ЮНИСЕФ: Кыргызстанда 26 жыл ичинде балдар өлүмү үчтөн экиге кыскарды

Жазылуу
Бүгүн, 19-октябрь күнү "Балдар арасындагы өлүмдүн деңгээли, 2017" аттуу жаңы глобалдык отчет жарыяланды

БИШКЕК, 19-окт. — Sputnik. Кыргызстанда 1990-жылдан 2016-жылга чейинки убакыт аралыгында беш жашка чейинки балдар өлүмү үчтөн экиге кыскарган. Бул тууралуу ЮНИСЕФтин КРдеги өкүлчүлүгүнөн кабарлашты.

Родильный дом в Гватемале - Sputnik Кыргызстан
Эмчектеги сүт ирийби? Бала эмизүүдөгү 8 катачылык
Бейшемби күнү "Балдар арасындагы өлүмдүн деңгээли, 2017" аттуу жаңы глобалдык отчет жарыяланды. Ага ылайык, Кыргызстанда беш жашка чейинки балдар өлүмү 1990-жылдан 2016-жылга чейинки мезгил аралыгында үчтөн экиге кыскарган. Ал эми ымыркайлар өлүмү эки эсеге кыскарган (1990-жылы аман төрөлгөн 1000 ымыркайдын 24ү чарчап калса, 2016-жылы 12ге түшкөн).

БУУнун Кыргызстандагы Балдар фондунун (ЮНИСЕФ) өкүлчүлүгүнүн башчысынын орун басары Мунир Мамедзаденин айтымында, бул медициналык кызмат көрсөтүүнүн сапаты жакшырганынан кабар берет.

"КР Саламаттык сактоо министрлигинин ЮНИСЕФ жана саламаттык сактоо тармагындагы бардык өнөктөштөр менен биргелешкен аракетинин артында медицина кызматкерлери өз көндүмдөрүн жана билимдерин жогорулатты. Ошондой эле медициналык жабдуулар жаңыланып, балдарга медициналык кызмат көрсөтүүлөрдү уюштуруунун сапаты жакшырды. Ушундай жөнөкөй чечимдер балдардын өмүрүн сактап калууда. Кыргызстан балдар арасындагы өлүм санын үчтөн экиге кыскартуу боюнча Миң жылдыктын өнүгүү максаттарына жеткен дүйнөдөгү 62 өлкөнүн бири болуп эсептелет", — деди Мамедзаде.

Научная сотрудница национального стратегического института Айнура Бектемирова - Sputnik Кыргызстан
Радио
Бектемирова: сурамжылоонун жыйынтыгы менен мыйзамдарды өзгөртүүгө болот
Анын айтымында, Япония өкмөтүнүн, Саламаттык сактоо министрлигинин жана ЮНИСЕФтин колдоосу менен сегиз оорукана өзүнүн төрөт жана балдар бөлүмдөрүнүн инфраструктурасын оңдоп алды. Ысык-Көл, Ош, Жалал-Абад жана Баткен облустарындагы балдарга алгачкы жана квалификациялуу реанимациялык жардам көрсөтүү боюнча 700дөн ашуун медициналык адис окуудан өткөн.

БУУнун Балдар фонду (ЮНИСЕФ) дүйнө жүзү боюнча эң аярлуу балдарга жардам берүү үчүн 190дон ашуун өлкөдө өз ишин жүзөгө ашырып келет. ЮНИСЕФтин Кыргызстандагы өкүлчүлүгү 1994-жылы ачылган.

Жаңылыктар түрмөгү
0