Ооруканадагы аял. Архивдик сүрөт

Арактан уулангандар көбөйүп жатат. Дарыгерлер коңгуроо кагууда

306
(жаңыланган 12:46 13.06.2018)
Акыркы жылдары спирт ичимдиктерине уулангандардын саны өсүп бара жатат.

БИШКЕК, 13-июн. — Sputnik. Калаа тургундары көбүнесе эмнеден ууланарын Бишкек травматология жана ортопедия илим изилдөө борборунун токсикология бөлүмүнүн башчысы Улан Исманов айтып берди.

Маалыматка караганда, акыркы жылдары спирт ичимдиктерине уулангандардын саны өсүп бара жатат. Мисалы, 2015-жылы — 337, 2016-жылы — 431 учур катталса, былтыр бул көрсөткүч 584кө жеткен.

Дарыгер Бишкек шаары кеңейип бара жаткандыктан, ал жетектеген бөлүмгө 1 миллиондон ашык адамга кызмат көрсөтүүгө туура келип жатканын, региондордо да ушундай эле абал экенин баса белгиледи.

Анын айтымында, бишкектиктер көбүнөсө төмөндөгү заттарга ууланат:

— Алкоголдук уулануулардан кийин эле дары-дармектерден жапа чеккендер турат;

— Андан кийинки орунда уксус сыяктуу ички органдарды куйкалап кетүүчү каражаттар;

— Үчүнчүдө ар кайсы нерселерге аллергиясы барлар;

— Төртүнчү сапта химиялык заттарга ууланып калгандар. Булар капысынан нефть, бензин, керосин сыяктуу каражаттарды ичип алгандар. Ал эми балдар ооуканасына кир жуучу айнаны жеп көргүсү келген наристелер көп түшөт;

— Андан соң чычкандын уусуна, козу карынга, баңгизатка уулангандар жана жылан чагып алгандар;

— Ал эми курт-кумурскага чактырып алгандар азайып бара жатат. Мисалы, 2015-жылы — 37, 2016-жылы — 22 адам катталса, 2017-жылы — 19 гана адам кайрылган.

— Зыяндуу жандыктарды ууландырам деп өз ден-соолугуна залака тийгизип алган жарандар дагы жок эмес. Мисалы, былтыр картошкадагы колорадо куртун же алма бактагы зыянкечтерди жок кылуу үчүн дары чачып жаткан маалда ууланып калган төрт киши ооруканага түшкөн.

Дарыгердин айтымында, ууланган адам алгач жүрөгү айланып, куса баштайт. Айрым учурда дене табы көтөрүлөт. Өзүнөн бул белгилерди байкаган киши дароо ооруканага кайрылуусу зарыл.

306
Белгилер:
дарыгер, уулануу, Бишкек
Тема боюнча
Бейтап катуу айтса да, сөгүнсө да көтөрөбүз. Мээрман айым Эсенбаева менен маек
Күнүнө 50дөн адам каза табат. Жүрөктү жабыркаткан коркунучтуу 8 дарт
Пикирлер