Дарыкананын белгиси. Архивдик сүрөт

Кыргызстанда ири дарыканаларга кимдер ээлик кылып, канча салык төлөйт?

1651
(жаңыланган 13:02 28.10.2018)
Кыргызстанда жалпысынан 2500дөн ашуун дарыкана пункту бар.

БИШКЕК, 26-окт. — Sputnik. Бир аз мурда саламаттыкты сактоо министри Космосбек Чолпонбаев Жогорку Кеңеште депутаттардын суроосуна жооп берип жатып, дары-дармек жаатында чакан бизнеси бар экенин айткан.

Министрдин билдиргенине караганда, ал анча чоң эмес, үч дарыканага ээлик кылат. Бирок кийин аларды ишенимдүү башкарууга өткөрүп берген.

Дарыкана бизнесинде дагы кандай аткаминерлердин "үлүшү" бар экенин билүү үчүн борбор калаада эң ири делип, эл оозуна алынган 10 дарыкананы изилдеп көрдүк.

Маалыматтар расмий булактардан, тагыраагы, Саламаттыкты сактоо жана Юстиция министрликтеринин сайттарынан алынды.

Баса, документ түрүндө дарыканаларга ээлик кылгандардын арасында министрден тышкары, ТЭЦ чуусуна байланыштуу учурда УКМКнын тергөө абагында жаткан депутат Осмонбек Артыкбаевдин уулун көрүүгө болот.

Ишканалар 2018-жылдын 1-январынан 15-октябрга чейин төлөгөн салыктар жөнүндө маалымат "Ачык бюджет" порталынан алынды. Аталган сайттын ишин жөнгө салып турган "Инфо-система" мекемесинен билдиришкендей, порталга ишканалардын мамлекетке төлөгөн айрым төлөмдөрү киргизилбейт.

"Неман-Фарм" дарыканасы

Жетекчиси — Алиева Күннур Сатаровна.
Негиздөөчүсү — Артыкбаев Эмиль Осмонбекович (Осмонбек Артыкбаевдин уулу — ред.).
Бюджетке салымы — 108 миллион 660 миң 654 сом.

"Эляй" дарыканасы

Жетекчиси — Садырбаева Жылдыз Эсенбековна.
Негиздөөчүсү — Акжолтоев Нурбек Жапыкеевич.
Бюджетке салымы — 43 миллион 011 миң 106 сом.

"Фарватер" дарыканасы

Жетекчиси жана негиздөөчүсү — Турдубаев Жанторо Таирович.
Бул ишкана салык төлөөчүнүн идентификациялык номери катары Юстиция министрлигинин сайтында башка, Саламаттыкты сактоо министрлигинин сайтында башка номерди көрсөткөн. Биринчи булактагы номер боюнча жыл башынан бери бюджетке 17 миллион 657 миң 631 сом салганы белгилүү болду. Ал эми Саламаттыкты сактоо министрлигинин сайтындагы номер боюнча маалымат табылган жок.

"БИМЕД Фарм" дарыканасы

Жетекчиси жана негиздөөчүсү — Чумаева Светлана Александровна.
Бюджетке салымы — 11 миллион 483 миң 580 сом.

"ФАРМАМИР" дарыканасы

Жетекчиси — Абылгазиев Ринат Шаршенбекович.
Негиздөөчүсү — Садырбаева Жылдыз Эсенбековна.
Бюджетке салымы — 10 миллион 233 миң 940 сом.

"Лекарь" дарыканасы

Жетекчиси — Храмов Анатолий Иванович.
Негиздөөчүсү — Эсенбеков Жолдошбек Эсенбекович.
Бюджетке салымы — 9 миллион 878 миң 794 сом.

"Айболит" бренди ("Медсервис.KG" компаниясы)

Жетекчиси — Насырбаева Гүлнура Жеңишбековна.
Негиздөөчүлөрү — Шакиров Майрамбек Надырбекович, Шокан Бегалиев.
Бюджетке салымы — 6 миллион 786 миң 516 сом.

"Заман" дарыканасы

Жетекчиси — Нуржанова Чолпон Кеңешбековна.
Негиздөөчүсү — Кенжеева Азиза Артуровна.
Бюджетке салымы — 2 миллион 030 миң 545 сом.

"Фармстор" дарыканасы

Жетекчиси — Жетигенов Бакыт Темирбекович.
Негиздөөчүлөрү — Жетигенов Бакыт Темирбекович, Жумалиева Үмүт Жеңишбековна, Жуманазаров Чыңгыз Таалайбекович жана Абыкулова Динара Ашымбековна. Баса, Динара Абыкулова аттуу жаран учурда курулуш иштери менен алектенген "Бината" компаниясынын дагы негиздөөчүсү болуп эсептелет. Бул ишканага 2018-жылдын 6-июнуна чейин кылмыш иши козголгон соң өлкөдөн чыгып кеткен мурдагы биринчи вице-премьер Аскарбек Шадиев ээлик кылган.
Бюджетке салымы — 1 миллион 843 миң 446 сом.

GALENPHARM дарыканасы

Юстиция министрлигинде мындай ат менен катталган ЖЧКнын жетекчиси — Искаков Кубанычбек Жумабекович, негиздөөчүлөрү — Чолпонбаев Алмаз Мусабекович жана Кулетова Нина Жаманкуловна. Ал эми ушул эле министрликтин маалыматтарын камтыган osoo.kg порталында GALENPHARM компаниясына 2018-жылдын 5-июнуна чейин азыркы саламаттык сактоо министри Чолпонбаев Космосбек Сариевич директор болгону көрсөтүлгөн.
Бюджетке салымы — 833 762 сом.

1651
Белгилер:
негиздөөчү, дарыкана, салык, бюджет, акча, Кыргызстан
Тема боюнча
Кыргызстандагы эң бай курулуш компанияларынын кожоюндары кимдер? Тизме
Кыргызстандын ири ишканаларын ким тескейт? Таскагы катуу 8 жетекчи
Саргарган дарактар. Архив

Бейшембиге карата аба ырайы

38
Бейшембиге караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрден айрым райондордо 15-20 метрге жетет.

БИШКЕК, 21-окт. — Sputnik. Бейшемби күнү, 22-октябрда, күндүз Чүй, Талас, Жалал-Абад облустарынын кээ бир райондорунда жаан, тоо этектеринде жамгыр, тоолуу жерлеринде кар жаайт. Өрөөндөрдө жаан-чачын күтүлбөйт. Бул тууралуу Кыргызгидромет билдирди.

Абанын температурасы Чүй менен Таласта +12...+17, Ош, Жалал-Абад облустарында +18...+23, Баткенде +17...+22, ал эми Ысык-Көл, Нарын жергесинде +11...+16 градус болот.

Бишкекте күндүн экинчи жарымында бир аз жаан жааса, ал эми Ошто күн ачык болот. Абанын температурасы борборубузда +15...+17, Ошто +21...+23 градуска көтөрүлөт.

38
Белгилер:
Кыргызстан, аба ырайы
Тема боюнча
Шашылыш билдирүү! Жакынкы күндөрү аба ырайы кескин өзгөрөт
Айыл чарба, тамак-аш, өнөр жайы жана мелиорация министрлигине талапкер Тилек Токтогазиев. Архив

ЖК депутаттары Тилек Токтогазиевди айыл чарба министри кылып бекитти

672
(жаңыланган 19:26 21.10.2020)
Токтогазиевдин талапкерлиги бул кызматка былтыр дагы көрсөтүлүп, коомчулуктан колдоо тапкан. Бирок анда өкмөт сунушту четке кагып койгон.

БИШКЕК, 21-окт. — Sputnik. Парламент айыл чарба, тамак-аш өнөр жайы жана мелиорация министри кызматына Тилек Токтогазиевдин талапкерлигин жактырды.

Анын талапкерлигин кароо учурунда кээ бир эл өкүлдөрү буга чейин мамлекеттик кызматта иштебегенин сынга алышты. Бирок башкалары анын менеджерлик сапатын белгилеп, жаштыгына жана дилгирлигине маани беришти.

Токтогазиев суроолорго жооп берип жатып аны министрлик кызматка премьер-министр Садыр Жапаров өзү чакырганын айтты.

Натыйжада анын талапкерлигин депутаттардын баары бир добуштан колдоп беришти.

Тилек Токтогазиев 30 жашта. Парламенттик шайлоодо "Ата Мекен" партиясынын тизмеси менен жарышка аттанган. Шайлоодон кийинки башалмандык учурунда "Ала-Тоо" аянтында башына таш тийип, ооруканага түшкөн.

Аялы үчүн бай болуп, журналистти коркутуп... Тилек Токтогазиев тууралуу 9 факты

Мурдагы министр Эркинбек Чодуев бүгүн, 21-октябрда, өз арызын жазып кызматтан кеткен. Ал өлкөнүн айыл чарба тармагын 2019-жылдын май айынан бери жетектеп келген.

Андан мурунку министр Нурбек Мурашев кызматтан алынгандан кийин да бул кызматка Тилек Токтогазиев өз талапкерлигин көрсөтүп, реформа жүргүзүү убадасы менен коомчулуктан колдоо тапкан. Жаш талапкерди "Бир Бол" фракциясы да колдоп, өкмөт башчыга сунуштаган болчу. Бирок өкмөт тажрыйбасы жетишсиз деп сунушту четке кагып, Чодуевди алып келген. Эми минтип кайра Токтогазиев дайындалууда.

672
Белгилер:
дайындоо, Айыл чарба жана мелиорация министрлиги, Тилек Токтогазиев
Тема боюнча
Парламент Курманкул Зулушевди башкы прокурор кылып бекитти
Пирназаров "Унаа" ишканасынын башчылыгынан кетип, ордун Түмөнбаев ээледи
Абсолюттук мушкерлер чемпионаты (UFC) россиялык чемпион Хабиб Нурмагомедов менен америкалык Жастин Гэтжинин көз караштар таймашы

Гэтжи менен Нурмагомедов көз караштар таймашын өткөрдү. Видео

0
(жаңыланган 23:08 21.10.2020)
Нурмагомедов менен Гэтжинин чемпиондук наам үчүн кармашы саналуу күндөрдөн кийин Абу-Дабидеги "Мушкерлер аралы" аренасында болот.

БИШКЕК, 21-окт. — Sputnik. Абсолюттук мушкерлер чемпионаты (UFC) россиялык чемпион Хабиб Нурмагомедов менен америкалык Жастин Гэтжинин көз караштар таймашынын видеосун жарыялады.

Бүгүн, 21-октябрда, мушкерлер маалымат жыйын өткөрүп, андан кийин салтка айлангандай бетме-бет жолугушту. Атлеттер бири-бирине сес көрсөтпөй, сый менен тике карашкан.

Посмотреть эту публикацию в Instagram

Публикация от ufc (@ufc)

Промоутерлик компания жүктөгөн экинчи видеодон Гэтжи утурумдук чемпион болгондогу бел курун тагынбай койгонун көрүүгө болот. Аны башында көтөрө келген. Ал эми чыныгы чемпион атыккан Нурмагомедов курун кармап кадрга түшкөн.

Посмотреть эту публикацию в Instagram

Публикация от ufc (@ufc)

Нурмагомедов менен Гэтжинин чемпиондук наам үчүн кармашы 24-октябрда UFC 254 турниринин алкагында Абу-Дабидеги "Мушкерлер аралы" аренасында болмокчу. Россиялык мушкер бел курун сактап калганга жан үрөйт.

0
Белгилер:
таймаш, видео, Жастин Гэтжи, Хабиб Нурмагомедов, UFC
Тема боюнча
Уайт: Нурмагомедов — Гэтжи беттеши UFC тарыхындагы эң ири таймаш болот