Көчөдө бараткан шаар тургундары. Архив

Ноябрь суук болобу? Бир айга карата аба ырайы

5327
(жаңыланган 21:41 17.10.2018)
Абанын айлык орточо температурасы климаттык нормага жакын болот.

БИШКЕК, 16-окт. — Sputnik. Кыргызгидромет агенттиги ноябрь айына карата аба ырайы божомолун таратты.

Билдирмеге караганда, абанын айлык орточо температурасы климаттык нормага жакын болот.

Чүй облусу менен Кемин өрөөнү

Чүйдө 3…5, тоо этектеринде жана Кемин өрөөнүндө 0…2 градус жылуу болушу күтүлөт. Абанын эң жогорку температурасы айдын биринчи 10 күнүнө туура келет. Мында түнкүсүн 3…8, күндүз 15…20 градус жылуу болот. Айдын экинчи жана үчүнчү он күнүндө түнкүсүн —3…-8 градус суук болуп, күндүз 0…5 градустан 7…12 градуска чейин жылуу болуп өзгөрүп турушу күтүлөт.

Кемин өрөөнүндө жана тоо этектериндеги райондордо айдын биринчи он күнүндө түнкүсүн 0…5, күндүз 10…15 градус жылуу болот. Айдын экинчи жана үчүнчү 10 күнүндө түнкүсүн 0…-5 градус сууктан —7…-12 градуска чейин, абанын күндүзгү температурасы —2 градус сууктан 5…10 градус жылуулукка чейин өзгөрүлүп турат.

Жаан-чачындын айлык көлөмү нормага жакын, тоо этектериндеги райондордо арбын болушу күтүлөт (Чүй өрөөнүндө 40-49 мм, тоо этектеринде 23-37 мм).

Талас облусу

Абанын айлык орточо температурасы климаттык нормага жакын болуп, 1…3 градус жылуу болот.

Айдын биринчи он күнүндө түнкүсүн 2…7, күндүз 12…17 градус жылуу болору айтылды. Айдын экинчи жана үчүнчү он күнүндө түнкүсүн 0…-5 градустан —8…-13 градус суукка чейин, абанын күндүзгү температурасы —2…+3 градустан 5…10 градус жылуулукка чейин өзгөрүлүп турушу божомолдонду.

Жаан-чачындын айлык көлөмү нормага жакын болушу күтүлөт (28-29 мм).

Ош, Жалал-Абад жана Баткен облустары

Абанын айлык орточо температурасы климаттык нормага жакын болуп, 5…7, тоо этектериндеги райондордо 3…5 градус жылуу болот.

Айдын биринчи 10 күнүндө абанын эң жогорку температурасы түнкүсүн 5…10, күндүз 18…23 градуска жетет. Айдын экинчи жана үчүнчү он күнүндө түнкүсүн —2…+3, күндүз 3…8 градус жылуулуктан 11…16 градус жылуулукка чейин өзгөрүлүп турат.

Тоо этектериндеги райондордо айдын биринчи он күнүндө түнкүсүн 2…7, күндүз 13…18 градус жылуу болушу күтүлөт. Айдын экинчи жана үчүнчү 10 күнүндө түнкүсүн —2…-7 градуска чейин төмөндөп, абанын күндүзгү температурасы 1…6 градус жылуулуктан 8…13 градус жылуулукка чейин өзгөрүлүп турмакчы.

Жаан-чачындын айлык көлөмү нормадан арбын болушу ыктымал (өрөөндөрдө 26-57 мм, тоо этектериндеги райондордо 32-96 мм).

Ысык-Көл облусу

Абанын айлык орточо температурасы климаттык нормага жакын болуп, 2…4, Ысык-Көл ойдуңунун чыгышында 0…2 градус жылуу болушу күтүлөт.

Айдын биринчи 10 күнүндө абанын эң жогору температурасы түнкүсүн 1…6, күндүз 10…15 градуска жетет. Айдын экинчи жана үчүнчү 10 күнүндө абанын температурасы төмөндөп, түнкүсүн —3…-8, күндүз 3…8 градус жылуу болушу, Ысык-Көл ойдуңунун чыгышында абанын түнкүсүн —5…-10 градуска, күндүз 0…5 градуска чейин төмөндөшү мүмкүн.

Жаан-чачындын айлык көлөмү нормага жакын болот (1-17 мм, чыгышында 24-46 мм).

Нарын облусу

Абанын айлык орточо температурасы климаттык нормага жакын болуп, —1…-3, Ат-Башы районунда —3…-5 градус суук болот.

Айдын биринчи 10 күнүндө эң жогору температура түнкүсүн 0…-5, күндүз 10…15 градус болот. Айдын экинчи жана үчүнчү 10 күнүндө абанын температурасы төмөндөп, түнкүсүн —8…-13, күндүз 0…5 градус жылуу болот. Ат-Башы районунда түнкүсүн —10…-15, күндүз 0…-5 градуска чейин суук болот.

Жаан-чачындын айлык көлөмү нормадан аз болушу күтүлөт (4-15 мм).

Алай өрөөнү

Абанын айлык орточо температурасы климаттык нормадан 1 градуска төмөндөп, —9…-11 градус суук болушу күтүлөт. Абанын температурасы айдын биринчи 10 күнүндө —3…-8 суук, күндүз 2…7 градус жылуу болот. Айдын экинчи жана үчүнчү 10 күнүндө абанын температурасы төмөндөп, түнкүсүн —15…-20, күндүз —3…-8 градус суук болушу күтүлөт.

Жаан-чачындын айлык көлөмү нормага жакын болот (21-23 мм).

Суусамыр өрөөнү

Абанын айлык орточо температурасы климаттык нормага жакын болуп, —6…-8 градус суук болот. Абанын температурасы айдын биринчи 10 күнүндө түнкүсүн —3…-8, күндүз 6…11 градус жылуу болору айтылды. Айдын экинчи жана үчүнчү 10 күнүндө абанын температурасы төмөндөп, түнкүсүн —15…-20, күндүз 0…5 градуска чамалап барат.

Жаан-чачындын айлык көлөмү нормадан аз болот (18-20 мм).

5327
Белгилер:
суук, аба ырайы, Кыргызстан
Тема боюнча
Дем алыш жана иш жуманын башында аба ырайы кандай болору айтылды
Мэрия жылуулукту качан берерин эки күндөн кийин так айтат
Жогорку Кеңештин депутатынын иштеген жери. Архив

УКМК: жасалма диплом колдонуп жүргөн Жогорку Кеңештин депутаты аныкталды

15
(жаңыланган 11:48 14.06.2021)
Депутат 1998-жылы Жусуп Баласагын атындагы Кыргыз улуттук университетинин тарых факультетинин үчүнчү курсунан чыгарылган. Ал билим алуу акысын төлөбөй койгону үчүн четтетилген.

БИШКЕК, 14-июн. — Sputnik. Улуттук коопсуздук мамлекеттик комитети Жогорку Кеңештин З.Т.З. аттуу депутаты жогорку билими тууралуу жасалма дипломду пайдаланып жүргөнүн аныктаганын билдирди.

  • Улуттук коопсуздук мамлекеттик комитети Жогорку Кеңештин З.Т.З. аттуу депутаты жогорку билими тууралуу жасалма дипломду пайдаланып жүргөнүн аныктаганын билдирди
    © Фото / пресс-служба ГКНБ КР
  • Маалыматка караганда, УКМК сотко чейинки өндүрүштүн алкагында жүргүзүлгөн иш-чаралардын жыйынтыгында Жогорку Кеңештин КСДП фракциясынын депутаты, мурдагы вице-спикер З.Т.З. жасалма диплом колдонуп жүргөнү аныкталган
    © Фото / пресс-служба ГКНБ КР
  • Мындан ташкары, Жусуп Баласагын атындагы КУУдан УКМКга З.Т.З университеттин бүтүрүүчүлөрүнүн катарында жок экенин жана анын дипломунда көрсөтүлгөн номер башка жаранга берилгенин билдиришкен
    © Фото / пресс-служба ГКНБ КР
1 / 3
© Фото / пресс-служба ГКНБ КР
Улуттук коопсуздук мамлекеттик комитети Жогорку Кеңештин З.Т.З. аттуу депутаты жогорку билими тууралуу жасалма дипломду пайдаланып жүргөнүн аныктаганын билдирди

Маалыматка караганда, УКМК сотко чейинки өндүрүштүн алкагында жүргүзүлгөн иш-чаралардын жыйынтыгында Жогорку Кеңештин КСДП фракциясынын депутаты, мурдагы вице-спикер З.Т.З. жасалма диплом колдонуп жүргөнү аныкталган.

"Ал 1998-жылы Жусуп Баласагын атындагы Кыргыз улуттук университетинин тарых факультетинин үчүнчү курсунан чыгарылган. Окуудан чыгарылышынын себеби — билим алуу үчүн акыны төлөгөн эмес. ЖКнын депутаты жасалма дипломду экинчи жогорку билим алуу үчүн, активдүү саясий ишмердүүлүк мезгилде дагы колдонгон", — деп айтылат УКМКнын билдирүүсүндө.

Мындан ташкары, Жусуп Баласагын атындагы КУУдан УКМКга З.Т.З университеттин бүтүрүүчүлөрүнүн катарында жок экенин жана анын дипломунда көрсөтүлгөн номер башка жаранга берилгенин билдиришкен.

Депутат ЖК 6 созыва Торобай Зулпукаров от партии СДПК на заседании. Архивное фото
© Sputnik / Табылды Кадырбеков
Жогорку Кеңештин депутаты Төрөбай Зулпукаров

Белгилей кетсек, бул инициалдар ЖК депутаты, учурда УКМКнын тергөө абагында кармалып турган Төрөбай Зулпукаровго туура келүүдө. Ал Кумтөр иши боюнча Жазык кодексинин 319-беренесинин ("Коррупция") негизинде шектелип жатат.

15
Белгилер:
кылмыш иши, диплом, Жогорку Кеңеш, УКМК, Төрөбай Зулпукаров
Тема боюнча
УКМК: Динара Молдошева Кумтөр иши боюнча шектелүүдө
Пачка-пачка доллар, алтын буюмдар. Бажычынын үйүн, кабинетин тинткен видео
Жол кырсыкка тушкөн автоунаа. Архив

Көлдөгү жол кырсыктан 33 жаштагы келин эки кызы менен көз жумду

12
(жаңыланган 11:39 14.06.2021)
Жол кырсыгынан бир үй-бүлөдөн энеси менен эки кызы көз жумган. Ал эми алты жаштагы уулу аймактык ооруканага жеткирилгени айтылды.

БИШКЕК, 14-июн. — Sputnik. 12-июнда Ысык-Көл районунун Сары-Камыш айылында жол кырсыгы катталып, үч адам каза тапты. Бул тууралуу Sputnik Кыргызстан агенттигинин кабарчысына ЖКККББнын маалымат кызматынын жетекчиси Тилек Исаев билдирди.

Анын айтымында, жол кырсыгы 12-июнь күнү саат 11:30дар чамасында Бишкек — Ананьево — Каракол унаа жолунун 46-чакырымында болгон.

"Балыкчы шаарынын 34 жаштагы тургуну Volkswagen Passat үлгүсүндөгү автоунаасын жолдун жээгине токтотуп, өзү автоунаадан түшүп кеткен. Автоунаанын ичинде жубайы, эки кызы жана уулу болгон. Бул учурда Тоң районунун 36 жаштагы тургуну Mercedes үлгүсүндөгү автоунаа менен келе жатып, рулду башкара албай Passat үлгүсүндөгү автоунаанын артынан сүзгөн. Натыйжада токтоп турган автоунаанын ичиндеги айдоочунун 33 жаштагы келинчеги, 4 жана 1 жаштагы кыздары мүрт кеткен. Ал эми 6 жаштагы уулу аймактык ооруканага жеткирилген", — деди Исаев.

Ал Mercedes үлгүсүндөгү автоунаанын айдоочусу менен жанындагы жүргүнчү да аймактык ооруканага жеткирилгенин кошумчалады. Аталган факт Ысык-Көл райондук ички иштер башкармалыгы тарабынан бирдиктүү реестрге катталып, сотко чейинки өндүрүш иштери башталды.

Буга чейин соцтармак колдонуучулары аталган жол кырсыгынын видеосун жарыялап, Mercedes үлгүсүндөгү автоунаанын айдоочусу мас абалында болгонун жазышкан. ЖКККББ учурда бул маалымат такталып жатканын айтты.

12
Белгилер:
айдоочу, өлүм, үй-бүлө, жол кырсык, Сары-Камыш айылы, Ысык-Көл
Тема:
2021-жылдын башынан бери Кыргызстанда болгон жол кырсыктар
Тема боюнча
Дем алышта 15 киши мерт болду. Жапаров ИИМге жол кырсыгын алдын алууну тапшырды
Ноокаттагы жол кырсык. Кечээ каза болгондордон башка дагы үч бала көз жумду