Кайгуул милициясы. Архивдик сүрөт

Кайгуул милициясы жоюлуп, ордуна жаңы кызмат түзүлдү

1357
(жаңыланган 15:42 11.11.2017)
Сапар Исаков тийиштүү буйрукка кол койгонун билдирди

БИШКЕК, 10-ноя. — Sputnik. Премьер-минист Сапар Исаков Кайгуул милициясынын башкы башкармалыгы жоюлганын өкмөттүн жол коопсуздугу боюнча чукул жыйынында билдирди.

Кайгуул милициясынын башкы башкармалыгынын ордуна Жол кыймылы коопсуздугун камсыздоо боюнча башкы башкармалык түзүлөт.

9-ноябрда өкмөт башчы эки токтомго кол койгон. Биринчи документ кызматты жоюп, жаңысын түзүү боюнча болсо, экинчисинде натыйжалуу иштеш үчүн башкармалыктагы кызматкерлердин санын көбөйтүү боюнча айтылат.

Ошол эле учурда премьер-министр кызматкерлердин саны канчага чыгарын так айткан жок, Исаков бул кызматтык маалымат экенин билдирди.

Жаңы кызматка буга чейин коррупцияга аралашпаган, кадыр-баркы бар кызматкерлер алынат.

Өкмөттүн маалымат кызматы тараткан билдирүүгө ылайык, жаңы башкармалыктын башчысын премьер дайындайт. Исаков ИИМ башчысына өкмөт аппаратынын коргонуу бөлүмү менен биргеликте дайындоонун жол-жобосун иштеп чыгууну тапшырды.

1357
Белгилер:
Сапар Исаков, Кайгуул милициясы, токтом
Тема боюнча
Момбеков: Кыргызстанда каскадерлордун кастинги өтүп жатабы?
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

52
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

52
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео

Аябай бактылуу болуп турам! Акаевдин сурактан чыккандан кийинки маеги видеодо

87
Кыргызстандын тунгуч президенти Аскар Акаев Бишкекке 16 жылдан кийин кайтып келип, УКМКга сурак берди. Ал Кумтөр кенине байланышкан кылмыш иши боюнча тергөөнүн алкагында чакырылган.

Мурдагы мамлекет башчы УКМК имаратынын ичинде суракта бир нече саат отуруп чыкты. Ал чыгып бара жатып журналисттердин суроолоруна да жооп берди.

Акаев билген маалыматтарын бөлүшүүгө жана мекенине келүүгө уруксат бергени үчүн Кыргызстандын жетекчилигине ыраазычылыгын билдирди.

Ошондой эле тергөө иштери менен өлкөдө бир жума жүрүп кайра Москвага кетерин айтты. Ал эртең дагы сурак берүү үчүн УКМКга келет.

Акаев бүгүн мамлекеттик резиденцияда президент Садыр Жапаров менен жолукканын белгилеп, ага ыраазычылык айтты.

"Мен бүгүн өзүмдү абдан бактылуу сезип турам. Себеби 16 жылдан бери биринчи ирет Ата журтка, элибизге келип отурам. Кумтөр боюнча билгенимдин баарын айтып берип, өлкөгө жардам берем. УКМК төрагасына ыраазычылык билдирем, мени жакшы тосуп алып, көңүл буруу менен мамиле кылышты. Болгон чындыкты чын жүрөктөн айтуу үчүн келдим ", — деди мурдагы президент.

Буга чейин УКМКнын жетекчиси Камчыбек Ташиев "Кумтөр" долбоорун ишке киргизүүдөгү коррупция фактысы боюнча ачылган кылмыш ишинин алкагында Аскар Акаевге издөө жарыяланганын билдирген.

Ушул эле иш боюнча бир катар аткаминер, депутаттар кармалды. Анын арасында экс-президент Сооронбай Жээнбековдун иниси Асылбек Жээнбеков, мурдагы премьер-министр Өмүрбек Бабанов (кийин дарылануу үчүн чет өлкөгө чыгууга уруксат берилди) да бар.

87
Белгилер:
Аскар Акаев, кылмыш, Кумтөр, сурак, келүү
Тема боюнча
Аскар Акаев Кыргызстанга канча убакытка келгенин айтты
Аскар Акаев: Садыр Жапаров менен жолуктум, ага ыраазымын!