БИШКЕК, 23-ноя. — Sputnik. Кыргызстанда Түштүк Кореянын Artel компаниясынын кир жуучу машиналарын чогултуучу завод ачылат. Бул тууралуу Sputnik Кыргызстан агенттигине Инвестицияны илгерилетүү жана экспорт боюнча мамлекеттик агенттиктин бөлүм башчысы Нурадил Баясов билдирди.
Завод болжол менен 2018-жылдын март айында Ошто ачылат. Аны ишке киргизүү боюнча келишимге Ташкент шаарында 6-октябрда өткөн кыргыз-өзбек форумунда кол коюлган.
Анда президент Алмазбек Атамбаевдин Өзбекстанга болгон иш-чапарынын алкагында жалпысынан 15 миллион долларга бааланган 10 келишимге кол коюлган.
