Булардын ар бири кыргызстандыктардын турмушун каныктырган, жакшырткан, кызыгын арттырган!

БИШКЕК, 17-окт. — Sputnik. Кечээ, 16-октябрда, дүйнө жүзү Жетекчилердин эл аралык күнүн белгиледи. Мындан улам Sputnik Кыргызстандын кабарчысы Асел Абдашинова Кыргызстанды өзгөрткөн жети ишкер туурасында жазды. 

Президент ассоциации Дордой, экс-мэр Бишкека Аскар Салымбеков. Архивное фото
© Фото / Александр Федоров
Президент ассоциации "Дордой" Аскар Салымбеков

1. Аскар Салымбеков — Борбордук Азиядагы эң ири "Дордой" соода-базар комплексинин негиздөөчүсү. 1991-жылы өз командасы менен Одессадагы "Привоз" сымал базар курууну чечкен.

"Дордой" башта 2-3 гектар аянтты ээлечү, бүгүнкү күндө кулачы 50 эсе көп аянтка жайылган. Базар өлкөнүн өнүгүшүнө өз салык жана социалдык төлөмдөрү менен олуттуу салым кошуп келет, ошондой эле 200 миң жумушчу ордун түзгөн. Аны менен бирге эле Аскар Салымбеков "Дордой" ассоциациясынын президенти болуп саналат. Негизги ишмердиктеринен сырткары, бул уюм балдар үйлөрүн, жакыр жашаган үй-бүлөлөрдүн балдарын, ден соолугунан мүмкүнчүлүгү чектелген адамдар жана башкаларга кам көрүп кайрымдуулук менен алектенет. 

Табылды Эгембердиев
© Sputnik / Актан Темирканов
Табылды Эгембердиев

2. Табылды Эгембердиев — улуттук суусундук жана арашан сууларын өндүргөн ири "Шоро" компаниясынын түптөөчүсү. 1992-жылы Табылды Бердигулович үй-бүлөсү менен бирге өз энесинин ыкмасы менен улуттук суусундуктарды жана арашан сууларын өндүргөн ишкана ачат. Негиздөөчүсү арабыздан узаганынан бери эки жыл өттү, ал эми ал баштап кеткен ишкана ишин улантууда.

Эгембердиев өлкөдө туризмди өнүктүрүү менен да кызуу алектенген, 2009-жылы "Супара", кийин "Супара-Чуңкурчак" комплекстерин курган. Бул эс алуучу жайларга табияттын койнунда улуттук колорит менен ырахаттануу үчүн көп туристтер келет. 

Предприниматель, первый председатель политической партии Замандаш Мухтарбек Омуракунов
© Фото / Ассоциация "Замандаш"
Предприниматель, первый председатель политической партии "Замандаш" Мухтарбек Омуракунов

3. Мухтарбек Өмүракунов — "Биек-Карго" кыргыз-россиялык ишканасынын башкы директору, саясатчы, "Замандаш" саясый партиясынын алгачкы төрагасы болгон. 2001-жылы ишкер "Биек-Карго" логистикалык ишканасынын башкы директорлугун аркалайт. Маркум ишкер түптөгөн ал ишкана Казакстан жана Россиянын бир канча шаарларына тек гана кыргыз өндүрүшүндөгү текстилдик өндүрүмдөрдү жөнөтүп турган. 

4. Эмил Үмөталиев — "Kyrgyz Concept" ишканасынын түзүүчүсү. 27 жыл мурун Үмөталиев азыркы тапта Кыргызстандагы эң мыкты туркомпаниялардын бирине айланган компанияны ачкан. "Kyrgyz Concept" кызматкерлери биринчилерден болуп студент жана окуучуларды чет өлкөгө окуу саякаттарына жибере баштаган. Ишкана Нарын облусундагы мүмкүнчүлүгү чектелген аялдар жана эркектер коомдук бирикмесине көмөктөшүп кайрымдуулук менен да алек.

Табылды Эгембердиев в фотографиях: планов много, но боюсь не успеть
© Фото / предоставлено пресс-службой ЗАО "Шоро"
5. Александр Дудин — "ЭлКат" ишканасынын биринчи башкы директору. Компания 1994-жылы түзүлгөн. Интернет али бөтөн болуп турган маалда ал ишкана кардарларына электрондук почтадан пайдаланууга жардам берген: кызматкерлери кат-кабарды дискеталарга жаздырып алып, даректерине жиберип турган. Кийинчерээк компания IP технологиясы аркылуу интернетке чыгууга шарт жараткан. Жыйырма жыл мурун "элкатчылар" радио обосу аркылуу маалымат таратууга каналдарды сунуштап турган алгачкы карлыгач болушкан. Мындай кызматынан пайдаланган алардын эң биринчи кардары "Манас" эл аралык аэропорту эле.

6. Марат Тазабеков — АКИpress агенттигинин түптөөчүсү. Аталган маалымат агенттиги жалпыга маалымдоо каражаттары рыногунда 17 жылдан бери иш алпарат. Ал кезде "Кабар" мамлекеттик маалымат агенттиги иштеп турган. Бирок кыска убакыт аралыгында эле АКИpress маалымат агенттиги каталог, сурап-билүү китепчелери жана гезит чыгаруу менен окурман топтой алган. Көп өтпөй агенттиктин кызматкерлери жаңы деңгээлге — интернетке чыгышкан. Бүгүнкү күндө АКИpress — Кыргызстандын маалымат айдыңында айныгыс лидерлердин бири.

7. Жеңишбек Назаралиев — медицина илимдеринин доктору, профессор, Доктор Назаралиевдин медициналык борборунун президенти. Жеңишбек Болсунбековичтин бардык наамдарын саноого сап жетпейт, андыктан, негизгилерин белгиледик. Өз ишмердигин ал психоневрологиялык диспансерде 1985-жылы баштаган. Андан алты жыл өтүп-өтпөй мамлекеттик адистештирилген наркологиялык стационарды уюштурууга үлгүргөн (кийин ал жетекчисинин атынан аталып, Доктор Назаралиевдин медициналык борборуна айланган).

Бул борбордо дарылоонун автордук ыкмалары колдонулат, алардын айырмачылыктары он патент менен тастыкталып, Американын улуттук ден соолук институту жана Россиянын медицина илимдеринин академиясы тарабынан таанылган.

2001-жылы профессор Назаралиев "Баңгизаттан тыш аң-сезим дүйнөлүк лигасы" аталган эл аралык бейөкмөт уюмун жеке демилгеси менен уюштура алган. Аны БУУнун мурдагы башкы катчысы Кофи Аннан да, буддистердин жол башчысы Далай-лама XIV, актер жана саясатчы Арнольд Шварценеггер жана башка белгилүү ишмерлер колдоого алып кубаттаган. Ушул чакта доктор Назаралиев баңгизаттан көз каранды болгон адамдарды дарылоонун автордук өзгөчө ыкмасы менен дүйнөгө таанымал.

2727
Белгилер:
жетекчи, ишкер, Кыргызстан
Тема боюнча
Япониялык бизнесмен Бишкекке келип кайырчыга айланганда. Ишкер менен маек
Кредитке алынган келиндер — насыя тууралуу олуттуу маек
Кыргыз-казак чек арасындагы Ак-Тилек-Автодорожный өткөрүү пунктунда жүк ташуучу унаалардын кезеги

Алишеров: казак тарап өздөрү чек арада көйгөй жаратып жатканын моюндады

96
(жаңыланган 00:05 06.06.2020)
Казакстанга кирүү май айынын соңунан тарта кыйындап, бул мезгилде чек арада 300-400 фура кезекте туруп калууда. Экономика министринин орун басары Эльдар Алишеров Казакстандын Кыргызстан боюнча жасаган билдирүүсү таң калычтуу болуп жаткандыгын айтты.

БИШКЕК, 5-июн. — Sputnik. Казакстандын өкүлү чынында эле казак тарап чек арада көйгөй жаратып жатканына ынанышты. Бул тууралуу Кыргызстандын экономика министринин орун басары Эльдар Алишеров билдирди. 

Белгилей кетсек, Казакстанга кирүү май айынын соңунан тарта кыйындай баштаган. Өкмөттөн 300-400 фура кезекте турганын айтышкан. Мындан улам Sputnik Кыргызстан жеринен репортаж жасаган.

Кечээ, 4-июнда, вице-премьер Эркин Асрандиев чек арага барып, абалды оор деп баалаган. Ал эми бүгүн Казакстандын Мамлекеттик кирешелер комитети чек арада жүк ташуучу автоунаалардын узак кезекке туруп калышын Бишкектин кырдаалды курчутуу аракети катары сыпаттаган. Алишеровдун айтымында, эки өлкөнүн вице-премьерлеринин тапшырмасы менен 3-июнда “Ак-Тилек” көзөмөл өткөрмө бекетинде жолугуу болгон. Анда КРдин экономика министри, Чек ара кызматынын төрагасы коңшу Казакстандын Мамлекеттик кирешелер комитетинин жана Казакстандын Кыргызстандагы элчиси менен абалды талкуулаган.

“Сүйлөшүүлөр үч саатка созулду, автоунаалардын өтүүсү боюнча хронометраж көрсөтүлдү. Кыргыз тараптан ар бир жүк ташуучу унааны текшерүүгө орто эсеп менен 12-15 мүнөт керектелет. Ал айдоочуну паспорттук көзөмөлдөн өткөрүүдөн, андан аркы текшерүү үчүн медицина кызматкерлеринин анкеталык маалыматтарын топтоодон, вирустун бар-жогуна анализ тапшыруудан турат. Андан соң жүк ташуучу Кыргызстандын аймагында тесттин жыйынтыгын күтөт. Өлкөгө кирүү тартиби дагы татаал эмес. Ал эми казак тараптан бардыгы жай жүргүзүлүп, 20-23 мүнөт кармалууда. Бул процедурага казак тараптан коюлган талаптар жана барьерлер кошулган эмес. Карап турсак, кыргыз тарапка 61 фура кирди, ошол эле убакта Казакстанга болгону 21 автоунаа өткөрүлдү. Бул үч эсе аз киргизип жатканын түшүндүрөт”,  — деди министрдин орун басары.

Ошондой эле ал жолугушуу саат 14.00дө башталып, бирок казак тарап өзү жакты мониторинг жүргүзүүгө 16.00дө гана уруксат бергенин белгиледи. 

Кыргыз-казак чек арасындагы Акжол көзөмөл-өткөрүү пункту. Архивдик сүрөт
© Пресс-служба правительства / Сабыр Аильчиев
“Казакстандын өкүлдөрү эки саатта чынында жүк ташуучулар канчалык жай өтүп жатканын өз көзү менен көрүп, маселе аларда экенин моюндашты. Коңшу өлкөнүн Мамлекеттик кирешелер комитетинин “аткезчилик болууда” деген билдирүүсү боюнча айтарым, кыргыз-кытай чек арасы эки айдан ашык убакыттан бери жабык, ал жактан товар келбейт. Ошентсе да кыргыз-казак чек арасындагы барьерлер дагы деле жоюла элек. Казакстанга бараткан 300-400дөй машина кезекте турат, ал эми биз жакка келе жаткан 60тай автоунаа бар. Коңшу өлкөнүн жасалма түрдө ушундай кырдаал жаратып, автоунааларды өткөрбөй жатканына көзүбүз жетти”, — деп белгиледи Алишеров.

Мындан сырткары ал Казакстандын билдирүүсүнө таң калып жатканын айтат. Ал эми 9-июнда өтө турган ЕЭКтин коллегиясында абалды жөнгө салууга акыркы чечим кабыл алынып, Казакстанга чек араны тез арада ачууну айтарына ишеним артты.

96
Белгилер:
сүйлөшүүлөр, жүк ташуучулар, ЕЭК, "Актилек" көзөмөл өткөрүү жайы, чек ара, Кыргызстан, Казакстан
Тема боюнча
Кыргыз-кытай чек арасы жүк ташуу үчүн ачылды
Жамгыр жаап жаткан учурда кишилер. Архив

Ишембиге карата аба ырайы

39
Чүй, Ысык-Көл, Нарын облустарынын кээ бир райондорунда жана Ош, Жалал-Абад, Баткен облустарынын тоолуу өрөөндөрүндө жаан-чачын катуу жаайт.

БИШКЕК, 5-июн. — Sputnik. 6-июнь, ишемби күнү, республика боюнча мезгил-мезгили менен жаан жаап, күн күркүрөшү, бийик тоолуу райондордо кар жаашы мүмкүн. Бул тууралуу Кыргызгидромет маалымдады.

Батыштан соккон шамалдын ылдамдыгы секундасына 4-9 метрден кээ бир райондордо 17-22 метрге чейин жетет.

Билдирүүгө ылайык, абанын температурасы Чүйдө +22…+27, Таласта +21…+26, Ош, Баткен, Жалал-Абад облустарында +29…+34 жана Ысык-Көл менен Нарында +18…+23 градус жылуу болот.

Бишкек жана Ош шаарларында мезгил-мезгили жаан жаап, күн күркүрөйт. Абанын температурасы баш калаада +24…+26 градуска чейин көтөрүлсө, Ошто термометрдин көрсөткүчү +30…+32 градуска дейре жогорулайт.

39
Белгилер:
аба ырайы, Кыргызстан
Тема боюнча
30 миң сомдун 30 тыйынына тийбей кайтарган Руслан. Ыраазы кыздын ак жарыгы
COVID-19 вируска каршы дары таблеткалары. Архив

Россияда коронавируска каршы вакцина кийинки жумада чыгып, акысыз берилет

0
(жаңыланган 23:52 05.06.2020)
Бул —  коронавируска каршы чыгарылган Россиядагы алгачкы, ал эми дүйнөдө экинчи болуп катталган дары экени айтылат.

БИШКЕК, 5-июн. — Sputnik. Коронавируска каршы "Авифавир" препараты Россияда Милдеттүү медициналык камсыздандыруунун алкагында бекер берилет. Бул тууралуу Россиянын түз инвестициялар фондунун башчысы Кирилл Дмитриев президент Владимир Путин менен жолукканда айтканын Кремлдин сайты маалымдады.

Дмитриев "Авифавир" коронавируска каршы чыгарылган Россиядагы алгачкы, ал эми дүйнөдө экинчи болуп катталган дары экенин билдирген.

"Ал 11-июндан тарта Россиянын клиникаларына келип түшөт. Ал россиялыктарга Милдеттүү медициналык камсыздандыруу программасы боюнча бекер берилет", — деп айткан Дмитриев.

Маалыматта мындай вакцинадан жылына 700 миң даана чыгаруу пландалганын, бирок суроо-талап көп болуп, башка 10 өлкөдөн да сурам келип жатканын белгилеген. Мындан улам санын эки миллионго чейин жеткирүү пландалган.

0
Белгилер:
Россия, дарылоо, вакцина, коронавирус
Тема:
Кытайдагы жаңы типтеги коронавирус
Тема боюнча
Россия: коронавируска каршы чыгарылган бир вакцина баарына жарай бербейт
Коронавируска каршы Япония чыгарган вакцина июлда сынактан өтөт