Акча. Архивдик сүрөт

Өлкөдө коррупцияга каршы күрөштөн түшкөн акча үчүн банк эсеби ачылмай болду

287
(жаңыланган 09:12 17.05.2018)
Өкмөткө атайын эсеп ачуунун ченемдик-укуктук маселелерин иштеп чыгуу сунушталды.

БИШКЕК, 16-май — Sputnik. Кыргызстанда коррупцияга каршы күрөштүн жүрүшүндө түшкөн акча каражаттары үчүн атайын банк эсеби ачылмай болду. Бул тууралуу президенттин маалымат кызматынан кабарлашты.

Билдирмеге караганда, мындай тапшырманы өлкө башчы Сооронбай Жээнбеков берген.

"Президент коррупцияга каршы күрөштүн натыйжалуулугун жогорулатуу жана ачык-айкындуулукту арттыруу максатында укук коргоо органдары тарабынан коррупциялык мүнөздөгү кылмыш иштерин тергөөдө кайтарылган. Алар боюнча соттун өкүмдөрүн аткарууда өндүрүлгөн акча каражаттарынын эсебин алууга, сактоого жана андан ары колдонууга багытталган атайын банк эсебин ачууну буюрду", — деп айтылат маалыматта.

Мындай тапшырманы аткаруу максатында президенттин аппаратынын жетекчисинин орун басары Алмамбет Салиев прокуратура органдарынын, Улуттук коопсуздук мамлекеттик комитетинин, Ички иштер жана Финансы министрликтеринин, Экономикалык кылмыштарга каршы күрөшүү боюнча мамлекеттик кызматтын, Улуттук банктын жетекчилеринин катышуусу менен кеңешме өткөргөн. Анда атайын банк эсебин ачууга байланыштуу маселелер талкууланган.

Ал эми өкмөткө атайын банк эсебин ачуунун ченемдик-укуктук маселелерин иштеп чыгуу сунушталды.

287
Белгилер:
банк, коррупция, Сооронбай Жээнбеков
Тема боюнча
Саламаттык сактоо министрлигинин кызматкерлерине кылмыш иши козголду
Акылбек Жамангулов: 600 долларлык аттиштин баасы Бишкекте 2500 сом экен
ТЭЦ маселеси: Жантөрө Сатыбалдиев анын өкмөтү кандай иштегенин айтты
Пикирлер