БИШКЕК, 2-авг. — Sputnik. Оңдоо иштеринен улам Айтматов проспектисинин дагы бир бөлүгү жабыла турганын Бишкек мэриясынын маалымат кызматы билдирди.
Жол кыймылы Жаманбаевден Сухомлинов көчөсүнө чейин жабык болот. Учурда бул аймакта магистралдык жана ички жылуулук куурлары алмаштырылууда. Чектөө 7-августта алынат.
Андыктан айдоочуларга Бакаев (Чапаев) жана Жунусалиев (Орджоникидзе), Токтоналиев, Табалдиев көчөлөрү аркылуу өтүү сунушталат. Ал эми Айтматов менен Айни көчөлөрүнүн кесилиши ачык болот.
