Кол чатыр көтөргөн кыз. Архив

Кол чатыр керекпи? Дем алыш күндөрүнө карата аба ырайы

135
(жаңыланган 19:20 14.09.2018)
Бишкек жана Ош шаарларында эс алуу күндөрү жаан-чачын болбойт.

БИШКЕК, 14-сен. — Sputnik. Кыргызгидромет агенттиги алдыдагы дем алыш күндөрүнө карата аба ырайы тууралуу маалымат таратты.

Ага ылайык ишемби, жекшемби күндөрү Ысык-Көл, Нарын облустарынын кээ бир райондорунда, Чүй, Ош, Жалал-Абад облустарынын тоолуу аймактарында жаан жаап, күн күркүрөшү, тоолорго кар жаашы күтүлөт. Калган аймактарда күн ачык болот.

Чүй өрөөнүндө түнкүсүн 7…12, күндүзү 23…28 градус жылуу болору айтылды. Талас облусунда абанын температурасы түнкүсүн 4…9, күндүз 22…27 градуска жетет.

Ал эми Ош, Жалал-Абад, Баткен дубандарында түндө 11…16, күндүз 25…30 градуска чейин ысыйт. Ысык-Көлдө түнү 6…11, күндүз 19…24 градус жылуу болору күтүлөт. Тоолуу Нарын облусунда абанын температурасы түнкүсүн 4…9, күндүзү 20…25 градуска чейин көтөрүлөт.

Бишкек жана Ош шаарларында эс алуу күндөрү жаан-чачын болбойт. Батыштан соккон шамалдын ылдамдыгы секундасына 4-9 метрге чейин жетет.

Борбор калаада түнкүсүн 9…11, күндүзү 25…27 градус жылыса, Ош шаарында күндүн табы түнкүсүн 14…16, күндүзү 28…30 градуска көтөрүлөт.

135
Белгилер:
жылуулук, жаан-чачын, аба ырайы, Кыргызстан
Тема боюнча
Түштүктө дагы деле жай! Бир жумага карата аба ырайы
Пикирлер