Ооруканадагы киши. Архивдик сүрөт

Кыргызстанда кайсы айда өлүм-житим көп болот? Статистика

946
(жаңыланган 09:11 05.11.2018)
Статистикалык маалыматтар боюнча июнь менен сентябрда каза болгондор арбын.

БИШКЕК, 2-ноя. — Sputnik. Кыргызстанда кишилердин көбү январь айында каза болот. Бул тууралуу Улуттук статистика комитетинин маалыматында айтылат.

Ага ылайык, 2017-жылы январда 3 147 киши о дүйнөгө сапар алган. Экинчи орунда декабрь турат. Бул учурда 3 045 киши каза болгон.

Кыргыз мамлекеттик медициналык академиясынын нормалдуу жана топография кафедрасынын ассистенти Улугбек Жоомартовдун айтымында, суук учурда өлгөндөрдүн көптүгүнүн себеби аба ырайына да байланыштуу.

"Кышында аба ырайы өйдө-төмөн болуп турат. Жүрөк кан тамырлары дартынан жабыркагандар жана өнөкөт оорулуулар аны тез кабыл алат. Андан сырткары, кышында жол тайгак болгондуктан жол кырсыктарынын саны көбөйөт", — деди Жоомартов.

Эң туруктуу ай деп сентябрь эсептелет. Былтыр ушул айда 2 547 киши каза болгон.

Кыргызстанда кайсы айда балдар көп төрөлөрүн да биле жүрүңүз.

946
Белгилер:
маалымат, өлүм, Улуттук статистика комитети
Тема боюнча
Кыргызстанда кайсы айда балдар көбүрөөк төрөлөт. Статистика
Кыргызстанда төрөттөн каза болгон аялдардын саны жана себеби. Статистика
Канча жылдан кийин ажырашуу кооптуулугу жаралат? Статистика
Жүк көтөргөн адамдар. Архив

Россияда мекендештерди чек арадан өткөрөм деп алдап кеткен шылуун изделүүдө

21
(жаңыланган 00:41 23.09.2020)
Өзүн элчиликтин кызматкери катары тааныштырган киши чек арадан өткөрүүгө жардам берем деп ар бир мигранттан 7000 рублден алган.

БИШКЕК, 23-сен. — Sputnik. Россиядагы кыргызстандыктарды автобус менен мекенге жеткирүүнү убадалап, акчасын алдап кеткен киши изделүүдө. Бул тууралуу Тышкы иштер министрлиги билдирди.

Маалыматка ылайык, аты-жөнүн Кубанычбек Жээнкулов деп элчиликтин кызматкери катары тааныштырган жаран Казакстан чек арасын ачканын айткан. Ал жерден автобус менен өткөрүүгө жардам берем деп ар биринен 7000 рублден алып Башкыртстандан Оренбургга алып келген. Натыйжада шылуундун тузагына түшкөн мекендештер ара жолдо калышкан. Бул иш боюнча 22 киши элчиликке арыз жазды.

"Кубанычбек Жээнкулов деген элчиликтин кызматкери жок. Аны жоопко тартуу үчүн КР ИИМинин Россиядагы өкүлчүлүгү РФ ИИМи менен биргеликте издеп жатат. Мыйзамсыз түрдө акча чогултканы үчүн катуу жазага тартылат. Элчилик мекендештерди ушул сыяктуу фактылар болсо кылмыштын алдын алып, күнөөлүүлөрдү жоопко тартуу үчүн кабарлап коюуга чакырат", — деп жазылган билдирүүдө.

Даттануулар менен Россиядагы элчи Аликбек Жекшенкуловдун elchi.ru сайтындагы жеке блогуна жана КР ИИМдин РФтеги өкүлчүлүгүнө predstavitelstvomvd@mail.ru электрондук дареги же +7(926) 890 87 00 ыкчам байланыш номерине кайрылууга болот. Купуялуулукка кепилдик берилет.

Авиакаттам жанданса да Россиядан кыргызстандыктарды автобус менен ташуу уланат

Учурда Оренбург облусундагы орус-казак чек арасында Россиянын шаарларынан жана Башкыртстан Республикасынан келген 3500дөн ашык кыргызстандык топтолуп турганы маалым болду.

Элчилик Казакстандын аймагынан автобус менен өтүү үчүн "жашыл коридор" ачып берүү өтүнүчү менен казак тарапка кайрылган. Азырынча жооп келе элек.

Ошондой эле Оренбург облусунун жана Башкыртстандын жергиликтүү бийлик органдары менен биргеликте ал жердеги кыргызстандыктарга шарт түзүү иштери жүрүп жатканы белгиленди. Ушул тапта Россия тарап аларды акысыз түрдө жатаканаларга, балдар лагерлеринин аймактарына жайгаштырды, мындан тышкары, чатыр лагери түзүлгөн. Айрымдары мейманканаларга жана жатаканаларга жайгаштырылды. Жарандарга үч маал бекер тамак берилип жатканы айтылды.

Ошону менен катары элчилик мекендештерге Казакстан чек арасын толук ача электигин эскертип, өз алдынча келип топтолбоого чакырат.

Мүмкүнчүлүккө жараша учак менен кетүүнү сунуштайт. Ошону менен катар элчилик авиакаттамдардын санын көбөйтүү жана билет баасын арзандатуу боюнча сүйлөшүү жүргүзүп жатканы айтылды.

21
Белгилер:
Мигрант, автобус, алдамчылык, чек ара, Элчилик, Россия
Тема боюнча
Кыргызстандан чет өлкөлөргө ачылган каттамдардын тизмеси
22 миң рубль. Москва — Бишкек каттамына авиабилеттердин октябрдагы баасы айтылды
КМШ мамлекеттеринин желектери. Архив

Октябрда КМШ өлкө башчыларынын саммити өтөт

17
(жаңыланган 22:25 22.09.2020)
Бүгүн КМШга мүчө мамлекеттердин туруктуу өкүлдөрү жыйынга даярдык тууралуу талкуулашканы белгиленди.

БИШКЕК, 22-сен. — Sputnik. Көз карандысыз мамлекеттердин шериктештиги уюмунун президенттер кеңешинин жыйыны 16-октябрда өтөт. Бул тууралуу Шериктештиктин аткаруу комитетинин сайтында маалымдалды.

Бүгүн КМШга мүчө мамлекеттердин туруктуу өкүлдөрү жыйынга даярдыкты талкуулашты. Иш-чара видеоконференция режиминде болмокчу.

Ушундай эле форматта 15-октябрга белгиленген ТИМ башчыларынын жыйыны дагы өтөрү айтылды.

17
Белгилер:
Кыргызстан, жыйын, КМШ
Тема боюнча
Россия өкмөтү: Жээнбековдун Россияга болчу иш сапарына кам көрүп жатабыз
Жээнбеков Кыргызстандын БУУнун Коопсуздук кеңешине өкүл болууга умтулганын эскертти